សម្តេចតេជោ ៖ បើសង្គ្រាមរុស្ស៊ី-អ៊ុយក្រែន អូសបន្លាយទៀត ទីផ្សារឈើនៅអឺរ៉ុប នឹងឡើងថ្លៃ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានគូសបញ្ជាក់ថា បើសិនសង្គ្រាមរុស្ស៊ី និងអ៊ុយក្រែន នៅតែបន្តអូសបន្លាយទៀត…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានគូសបញ្ជាក់ថា បើសិនសង្គ្រាមរុស្ស៊ី និងអ៊ុយក្រែន នៅតែបន្តអូសបន្លាយទៀត ទីផ្សារឈើនៅអឺរ៉ុប និងឡើងថ្លៃជាមិនខាន ។
ថ្លែងក្នុងពិធីសំណេះសំណាល ជាមួយប្រជាពលរដ្ឋ ដែលបានផ្លាស់ប្តូរទីលំនៅទៅទីតាំងថ្មី និងត្រួតពិនិត្យការដ្ឋានសាងសង់ វារីអគ្គិសនី ស្ទឹងពោធិ៍សាត់១ ស្ថិតនៅ ឃុំប្រម៉ោយស្រុកវាលវែង ខេត្តពោធិ៍សាត់ នាព្រឹកថ្ងៃទី១៤ ខែមីនា ឆ្នាំ២០២៣ សម្តេចតេជោបានលើកឡើងថា ប្រទេសកម្ពុជាបានកំពុងខិតខំដោះស្រាយបញ្ហាអគ្គិសនី ដែលជារួម គឺធ្វើយ៉ាងណាដោះស្រាយបញ្ហាអគ្គិសនីនេះ។ នៅអឺរ៉ុបអគ្គិសនី បានឡើងថ្លៃអស់ហើយ រហូតដល់បច្ចុប្បន្ន ត្រូវបានគេហៅថា ទីផ្សារឈើមានតម្លៃ ។
សម្តេចថា មូលហេតុដែលទីផ្សារឈើនៅអឺរ៉ុប ឡើងថ្លៃ ដោយសារប្រទេសនៅអឺរ៉ុបមួយចំនួន បានដាក់ទណ្ឌកម្ម លើប្រទេសរុស្ស៊ីខ្លាំង ហើយប្រទេសអឺរ៉ុបមួយចំនួន មិនទិញឧស្ម័នពីរុស្ស៊ី ហើយប្រជាជនដែលធ្លាប់តែប្រើឧស្ម័ន សម្រាប់កំដៅក្នុងផ្ទះ ឬចម្អិនអាហារគាត់រងារ អ៊ីចឹងគាត់ទៅកាប់អុស ។
សម្តេចបញ្ជាក់ថា ៖ «អ៊ីចឹងទីផ្សារទំនើបនៅអឺរ៉ុប និងទីផ្សារនៅអាល្លឺម៉ង់ គឺជាទីផ្សារអុសវិញ និងជាប្រទេសដាក់លក់អុសវិញ បើសិនសង្គ្រាមរុស្ស៊ី-អ៊ុយក្រែន នៅអូសបន្លាយទៀត នៅអឺរ៉ុប នឹងកាប់ឈើមកចម្អិនអាហារ និងប្រើប្រាស់ ។ អ៊ីចឹងស្ថានភាពនេះមិនងាយស្រួលទេ ហើយប្រទេសមួយចំនួន នៅអឺរ៉ុប នឹងប្រើធ្យូថ្មវិញ ខណៈមានប្រទេសមួយចំនួន នៅលើពិភពលោក ថា មិនកសាងរោងចក្រអគ្គិសនី ដើរដោយធ្យូងថ្មនោះទេ ប៉ុន្តែចុងបំផុត ប្រទេសអឺរ៉ុបមួយចំនួន ប្រើធ្យូរថ្ម ឡើងវិញ» ។
ជាមួយគ្នានោះដែរ សម្តេចតេជោ ក៏បានលើកឡើងថា នៅកម្ពុជាបានកំពុងតែគិតគូរពីការប្រើប្រាស់ឡើងវិញ នូវថាមពលកកកើតឡើងវិញ ដែលរហូតដល់មកពេលនេះ បានប្រើប្រាស់ប្រមាណ ៦២% ៕
ចែករំលែកព័តមាននេះ