សាលាឧទ្ធរណ៍នឹងបើកសវនាការសំណុំរឿងលោកកឹម សុខា ថ្ងៃទី២៦ កញ្ញា
រាជធានីភ្នំពេញ ៖ សាលាឧទ្ធរណ៍នឹងបើកសវនាការលើកសំណុំរឿងលោក កឹម សុខា ប្រធានគណបក្សសង្គ្រោះជាតិនៅថ្ងៃទី២៦ ខែកញ្ញា ខាងមុខនេះ ។ នេះបើតាម
រាជធានីភ្នំពេញ ៖ សាលាឧទ្ធរណ៍នឹងបើកសវនាការលើកសំណុំរឿងលោក កឹម សុខា ប្រធានគណបក្សសង្គ្រោះជាតិនៅថ្ងៃទី២៦ ខែកញ្ញា ខាងមុខនេះ ។ នេះបើតាម
រាជធានីភ្នំពេញ ៖ សាលាឧទ្ធរណ៍នឹងបើកសវនាការលើកសំណុំរឿងលោក កឹម សុខា ប្រធានគណបក្សសង្គ្រោះជាតិនៅថ្ងៃទី២៦ ខែកញ្ញា ខាងមុខនេះ ។ នេះបើតាមឲ្យដឹងរបស់លោក សំ សុខគង់ មេធាវីការពារក្តីរបស់លោក ។
លោក សំ សុខគង់ មេធាវីម្នាក់ក្នុងចំណោមមេធាវីផ្សេងទៀតបានប្រាប់កោះសន្តិភាពឱ្យដឹងតាមរយៈទូរស័ព្ទនៅថ្ងៃទី១៧ ខែកញ្ញាថា សាលារឧទ្ធរណ៍នឹងបើកសវនាការរឿងលោក កឹម សុខា នៅថ្ងៃទី២៦ កញ្ញា វេលាម៉ោង៨ព្រឹកខាងមុខនេះ បន្ទាប់ពីក្រុមមេធាវីលោកបានដាក់ពាក្យបណ្តឹងទៅកាលពីថ្ងៃទី១១ កញ្ញាកន្លងមក។
លោកបញ្ជាក់ថា «បើកនេះ បន្ទាប់ពីយើងដាក់ពាក្យបណ្តឹងទាក់ទងនឹងការសម្រេចរបស់ចៅក្រមស៊ើបសួរសាលាដំបូងក្នុងការឃុំខ្លួនបណ្តោះអាសន្នចំពោះលោក កឹម សុខា កាលពីថ្ងៃទី៧ និង៨ ខែកញ្ញា ។ យើងចង់ឲ្យសាលាឧទ្ធរណ៍ពិនិត្យនូវមូលហេតុ (និយ័តភាព) និងអង្កេតនៃការឃុំខ្លួនរបស់ចៅក្រមស៊ើបសួរសាលាដំបូងត្រឹមត្រូវតាមច្បាប់ ឬអត់? យើងនឹងលើកឡើងពីនីតិវិធីនៅក្នុងសវនាការផងដែរ»។
យ៉ាងណាក្តីសម្រាប់សវនាការខាងមុខនេះ លោក សំ សុខគង់ បានលើកឡើងថា ក្រុមមេធាវីលោកមិនមានសេចក្តីសង្ឃឹមថា តុលាការនឹងដោះលែងលោក កឹម សុខា នោះទេ ។ ប៉ុន្តែក្រុមមេធាវីការពារក្តីធ្វើនេះតាមនីតិវិធីផ្លូវច្បាប់ ។ ដូច្នេះក្រុមមេធាវីនឹងធ្វើឲ្យអស់លទ្ធភាព ដើម្បីបង្ហាញការអនុវត្តនឹង គឺមិនទាន់លក្ខណៈត្រឹមត្រូវតាមផ្លូវច្បាប់។
លោកគូសបញ្ជាក់ថា «ការចោទប្រកាន់ចំពោះកូនក្តីខ្ញុំពីសំណាក់តុលាការនេះមិនត្រូវត្រូវ និងស្អាតស្អំទេ »។
ទាក់ទិននឹងសវនាការនេះដែរលោក សុខគង់ បានឲ្យដឹងថា ក្រុមមេធាវីការពាក្តីលោក កឹម សុខា ទាំង៨រូបនឹងចូលរួមទាំងអស់គ្នា។ ហើយនៅពេលនេះក្រុមមេធាវីកំពុងតែរៀបចំឯកសារទៅចៅក្រម ដើម្បីស្នើសុំឲ្យលោក កឹម សុខា មានវត្តមាននៅក្នុងសវនាការផងដែរ។
ចែករំលែកព័តមាននេះ