ជនជាតិបរទេសម្នាក់វាយកញ្ចក់ស៊ុមទូដែលបានតាំងរូបសម្ដេច
រាជធានីភ្នំពេញ ៖ បុរសជនជាតិបរទេសវ័យចំណាស់ម្នាក់ចេញពីផឹកស៊ីស្រវឹងស្រា ដើរទៅវាយកញ្ចក់
រាជធានីភ្នំពេញ ៖ បុរសជនជាតិបរទេសវ័យចំណាស់ម្នាក់ចេញពីផឹកស៊ីស្រវឹងស្រា ដើរទៅវាយកញ្ចក់
រាជធានីភ្នំពេញ ៖ បុរសជនជាតិបរទេសវ័យចំណាស់ម្នាក់ចេញពីផឹកស៊ីស្រវឹងស្រា ដើរទៅវាយកញ្ចក់ដែលមានបិទរូប សម្តេចតេជោ ហ៊ុន សែន នៅមុខគណបក្សប្រជាជនកម្ពុជា ទល់មុខសាលាខណ្ឌដូនពេញ បណ្តាលឲ្យបែកកញ្ចក់មុតដៃហូរឈាម ហើយហែករូបគណបក្សប្រជាជនកម្ពុជា និងរូបថត សម្តេចតេជោ ហ៊ុន សែន ចោលទៀត បង្កឲ្យមានការភ្ញាក់ផ្អើលកាលពីវេលាម៉ោង០៨និង៣០នាទីយប់ ថ្ងៃទី២៤ ខែកញ្ញា ឆ្នាំ២០១៧ តាមបណ្តាយផ្លូវព្រះមុនីវង្ស នៅចំណុចផ្ទះសំណាក់មុនីវង្ស ស្ថិតនៅក្នុងសង្កាត់ស្រះចក ខណ្ឌដូនពេញ ។
បុរសដែលដាល់កញ្ចក់ទូដាក់រូបថត សម្តេចតេជោ ហ៊ុន សែន និងរូប សម្តេច ហេង សំរិន មានឈ្មោះ GISLE REIKVAR ភេទប្រុស អាយុ៥០ឆ្នាំ ស្នាក់នៅផ្ទះសំណាក់មុនីវង្ស ជាន់ទី៣ បន្ទប់លេខ៣៣៣៣ សង្កាត់ស្រះចក ខណ្ឌដូនពេញ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុ គេបានឃើញបុរសវ័យចំណាស់ម្នាក់ ជាជនជាតិនរវ៉េស មិនដឹងថាគាត់ចេញមកពីផឹកស៊ីនៅកន្លែងណាទេ ក្នុងស្ថានភាពស្រវឹងស្រា ដើរមកដល់មុខគណបក្សប្រជាជនកម្ពុជា នៅទល់មុខសាលាខណ្ឌដូនពេញបានដាល់កញ្ចក់ដែលមានដាក់តាំងរូប សម្តេចតេជោ ហ៊ុន សែន និងរូប សម្តេច ហេង សំរិន បណ្តាលឲ្យបែកកញ្ចក់មុតដៃរយះហូរឈាមពេញខ្លួន ហើយបានហែករូបគណបក្សប្រជាជន និងហែករូប សម្តេចតេជោ មួយសន្លឹក ទើបបុរសខាងលើបានរត់ចូលទៅក្នុងផ្ទះសំណាក់មុនីវង្ស ដែលគាត់ជួលស្នាក់នៅទាំងខ្លួនប្រឡាក់សុទ្ធតែឈាម បង្កឲ្យភ្ញាក់ផ្អើលដល់សមត្ថកិច្ចមូលដ្ឋានរួមទាំងខាងមន្ត្រីសាលាខណ្ឌ បាននាំគ្នាចុះមកកន្លែងកើតហេតុ ដើម្បីធ្វើការអន្តរាគមន៍ និងសួរនាំជនជាតិបរទេសរូបនោះ បានប្រាប់សមត្ថកិច្ចថា គាត់មិនមានបំណងវាយកញ្ចក់ទូទេ គឺមកពីគាត់ស្រវឹងស្រា ហើយដើរទៅដួលចំកន្លែងនោះទេ ទើបគាត់ភ័យពេករត់គេចតែម្តង ។
ក្រោយពេលកើតហេតុ សមត្ថកិច្ចក៏បានដឹកយកជនជាតិបរទេសនោះទៅព្យាបាលនៅមន្ទីរពេទ្យកាល់ម៉ែត ៕
ចែករំលែកព័តមាននេះ