បង្អាប់គ្នាចុះឡើងៗ ចុងក្រោយក្ដៅស្លឹកត្រចៀកកា.ប់មួយពូថៅរយះក្បាល
ខេត្តកំពង់ស្ពឺ ៖ ជនដៃដល់ម្នាក់ ដែលបានយកពូថៅកា.ប់ក្បាលរបស់មិត្តភក្តិខ្លួនឯង
ខេត្តកំពង់ស្ពឺ ៖ ជនដៃដល់ម្នាក់ ដែលបានយកពូថៅកាប់ក្បាលរបស់មិត្តភក្តិខ្លួនឯង បណ្តាលឲ្យរងរបួសធ្ងន់ ព្រោះតែខឹងរឿងជនរងគ្រោះពូកែបង្អាប់ខ្លួន ត្រូវបានសមត្ថកិច្ចឃាត់ខ្លួនកសាងសំណុំរឿងបញ្ជូនទៅកាន់ការិយាល័យព្រហ្មទណ្ឌចាត់ការតាមនីតិវិធី ។ ដោយឡែកជនរងគ្រោះ ត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យភ្លាមៗផងដែរ ។
នគរបាលស្រុកសំរោងទង បានឲ្យដឹងថាករណីអំពើហិង្សានេះកើតឡើងកាលពីវេលាម៉ោង២១និង២០នាទី ថ្ងៃទី១៩ ខែកញ្ញា ឆ្នាំ២០១៧ នៅភូមិបាក់ធ្មេញ ឃុំរលាំងចក ស្រុកសំរោងទង ខេត្តកំពង់ស្ពឺ ។ ជនរងគ្រោះឈ្មោះ ប៉ិច កុសល់ ភេទប្រុស អាយុ៤៥ឆ្នាំ ចំណែកជនដៃដល់ឈ្មោះ ខុន ថុល ភេទប្រុស អាយុ៤៣ឆ្នាំ នៅភូមិឃុំកើតហេតុជាមួយគ្នា ។
ប្រភពបន្តថា តាមការសាកសួរ មុនពេលកើតហេតុរវាងជនរងគ្រោះ និងជនរងគ្រោះ បានផឹកស៊ីជាមួយគ្នា តាំងពីថ្ងៃរសៀលរហូតដល់យប់កើតហេតុ ។ ពេលផឹកស៊ីនោះដែរ ជនរងគ្រោះចេះតែនិយាយបង្អាប់ជនដៃដល់ជាការលេងសើច លុះដល់ជនដៃដល់បង្អាប់មិនឈ្មះជនរងគ្រោះ ក៏យកពូថៅកាប់លើជនរងគ្រោះចំក្បាល បណ្តាលឲ្យរងរបួសជាទំងន់ ក្រោយកើតហេតុ ជនរងគ្រោះត្រូវបានសាច់ញាតិបញ្ជូនទៅកាន់មន្ទីរពេទ្យភ្លាមៗផងដែរ ។ ក្រោយបង្ក ជនដៃដល់ប្រុងរត់គេចខ្លួន តែត្រូវសមត្ថកិច្ចតាមចាប់ខ្លួនបានមកវិញ ដើម្បីចាត់ការតាមនីតិវិធី ។
នៅព្រឹកថ្ងៃទី២០ ខែកញ្ញា ឆ្នាំ២០១៧ ក្រោយឃាត់ខ្លួន សមត្ថកិច្ចបានកសាងសំណុំរឿងបញ្ជូនទៅកាន់ការិយាល័យព្រហ្មទណ្ឌចាត់ការបន្តតាមនីតិវិធី ៕
ចែករំលែកព័តមាននេះ