សមត្ថកិច្ចខេត្តឃាត់ខ្លួនជនសង្ស័យ២នាក់ តាមដីកាបង្គាប់ឱ្យចាប់ខ្លួនរបស់តុលាការ
ខេត្តសៀមរាប ៖ កម្លាំងការិយាល័យបទល្មើសព្រហ្មទណ្ឌ នៃកងរាជអាវុធហត្ថខេត្ត ដឹកនាំបញ្ជាដោយលោកវរសេនីយ៍ឯក ស្រី យ៉ូរ៉ា មេបញ្ជាការរង ទទួលការងារយុត្តិធម៌
ខេត្តសៀមរាប ៖ កម្លាំងការិយាល័យបទល្មើសព្រហ្មទណ្ឌ នៃកងរាជអាវុធហត្ថខេត្ត ដឹកនាំបញ្ជាដោយលោកវរសេនីយ៍ឯក ស្រី យ៉ូរ៉ា មេបញ្ជាការរង ទទួលការងារយុត្តិធម៌ នៃកងរាជអាវុធហត្ថខេត្ត ដោយមានការសម្របសម្រួលពីលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប បានឱ្យមន្ទីរស្រាវជ្រាវយុត្តិធម៌ចំនួន៤នាក់ រថយន្ត១គ្រឿង ដឹកនាំដោយលោកវរសេនីយ៍ត្រី អ៊ុយ ចយ នាយការិយាល័យបទល្មើសព្រហ្មទណ្ឌ បានចុះស្រាវជ្រាវតាមដីកាបង្គាប់ឱ្យចាប់ខ្លួនជនសង្ស័យចំនួន២នាក់ ពាក់ព័ន្ធនឹងករណី គំរាមកំហែងថា នឹងសម្លាប់ + ប៉ុនប៉ងអំពើលួច កាលពីថ្ងៃទី១៥ ខែកញ្ញា ឆ្នាំ២០១៧ នៅវេលាម៉ោង០៨និង៣០នាទីព្រឹក ស្ថិតនៅចំណុចដើមសំរោង ភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប រហូតឈានដល់ឃាត់ខ្លួនបានជនល្មើសទាំង២នាក់ រួចយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅតុលាការ ។
ហេតុការឃាត់ខ្លួនជនសង្ស័យនោះ ធ្វើឡើងនៅវេលាម៉ោង១៧និង៣០នាទីល្ងាច ថ្ងៃទី១៨ ខែកញ្ញា ឆ្នាំ០១៧ ស្ថិតនៅចំណុច ភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប ។
លោកវរសេនីយ៍ឯក ស្រី យ៉ូរ៉ា មេបញ្ជាការរង ទទួលការងារយុត្តិធម៌នៃកងរាជអាវុធហត្ថខេត្ត បានប្រាប់ថា ដោយមានការចង្អុលបង្ហាញ និងបញ្ជាពីលោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្ត ដោយមានការសម្របសម្រួលពីលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប បានឱ្យមន្ទីរស្រាវជ្រាវយុត្តិធម៌ចំនួន៤នាក់ រថយន្ត១គ្រឿង ដឹកនាំដោយលោកវរសេនីយ៍ត្រី អ៊ុយ ចយ នាយការិយាល័យបទល្មើសព្រហ្មទណ្ឌ បានចុះស្រាវជ្រាវរហូតឈានដល់ធ្វើការឃាត់ខ្លួនជនសង្ស័យចំនួន២នាក់ ពាក់ព័ន្ធនឹងករណី គំរាមកំហែងថា នឹងសម្លាប់ + ប៉ុនប៉ងអំពើលួច កាលពីថ្ងៃទី១៥ ខែកញ្ញា ឆ្នាំ២០១៧ នៅវេលាម៉ោង០៨និង៣០នាទីព្រឹក ស្ថិតនៅចំណុចដើមសំរោង ភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប រួចយកមកសួរនាំនៅការិយាល័យជំនាញ ដើម្បីរៀបចំសំណុំរឿងបញ្ជូនទៅតុលាការ ។
លោកបានបញ្ជាក់ថា ជនសង្ស័យទាំង២នាក់មាន ទី១.ឈ្មោះ ណំ តុលា ភេទប្រុស អាយុ២០ឆ្នាំ មុខរបរមិនពិតប្រាកដ ទីលំនៅបច្ចុប្បន្ន ភូមិក្រសាំងរលើង សង្កាត់សៀមរាប ក្រុងសៀមរាប ខេត្តសៀមរាប និងទី២.ឈ្មោះ សួន រិទ្ធី ភេទប្រុស អាយុ៣០ឆ្នាំ មុខរបរមិនពិតប្រាកដ ទីលំនៅបច្ចប្បន្ន ភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប ។ ចំណែកជនរងគ្រោះ ឈ្មោះ សេង ធី ភេទប្រុស អាយុ៤៨ឆ្នាំ មុខរបរមន្ត្រីនគបាលជាតិ រស់នៅភូមិក្រសាំងរលើង សង្កាត់សៀមរាប ក្រុងសៀមរាប ខេត្តសៀមរាប ត្រូវជាឪពុកជនរងគ្រោះឈ្មោះ ធី ជី ភេទប្រុស អាយុ១៥ឆ្នាំ មុខរបរសិស្ស រស់នៅជាមួយឪពុក ។
បច្ចុប្បន្ន ជនសង្ស័យទាំង២នាក់ ត្រូវបានកម្លាំងការិយាល័យជំនាញកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ