ធ្វើដំណើរទៅលេងស្រុក អគ្គិភ័យមិនប្រណីផ្ទះ
រាជធានីភ្នំពេញ ៖ នៅវេលាម៉ោង៧ និង៣០នាទី យប់ថ្ងៃទី១៨ ខែកញ្ញា ឆ្នាំ២០១៧នេះ នៅចំណុចផ្លូវបេតុង
រាជធានីភ្នំពេញ ៖ នៅវេលាម៉ោង៧ និង៣០នាទី យប់ថ្ងៃទី១៨ ខែកញ្ញា ឆ្នាំ២០១៧នេះ នៅចំណុចផ្លូវបេតុង
រាជធានីភ្នំពេញ ៖ នៅវេលាម៉ោង៧ និង៣០នាទី យប់ថ្ងៃទី១៨ ខែកញ្ញា ឆ្នាំ២០១៧នេះ នៅចំណុចផ្លូវបេតុង ភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ។ មានគ្រោះអគ្គិភ័យមួយបានកើតឡើង
ដោយមិនដឹងមូលហេតុ តែសង្ស័យថាប្រហែលបណ្ដាលមកពីក្មេងៗលេងដុតផាវ។ តាមប្រភពព័ត៌មានពីម្ចាស់ផ្ទះឈ្មោះ ម៉ន ប៊ុនហេង ភេទប្រុស អាយុ៤៧ឆ្នាំ មុខរបរជាងសំណង់ រស់នៅភូមិឃុំខាងលើ បានប្រាប់ថា នៅវេលាម៉ោងប្រមាណ៨ព្រឹកមិញនេះ គាត់បាននាំកូនស្រីរបស់គាត់អាយុ១៧ឆ្នាំ ដែលមានសតិមិនគ្រប់ទៅខេត្តកំពង់ស្ពឺ ដើម្បីយករបស់របរជូនម្ដាយក្នុងរដូវភ្ជុំបិណ្ឌ។ គាត់បានបញ្ជាក់ថា គ្រួសារមានសមាជិក៤នាក់ តែថ្ងៃនេះអត់មានអ្នកនៅផ្ទះទេ ព្រោះអីកូនប្រុសគាត់បានទៅលេងស្រុកខាងប្រពន្ធបាត់ហើយដែរ ផ្ទះរបស់ត្រូវបិទទ្វារចោល។
លុះដល់វេលាកើតហេតុ បងប្អូនអ្នកផ្ទះជិតខាងបានទូរស័ព្ទប្រាប់គាត់ថា ផ្ទះរបស់គាត់ត្រូវភ្លើងឆេះហើយ ខណៈនោះគាត់បានដួលសន្លប់ដោយរន្ធត់នឹកស្ដាយស្រណោះផ្ទះរបស់គាត់។ ក្រោយងើបពីសន្លប់ប៉ុន្មាននាទីរួចមក គាត់ក៏បានធ្វើដំណើរមកកាន់ផ្ទះរបស់គាត់ដែលឆេះនោះ តែអណ្ដាតភ្លើងបានរលត់អស់ហើយ ដោយបានរថយន្តពន្លត់អគ្គិភ័យ របស់កងពលតូច(ង៧០-៧១១) និងរថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ ជួយបាញ់ពន្លត់ចំនួន៥គ្រឿង អស់រយៈពេលជិត២ម៉ោងទើបរលត់អស់។ ក្នុងករណីឆាបឆេះផ្ទះនេះដែរ មិនទាន់មានប្រភពណាមួយបញ្ជាក់ច្បាស់លាស់នៅឡើយទេ គ្រាន់តែដាក់ការសង្ស័យថា ប្រហែលជាក្មេងៗលេងដុតផាវបោះត្រូវចូលផ្ទះទើបបណ្ដាលឲ្យឆាបឆេះបែបនេះ។
លោក ម៉ន ប៊ុនហេង ដែលត្រូវអគ្គិភ័យឆាបឆេះផ្ទះរបស់គាត់នោះបានសំណូមពរដល់រាជរដ្ឋាភិបាល មេត្តាជួយដល់ក្រុមគ្រួសារគាត់ផង ព្រោះគាត់ក្រីក្រណាស់ ម្យ៉ាងប្រពន្ធរបស់ទើបតែស្លាប់បានប្រហែល៦ខែប៉ុណ្ណោះ ឥឡូវត្រូវភ្លើងឆេះផ្ទះអស់ទៀត ព្រមទាំងជំពាក់លុយគេទៀត គាត់គ្មានអ្វីទីពឹងឡើយ។ ផ្ទះដែលឆាបឆេះនេះមានទំហំ៧ គុណនឹង៨ម៉ែត្រ ហើយតសំយ៉ាបមកខាងមុខប្រហែល៥ម៉ែត្រ តែត្រូវភ្លើងឆេះទាំងស្រុងនៅសល់តែសំយ៉ាបខាងមុខបន្តិចប៉ុណ្ណោះ៕
ចែករំលែកព័តមាននេះ