តារាចម្រៀងមួយក្រុមត្រៀម…
រាជធានីភ្នំពេញ ៖ តារាចម្រៀងមួយក្រុមកំពុងតែត្រៀមខ្លួន
រាជធានីភ្នំពេញ ៖ តារាចម្រៀងមួយក្រុមកំពុងតែត្រៀមខ្លួនចេញទៅសម្តែងជូនជនរួមជាតិខ្មែរនៅលើទឹកដីអាមេរិក ។
ក្រុមអ្នកចម្រៀងទាំងនោះ មានកញ្ញាស៊ូ ដាណេ តារាចម្រៀងសំឡេងស្រដៀងអ្នកស្រីប៉ែន រ៉ន, លោកនៅ ស៊ីនឿន តារាចម្រៀងប្រចាំផលិតកម្មហង្សមាស, លោកពិន សេកមាស, លោកនាង សំណាង ផ្នែកចម្រៀងប្រជាប្រិយនិងមរតកដើម, កញ្ញាផាត់ ស្រីពេជ្រ ផ្នែកចម្រៀងប្រជាប្រិយ និងមរតកដើម កញ្ញាកែវ សៀងហៃ ជំនាញចម្រៀងបែបប្រពៃណី និងប្រជាប្រិយ, លោករ័ត្ន សុភក្ត្រា ជំនាញចម្រៀងប្រជាប្រិយ ,អ្នកនាងម៉ុក អានីត តារាចម្រៀង។
កញ្ញាស៊ូ ដាណេ ដែលតែងតែមានឱកាសសម្តែងនៅអាមេរិកប៉ុន្មានលើកមកហើយនោះ ត្រៀមខ្លួនទៅសម្តែងសាជាថ្មី ។ នាងឱ្យដឹងកាលពីពេល ថ្មីៗកន្លងមកថា សម្រាប់ឱកាសទៅអាមេរិកលើកនេះជាទ្រង់ទ្រាយក្រុមធំ ។
ស៊ូ ដាណេ និយាយថា «នាងខ្ញុំយល់ឃើញ សិល្បករយើងមានជំនាញរៀងខ្លួន ។ តារាក្រុមរបស់នាងខ្ញុំពិតជាអាចកំដរបរិយាកាសបានយ៉ាងគាប់ប្រសើរដល់ខ្មែរយើងនៅអាមេរិក។ ម្នាក់ៗសុទ្ធតែមានជំនាញសិល្បៈ ផ្សេងៗគ្នាដូចជានាងខ្ញុំចេះស្មូត្រ ចេះរាំរបាំទៀតរឹតតែជួយលើកកម្ពស់ទម្រង់សិល្បៈខ្មែរ នៅទីនោះផង និងជនបរទេសផងក្នុងទឹកដីមហាអំណាចនេះ ។ មូលហេតុទាំងនេះហើយទើបនាងខ្ញុំ និងក្រុមការងារកំពុងតែរួមគ្នាខិតខំធ្វើយ៉ាងណាឱ្យដំណើរការសម្តែងនៅអាមេរិកអំឡុងខែតុលាខាងមុខនេះបានប្រព្រឹត្តទៅមានការលូន ហើយខំរិះរករបាំខ្មែរណាទាក់ទាញ និងឈុតឆាកចម្រៀងពីដើមតាមខ្សែភាពយន្តជំនាន់មុនមកសម្តែងដើម្បីញ៉ាំងកម្មវិធីឱ្យល្អក្នុងពេលដែលមានអ្នកគាំទ្រ ។ ក្រុមយើងរំពឹងថាពិតជាមានការពេញចិត្តពីទស្សនិកជននៅទីនោះក្រោយការរក្សាទម្រង់សិល្បៈខ្មែរ» ៕
ចែករំលែកព័តមាននេះ