តើការគេងលើសពី10ម៉ោងក្នុងមួយថ្ងៃអាចបណ្តាលឱ្យកើតជំងឺបាក់ទឹកចិត្តឬ ?
តើអ្នកចំណាយពេលវេលាគេងច្រើនមែនទេ ? កាលពីពេលថ្មីៗកន្លងមកការសិក្សាជាច្រើនបានព្រមានថា
តើអ្នកចំណាយពេលវេលាគេងច្រើនមែនទេ ? កាលពីពេលថ្មីៗកន្លងមកការសិក្សាជាច្រើនបានព្រមានថា
តើអ្នកចំណាយពេលវេលាគេងច្រើនមែនទេ ? កាលពីពេលថ្មីៗកន្លងមកការសិក្សាជាច្រើនបានព្រមានថាវាគឺជារោគសញ្ញានៃជំងឺបាក់ទឹកចិត្ត និងជំងឺថប់អារម្មណ៍ ។ គេជឿថាជំងឺគេងមិនលក់អាចជារោគសញ្ញានៃជំងឺបាក់ទឹកចិត្ត ប៉ុន្តែក្រុមអ្នកស្រាវជ្រាវបានរកឃើញថាមានវិធីផ្សេងទៀតក៏អាចបណ្តាលឲ្យកើតជំងឺនេះដែរ ។ គេបានប៉ាន់ប្រមាណថាប្រជាជនជិត៣០%ជាទូទៅមានបញ្ហាគេងមិនលក់ ប៉ុន្តែពួកយើងភាគច្រើនហាក់ដូចជាមើលរំលងការគេងច្រើនពេក ហើយជាញឹកញាប់គិតថាវាដោយសារការអស់កម្លាំង ។ ទោះជាយ៉ាងណាក្តី ប្រសិនបើអ្នកគេងលើសពី១០ម៉ោងក្នុងមួយថ្ងៃ១ បើទោះបីជាអ្នកមានអារម្មណ៍ថាអស់កម្លាំងក៏ដោយ អ្នកប្រហែលជាកើតជំងឺបាក់ទឹកចិត្តដោយមិនដឹងខ្លួន ។
ការសិក្សាមួយដែលបានបោះពុម្ពផ្សាយនៅក្នុង Public Library of Science (PLoS) ក្នុងឆ្នាំ២០១៤បានរកឃើញថាទោះបីជាការគេងច្រើនមិនជាប់ទាក់ទងនឹងជំងឺរ៉ាំរ៉ៃ វាអាចជារោគសញ្ញានៃជំងឺផ្លូវចិត្ត និងសន្ទស្សន៍ម៉ាស់រាងកាយ (BMI) ខ្ពស់ ។ នៅក្នុងការសិក្សានេះមានមនុស្សជិត២៤.៦៧១នាក់ដែលមានអាយុពី១៥ទៅ៨៥ឆ្នាំបានចូលរួម ។ បន្ទាប់ពីនោះពេលវេលាគេងសរុបរបស់ពួកគេត្រូវបានគណនាដើម្បីបែងចែករវាង «អ្នកគេងច្រើន» និង «អ្នកគេងតិច» ។ ក្រោយមកក្រុមវេជ្ជបណ្ឌិតបានសង្កេតឃើញថាការគេងជាមធ្យមក្នុងចំណោមមនុស្សទាំងនេះគឺប្រហែល៧ម៉ោង១៣នាទី ហើយមានតែមនុស្សចំនួន៦១២នាក់ ឬស្មើនឹង២,៧%គេងច្រើនជាង១០ម៉ោងក្នុងមួយថ្ងៃ ។ អ្នកដែលគេងតិចជាង៧ម៉ោងមានហានិភ័យខ្ពស់ប្រឈមមុខនឹងកាកើតជំងឺរ៉ាំរ៉ៃ ចំណែកឯអ្នកដែលគេងច្រើទំនងជាមានជំងឺផ្លូវចិត្ត ។ ការគេងច្រើនមានការទាក់ទងជាមួយនឹងអត្រាខ្ពស់នៃជំងឺបាក់ទឹកចិត្តដោយសារតែមានព្រឹត្តិការណ៍ប៉ះពាល់ដល់ផ្លូវចិត្តនាពេលកន្លងមក ដែលក្រុមអ្នកស្រាវជ្រាវនិយាយពន្យល់អំពីការត្អូញត្អែរទាក់ទងនឹងបញ្ហាបាក់ទឹកចិត្ត ។
ជំងឺបាក់ទឹកចិត្តក៏អាចមានការទាក់ទងជាមួយនឹងការមិនចង់ក្រោកចេញពីគ្រែនៅពេលព្រឹកឡើង ។ ក្រៅពីជំងឺបាក់ទឹកចិត្ត ប្រសិនបើអ្នកមានអារម្មណ៍ងងុយគេងគ្រប់ពេលវេលា វាអាចជាជំងឺងងុយគេងលើសលប់ ។ ការគេងដើរតួនាទីយ៉ាងសំខាន់ក្នុងដំណើរការនៃសមត្ថភាពខួរក្បាល និងផ្លូវចិត្តរបស់អ្នក ហើយលំនាំនៃការគេងរបស់អ្នកអាចបង្ហាញពីសុខភាព និងសុខុមាលភាពទូទៅរបស់អ្នក។ ក្រៅពីការគេងច្រើនម៉ោង ប្រសិនបើអ្នកមានរោគសញ្ញាដទៃទៀតនៃជំងឺបាក់ទឹកចិត្តដែលរំខានដល់ជីវិតប្រចាំថ្ងៃរបស់អ្នក សូមកុំស្ទាក់ស្ទើរក្នុងការស្វែងរកជំនួយពីគ្រូពេទ្យឯកទេស ៕
ចែករំលែកព័តមាននេះ