បើកម៉ូតូលឿនពេកបុកជាមួយរថយន្ត របួសមនុស្ស២នាក់
ខេត្តព្រៃវែង ៖ បុរស២នាក់បានរងរបួសធ្ងន់ និងស្រាល បន្ទាប់ពីបើកម៉ូតូក្នុងល្បឿនលឿនគ្រប់គ្រងស្ថានការលែងបានក៏ជ្រុលទៅបុកជាមួយរថយន្ត
ខេត្តព្រៃវែង ៖ បុរស២នាក់បានរងរបួសធ្ងន់ និងស្រាល បន្ទាប់ពីបើកម៉ូតូក្នុងល្បឿនលឿនគ្រប់គ្រងស្ថានការលែងបានក៏ជ្រុលទៅបុកជាមួយរថយន្ត
ខេត្តព្រៃវែង ៖ បុរស២នាក់បានរងរបួសធ្ងន់ និងស្រាល បន្ទាប់ពីបើកម៉ូតូក្នុងល្បឿនលឿនគ្រប់គ្រងស្ថានការលែងបានក៏ជ្រុលទៅបុកជាមួយរថយន្ត CRV មួយគ្រឿងយ៉ាងពេញទំហឹង។ ហេតុការណ៍នេះបានកើតឡើងនៅថ្ងៃទី០៥ ខែកញ្ញា ឆ្នាំ២០១៧ វេលាម៉ោង២ និង១៥នាទីរសៀល ត្រង់ចំណុចក្បាលស្ពាន ឯកឧត្តម ញឹម វណ្ណដា ស្ថិតនៅខាងលិចភូមិព្រៃត្បាល់ ឃុំចុងអំពិល ស្រុកកញ្ជ្រៀច ខេត្តព្រៃវែង។ ប្រភពបានឲ្យដឹងថា នៅមុនពេលកើតហេតុគេឃើញម៉ូតូម៉ាកឌ្រីមសេ១២៥ ឆ្នាំ២០១៥ ពណ៌ខ្មៅ ពាក់ស្លាកលេខ ព្រៃវែង ១I-៣២៤២ បើកបរដោយឈ្មោះ សឿន ស្រស់ ភេទប្រុស អាយុ២១ឆ្នាំ រស់នៅភូមិកណ្តាច់ ឃុំចុងអំពិល ស្រុកកញ្ជ្រៀច ខេត្តព្រៃវែង។
ដោយបើកក្នុងទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុក៏បានបុករថយន្ត CRV ពណ៌ទឹកប្រាក់ពាក់ស្លាកលេខ ភ្នំពេញ 2H-2386 បើកបរដោយឈ្មោះ សាន សុខា ភេទប្រុស អាយុ៣០ឆ្នាំ រស់នៅភូមិតាមួលលើ ឃុំកោះផ្កូវ ស្រុកកំពង់ត្រឡាច ខេត្តកំពង់ឆ្នាំង ពេញទំហឹងតែម្តង បណ្តាលឲ្យរងរបួសស្រាលអ្នកបើកម៉ូតូ។ សមត្ថកិច្ច និងអ្នកនៅក្នុងហេតុនោះបានឲ្យដឹងថា មូលហេតុដែលបណ្ដាលឲ្យមានគ្រោះថ្នាក់ចរាចរណ៍បែបនេះ ដោយសារភាគីខាងម៉ូតូបើកល្បឿនលឿនពេក ទើបមិនអាចគ្រប់គ្រងស្ថានការណ៍បានទើបបុកគ្នាបែបនេះទៅ។
ប្រភពដដែលបានឲ្យដឹងទៀតថា ឈ្មោះ ញ៉ ញ៉ាន ភេទប្រុស អាយុ២៤ឆ្នាំ រស់នៅភូមិជាមួយអ្នករួមដំណើរក៏បានរងរបួសស្រាលផងដែរ ហើយក៏ត្រូវបញ្ជូនទៅពេទ្យឯកជនភូមិចំបក់។ ក្រោយពេលកើតហេតុសមត្ថកិច្ចបានចុះទៅធ្វើការវាស់វែង និងរក្សាទុកវត្ថុតាងទាំងពីរនៅប៉ុសិ៍្តនគរបាលជាបណ្តាះអាសន្ន៕
ចែករំលែកព័តមាននេះ