សមត្ថកិច្ចបង្ក្រាបវង់ល្បែង អាចោរជើងមួយ
ខេត្តតាកែវ ៖ ដោយអនុវត្តន៍តាមបទបញ្ជាក៏ដូចជាការណែនាំចង្អុលបង្ហាញពីលោកឧត្តមសេនីយ៍
ខេត្តតាកែវ ៖ ដោយអនុវត្តន៍តាមបទបញ្ជាក៏ដូចជាការណែនាំចង្អុលបង្ហាញពីលោកឧត្តមសេនីយ៍ សុខ សំណាង ស្នងការនគរបាលខេត្ត នៅរសៀលថ្ងៃទី១៦ ខែកញ្ញា ឆ្នាំ២០១៧ នគរបាលការិយាល័យ ព្រហ្ម ទណ្ឌកម្រិតស្រាលខេត្ត បានបញ្ជូនជនសង្ស័យរួមជាមួយវត្ថុតាងទៅកាន់សាលាដំបូងខេត្តហើយ។ វរសេនីយ៍ទោ ឌុក ធីយា អធិការនគរបាលស្រុកត្រាំកក់ បានឲ្យដឹងថា ជនសង្ស័យ និងវត្ថុតាងករណីបង្ក្រាបល្បែងស៊ីសងខុសច្បាប់(លេងអាប៉ោង) បានបញ្ជូនមកស្នងការដ្ឋាននគរបាលខេត្តតាកែវ ដើម្បីចាត់ការបន្ត។
គួរបញ្ជាក់ដែរថា ករណីនេះកម្លាំងអធិការដ្ឋាននគរបាលស្រុកត្រាំកក់សហការណ៍ជាមួយប៉ុស្តិ៍នគរបាលរដ្ឋបាលលាយបូរ បង្ក្រាបនៅថ្ងៃទី១៥ កញ្ញា ២០១៧ វេលាម៉ោង៨ និង៤០នាទីយប់ នៅចំណុចលើដីទួលក្នុងព្រៃស្ថិតនៅភូមិខ្នា ឃុំលាយបូរ ស្រុកត្រាំកក់ ឃាត់ខ្លួនជនសង្ស័យ(ជាមេអាប៉ោង) ម្នាក់ឈ្មោះ ឡុង ចយ ភេទប្រុស អាយុ៣៨ឆ្នាំ មុខរបរមិនពិតប្រាកដ រស់នៅភូមិសែនបន ឃុំលាយបូរ ស្រុកត្រាំកក់ ខេត្តតាកែវ និងបក្ខពួកចំនួន០៥នាក់ទៀតរត់គេចខ្លួនព្រមទាំងដកហូតសម្ភារវត្ថុតាងរួមមាន៖ ម៉ូតូចំនួន៣គ្រឿងម៉ាកឌ្រីមសេ១២៥ ពណ៌ខ្មៅ២គ្រឿង និងម៉ូតូគូប៥០មូល០១គ្រឿង ចានអាប៉ោង០១ គម្រប០១ មេអាប៉ោង០៣ តង់ក្រាល០១ និងប៉ាយអាប៉ោង០១ បញ្ជូនមកកាន់ស្នងការដ្ឋាននគរបាលហើយនគរបាលព្រហ្មទណ្ទកម្រិតស្រាល ក៏បានកសាងសំណុំរឿងបញ្ជូនបន្តទៅសាលាដំបូងចាត់ការតាមច្បាប់៕
ចែករំលែកព័តមាននេះ