សំរាមរាប់តោន ត្រូវបានគេដឹកយកទៅចាក់ចោលនៅលើផ្លូវ
ខេត្តកំពង់ធំ ៖ ពាក់ព័ន្ធនឹងករណីសំរាមរាប់ពាន់តោនត្រូវបានក្រុមហ៊ុនប្រមូលសំរាម ហ្គាអ៊ីយ៉ា បានយកកាកសំណល់ទៅចាក់ចោលនៅលើផ្លូវ
ខេត្តកំពង់ធំ ៖ ពាក់ព័ន្ធនឹងករណីសំរាមរាប់ពាន់តោនត្រូវបានក្រុមហ៊ុនប្រមូលសំរាម ហ្គាអ៊ីយ៉ា បានយកកាកសំណល់ទៅចាក់ចោលនៅលើផ្លូវ
ខេត្តកំពង់ធំ ៖ ពាក់ព័ន្ធនឹងករណីសំរាមរាប់ពាន់តោនត្រូវបានក្រុមហ៊ុនប្រមូលសំរាម ហ្គាអ៊ីយ៉ា បានយកកាកសំណល់ទៅចាក់ចោលនៅលើផ្លូវ និងដីប្រជាពលរដ្ឋ។ ប្រជាពលរដ្ឋបានឲ្យដឹងថា ពួកគាត់ទាំងអស់គ្នាមានឈ្មោះទី១. អ៊ឹង សុផល ទី២. លោកពូសាក់ ពូសុខ ពូគីម មីងជឿន មីងចេក លោកឃា និងលោក ប៉េង ស៊ន ជាតំណាងរបស់ប្រជាពលរដ្ឋដែលមានដីស្ថិតនៅក្នុងភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំប្រាប់ថា៖ ពួកគាត់សព្វថ្ងៃនេះជួបប្រទះនូវបញ្ហាយ៉ាងខ្លាំងទី១.ផ្លូវមួយខ្សែត្រូវបានបំផ្លាញដោយសារក្រុមហ៊ុន ហ្គាំអ៊ីយ៉ា បើកដឹកសំរាមខ្ទេចផ្លូវរកតែបើកដឹកកសិផលក៏មិនកើត ទី២.ក្រុមហ៊ុននេះបានដឹកសំរាមរាប់ពាន់តោនយកមកចាក់ចោលនៅលើផ្លូវធ្វើដំណើរលែងកើត និងទី៣.ក្រុមហ៊ុនបានចាក់សំរាមរាលដាលមកលើដីរបស់ពួកគាត់បង្កផលប៉ះពាល់ដល់ដីពួកគាត់ ហើយពួកគាត់បានហៅ លោក សីហា ខាងអ្នកគ្រប់គ្រងសំរាមនៅក្រុងស្ទឹងសែនមកជួបចំនួន៣ដងមកហើយនៅតែចាក់ដដែល។
លោក អ៊ឹង សុផល ប្រជាពលរដ្ឋម្នាក់ប្រាប់ថា គាត់បានចំណាយប្រាក់ធ្វើផ្លូវដើម្បីចូលទៅកាន់ដីរបស់គាត់ ចំណែកផ្លូវចាស់ជារបស់រដ្ឋធ្វើនោះត្រូវបានខ្ទេចខ្ទីអស់ដោយសារតែឡានដឹកសំរាមបើកបរយកសំរាមមកចាក់ ដល់ពេលផ្លូវរដ្ឋនោះបើកលែងកើត ឡានសំរាមនោះក៏បើកនៅលើផ្លូវរបស់គាត់ធ្វើ ហើយចាក់សំរាមលើដីរបស់គាត់ទៀត ដោយសារនិយាយគ្នាមិនស្តាប់ទៅនៅល្ងាចថ្ងៃទី១៦ ខែកញ្ញាគាត់បានឃាត់ឡានដឹកសំរាមនោះដើម្បីដោះស្រាយគ្នាសិន។ ហើយការឃាត់ឡានដឹកសំរាមនេះគឺឃាត់មិនឲ្យចាក់សំរាមនៅលើដីរបស់គាត់ មិនមែនឃាត់មិនឲ្យយកសំរាមទៅចាក់ចោលនោះទេ។ ជុំវិញបញ្ហាខាងលើ លោក ឌៀប សីហា អនុប្រធានក្រុមហ៊ុនប្រមូល និងដឹកជញ្ជូនសំរាម បានប្រាប់ កោះសន្តិភាព ឲ្យដឹងនៅព្រឹកថ្ងៃទី១៧ ខែកញ្ញា ឆ្នាំ២០១៧នេះថា ចំពោះបញ្ហាសំរាមកកស្ទះធ្វើឲ្យប៉ះពាល់ដល់ប្រជាពលរដ្ឋខាងលើនេះ លោកទទួលស្គាល់ ដោយសារតែមូលហេតុទី១.អាប៊ុលវាខូច ថាធ្វើ១អាទិត្យហើយ តែធ្វើមិនហើយរហូតដល់១ខែបានរួច ហើយខែនេះជារដូវភ្លៀងឡានដឹកសំរាមមិនអាចចូលទៅចាក់ដល់មាត់រណ្តៅបាន ចេះតែចាក់រាលដាលដូច្នេះមួយរយៈនេះ បើមិនចាក់វាអត់កន្លែងចាក់។
ពីព្រោះទីតាំងចាក់សំរាមចាស់មួយកន្លែងទៀតនៅភូមិវល្លិ៍យាវក៏ត្រូវបានប្រជាពលរដ្ឋប្តឹងឲ្យលុបដីកុំឲ្យស្អុយ ហើយអភិបាលខេត្តចាស់ លោក អ៊ុត សំអន មិនឲ្យយកទៅចាក់ទៀតទេ ហើយបញ្ហាសំរាមនេះនៅព្រឹកថ្ងៃទី១៧នេះ លោកបានឲ្យអាប៊ុលទៅរុញបញ្ចូលទៅក្នុងរណ្តៅហើយ លោកសុំពេលកមួយរយៈភ្ជុំរួចនឹងធ្វើឲ្យស្អាត។ ជុំវិញបញ្ហាខាងលើនេះលោក ម៉ាក់ ប៊ុនហុង អភិបាលក្រុងស្ទឹងសែនដែលទើបតែឡើងកាន់តំណែងថ្មីៗនេះ បានប្រាប់ កោះសន្តិភាព តាមទូរស័ព្ទនៅរសៀលថ្ងៃទី១៧ ខែកញ្ញា ឆ្នាំ២០១៧នេះដែរថា ចំពោះបញ្ហាគំនរសំរាមខាងលើនេះ លោកបានចុះទៅពិនិត្យមើលហើយ និងបានសុំគោលការណ៍ពីលោកអភិបាលខេត្តឲ្យដឹកយកសំរាមទៅចាក់នៅទីតាំងចាស់រយៈពេលពីរបីថ្ងៃសិន ទំរាំតែខាងក្រុមហ៊ុន រុញសំរាមដែលកកស្ទះនោះចូលក្នុងរណ្តៅអស់ ទើបអនុញ្ញាតឲ្យដឹកយកមកចាក់បន្តទៀត ទំរាំទីតាំងថ្មីនៅតាមបណ្តោយផ្លូវជាតិលេខសេ៥១ពីកំពង់ធំទៅខេត្តកំពង់ឆ្នាំងធ្វើរួចរាល់។
ហើយអាងសំរាមចាស់នេះមានទំហំប្រហែលជាមួយហិកតាប៉ុណ្ណោះ មិនអាចផ្ទុកសំរាមដ៏ច្រើននេះបានយូរឆ្នាំទេ ម្យ៉ាងទៀតទីតាំងចាស់ស្ថិតនៅជិតក្រុងពេកអាចបង្កផលប៉ះពាល់ដល់សុខភាពប្រជាពលរដ្ឋ និងបរិស្ថាន។ អាស្រ័យហេតុដូច្នេះហើយបានជាក្រុង និងខេត្តរកទីតាំងថ្មី លោកអភិបាលក្រុងក៏សូមឲ្យបងប្អូនប្រជាពលរដ្ឋមេត្តាយោគយល់ និងអធ្យាស្រ័យផងមិនយូរប៉ុន្មានទៀតទេអាងសំរាមថ្មីកើតឡើងយើងនឹងអស់បញ្ហាហើយ៕
ចែករំលែកព័តមាននេះ