យល់ច្បាប់មិនយល់ញាតិ ម្ដាយអស់ទ្រាំនឹងកូនលែងបាន ប្តឹងសមត្ថកិច្ចចាប់ខ្លួន
រាជធានីភ្នំពេញ ៖ ជនសង្ស័យ២នាក់
រាជធានីភ្នំពេញ ៖ ជនសង្ស័យ២នាក់
រាជធានីភ្នំពេញ ៖ ជនសង្ស័យ២នាក់ នាំគ្នាឡើងទៅប្រើប្រាស់ថ្នាំញៀននៅលើផ្ទះ ត្រូវម្តាយខ្លួនឯងប្តឹងសមត្ថកិច្ចប៉ុស្តិ៍ផ្សារចាស់ឲ្យធ្វើការឃាត់ខ្លួនយកទៅមន្ទីរអប់រំ ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ ថ្ងៃទី១១ ខែកញ្ញា ឆ្នាំ២០១៧ តាមបណ្តោយផ្លូវ១៩ នៅចំណុចផ្ទះលេខ១៥៩ ជាន់ទី៥ ស្ថិតនៅក្នុងសង្កាត់ផ្សារចាស់ ខណ្ឌដូនពេញ ។
ជនសង្ស័យដែលម្តាយខ្លួនឯងឲ្យចាប់ខ្លួនមានឈ្មោះ តែ ប៉ុនហេង ភេទប្រុស អាយុប្រហែលជា២៥ឆ្នាំ ស្នាក់នៅផ្ទះកើតហេតុខាងលើ ។ ចំណែកឯមិត្តភក្តិរបស់ជនសង្ស័យមានឈ្មោះ ជៀវ សេងឃាង ភេទប្រុស អាយុ២០ឆ្នាំ ស្នាក់នៅ សង្កាត់ផ្សារចាស់ ខណ្ឌដូនពេញ ។
តាមប្រភពព័ត៌មានពីសមត្ថកិច្ចប៉ុស្តិ៍ផ្សារចាស់បានឲ្យដឹងថា មុនពេលកើតហេតុ ជនសង្ស័យឈ្មោះ តែ ប៉ុនហេង ជាមនុស្សដែលញៀនថ្នាំ ហើយបំផ្លាញលុយម្តាយអស់ជាច្រើន រួមនិងសម្ភារដែលគាត់ទិញឲ្យយកទៅលក់បញ្ចាំទិញថ្នាំញៀនប្រើប្រាស់ លុះពេលដល់ថ្ងៃកើតហេតុ ជនសង្ស័យខាងលើនេះ បានហៅមិត្តភក្តិឈ្មោះ ជៀវ សេងឃាង មកជក់នៅលើផ្ទះ ទើបម្តាយឃើញកូនខ្លួនឯងកំពុងតែជក់ ក៏ទូរស័ព្ទប្តឹងសមត្ថកិច្ចប៉ុស្តិ៍ផ្សារចាស់ ដើម្បីឲ្យមកចាប់ខ្លួនយកទៅដាក់នៅមន្ទីរអប់រំកែប្រែ ។
សមត្ថកិច្ចបានប្រាប់ឲ្យដឹងទៀតថា ជនសង្ស័យខាងលើនេះ មិនមានតែម្តងនោះទេ គឺអស់រយៈពេលគឺ៣ដងមកហើយ មិនចេះរាងចាលនោះទេ ។ ក្រោយពេលកើតហេតុ ជនសង្ស័យម្នាក់ ដែលមិនបានជាប់ពាក់ព័ន្ធ ត្រូវសមត្ថកិច្ចគាត់ធ្វើការអប់រំរួចឲ្យត្រលប់ទៅផ្ទះវិញ ៕
ចែករំលែកព័តមាននេះ