ប្រជាកាពារភូមិសង្កាត់សៀមរាប ឃាត់ខ្លួនចោរឆក់បានម្នាក់
ខេត្តសៀមរាប ៖ កម្លាំងអធិការដ្ឋាននគរបាលព្រហ្មទណ្ឌក្រុងសៀមរាប សហការជាមួយប៉ុស្តិ៍នគរបាលរដ្ឋបាលសង្កាត់សៀមរាប
ខេត្តសៀមរាប ៖ កម្លាំងអធិការដ្ឋាននគរបាលព្រហ្មទណ្ឌក្រុងសៀមរាប សហការជាមួយប៉ុស្តិ៍នគរបាលរដ្ឋបាលសង្កាត់សៀមរាប នៃអធិការដ្ឋាននគរបាលក្រុងសៀមរាប និងបងប្អូនប្រជាការពារសង្កាត់សៀមរាប បានធ្វើការព័ន្ធចាប់ឃាត់ខ្លួនបានជនសង្សយ័ម្នាក់ភ្លាមៗ បន្ទាប់ពីធ្វើសកម្មភាពជិះម៉ូតូ ឆក់កាបូបពីជនរងគ្រោះជាស្ត្រីចំណាស់ម្នាក់ក្នុងក្រុងសៀមរាប ។ ហេតុការឃាត់ខ្លួនជនសង្ស័យឆក់កាបូបធ្វើឡើងនៅវេលាម៉ោង១០និង០០នាទីព្រឹក ថ្ងៃទី១៧ ខែកញ្ញា ឆ្នាំ២០១៧ នៅត្រង់ចំណុចខាងជើងការ៉ាស់សាំង LHR ចម្ងាយ៣០ម៉ែត្រ ស្ថិតនៅក្រុមទី០១ ភូមិកក្រាញ់ សង្កាត់សៀមរាប ក្រុងសៀមរាប ខេត្តសៀមរាប ។
លោកវរសេនីយ៍ត្រី នួន សក្តិ័ចំរើនរិទ្ធ អធិការរងទទួលផ្នែកនគរបាលយុត្តិធម៌នៃអធិការដ្ឋាននគរបាលក្រុងសៀមរាប បានឱ្យដឹងថា ក្រោមការយកចិត្តទុកដាក់ពីសំណាក់លោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្តសៀមរាប ក៏ដូចជាលោកស្នងការរងទទួលបន្ទុកផែនព្រហ្មទណ្ឌ ដែលតែងតែណែនាំដល់មន្ត្រីក្រោមឱវាទត្រៀមនៅតាមគោលដៅធ្វើការល្បាតពួនស្ទាក់ ខណៈពេលនោះជនរងគ្រោះកំពុងឈរកាន់កាបូបយួរដៃមួយ នៅលើចិញ្ចើមផ្លូវ ពេលនោះជនសង្ស័យម្នាក់ បានជិះម៉ូតូមួយគ្រឿងម៉ាកហុងដាឌ្រីម សេ១២៥ សេរីឆ្នាំ២០១៦ ពណ៌ខ្មៅ ដោយជិះតែម្នាក់ឯង មកពីទិសខាងជើង ពេលជិះមកដល់ក្បែរជនរងគ្រោះ ក៏បានយកដៃស្តាំរបស់គេឆក់ទាញយកកាបូបពីជនរងគ្រោះ ប៉ុន្តែមិនបានសម្រេចបណ្តាលឱ្យម៉ូតូរបស់ជនសង្ស័យដួល ពេលនោះជនរងគ្រោះបានស្រែកផ្អើលឆោឡោដល់អ្នកជិតខាង ហើយជនសង្ស័យរូបនេះ បានទុកម៉ូតូចោលហើយរត់គេចខ្លួន ប៉ុន្តែត្រូវបានប្រជាការពារភូមិ និងសមត្ថកិច្ចប៉ុស្តិ៍នគរបាលរដ្ឋបាលសង្កាត់សៀមរាប នៃអធិការដ្ឋាននគរបាលក្រុងសៀមរាប សហការណ៍គ្នាព័ទ្ធចាប់បានភ្លាមៗ ក្រោយកើតហេតុបន្តិច ។ លោកបានបន្តថា ជនរងគ្រោះឈ្មោះ ឡាំង ឆេងលាង ភេទស្រី អាយុ៥២ឆ្នាំ មុខរបរនៅផ្ទះ ទីលំនៅបច្ចុប្បន្ននៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប ។
នៅចំពោះមុខសមត្ថកិច្ច ជនសង្ស័យឈ្មោះ ធឿន ចំរើនរិទ្ធ ហៅ រឹត ភេទប្រុស អាយុ៣៧ឆ្នាំ មុខរបរដឹកភ្ញៀវរ៉ឺម៉កម៉ូតូ ទីលំនៅបច្ចុប្បន្ននៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប បានឆ្លើយសារភាពថា ខ្លួនពិតជាបានធ្វើសកម្មភាពឆក់ការបូប ពីជនរងគ្រោះពិតប្រាកដមែន ។ បន្ទាប់ពីកម្លាំងបានឃាត់ខ្លួនជនសង្ស័យបានភ្លាមៗ ក្នុងនោះដកហូតវត្ថុតាងបានរួមមាន-ម៉ូតូចំនួនមួយគ្រឿង ដែលជនសង្ស័យជិះធ្វើសកម្មភាព គ្មានផ្លាកលេខ លេខតួ+ម៉ាស៊ីន៩៦០២៣៤៨ ម៉ាកហុងដាឌ្រីម សេ១២៥ ស៊េរីឆ្នាំ២០១៦ ពណ៌ខ្មៅ ។ បច្ចុប្បន្នជនសង្ស័យ និងវត្ថុតាង ត្រូវបានកម្លាំងនគរបាលអធិការក្រុងសៀមរាប កំពុងរៀបចំកសាងសំណុំរឿងបញ្ជូនទៅតុលាការខេត្ត ដើម្បីចាត់ការតាមនីតិវិធី ៕
ចែករំលែកព័តមាននេះ