ទីបំផុត… គាត់បានព្រមដោយខ្លួនឯង
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ក្រុមអាជីវករលក់ដូរក្នុងតំបន់ច្រកទ្វារអន្តរជាតិប៉ោយប៉ែត រួមទាំងផ្សារនារី
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ក្រុមអាជីវករលក់ដូរក្នុងតំបន់ច្រកទ្វារអន្តរជាតិប៉ោយប៉ែត រួមទាំងផ្សារនារី បានព្រមរុះរើតូប និងជញ្ជូនអីវ៉ាន់ចេញនាព្រឹកថ្ងៃទី០៦ កញ្ញា នេះ ក្រោយគណៈកម្មការចម្រុះ ដឹកនាំដោយលោកទូច មុន្នី អភិបាលរងក្រុងប៉ោយប៉ែត, លោកវួច អូន ប្រធានស្នាក់ការត្រួតពិនិត្យច្រកទ្វារព្រំដែនអន្តរជាតិប៉ោយប៉ែត បានធ្វើការចុះណែនាំឱ្យរុះរើ តាមបទបញ្ជារបស់សាលាខេត្តបន្ទាយមានជ័យ ក្នុងបំណងកែលម្អសោភ័ណភាព និងរក្សាសណ្តាប់ធ្នាប់អនាម័យបរិស្ថានមាត់ច្រកទ្វារខាង លើ ។ ក្នុងនោះ គណៈកម្មការចម្រុះបានជួលកម្មករ សម្រាប់រុះរើជាស្រេច ប្រសិនបើមានតូបណាមួយ មិនព្រមអនុវត្តតាមបទបញ្ជា និងសេចក្តីណែនាំនោះ ។
គួរបញ្ជាក់ថា បន្ទាប់ពីមានសេចក្តីជូនដំណឹងរបស់អាជ្ញាធរខេត្តជាបន្តបន្ទាប់ឱ្យរុះរើតូប ក្នុងតំបន់ច្រកទ្វារព្រំដែនអន្តរជាតិប៉ោយប៉ែត កាលពីប៉ុន្មានថ្ងៃមុន អតីតតូបផ្សារនារីចំនួន១៤តូប ត្រូវម្ចាស់រុះរើអីវ៉ាន់ ដឹកជញ្ជូនទៅលំនៅឋានអស់ ប៉ុន្តែដោយសារតូបអ្នកមាន៤តូប ជាប់និងខ្លោងទ្វារប្រាសាទកំពូលបីនៃច្រកទ្វារ មិនព្រមរុះរើដូចពួកគាត់ៗ ក៏នាំគ្នាជញ្ជូនអីវ៉ាន់មកលក់វិញ ស្ទើរគ្រប់គ្នា ។
នៅថ្ងៃដដែលនេះដែរ គណៈកម្មការចម្រុះចុះមកណែនាំហើយយថា បើតូបណាមិនរុះរើ និងឱ្យកម្មកររុះរើជំនួសម្យ៉ាងលើកនេះគ្រប់តូបត្រូវរុះរើស្មើភាព ទើបពេលនេះគ្មានអ្នកជំទាស់ទេ ពោលគឺចាប់ផ្តើមរុះរើឥវ៉ាន់ និងរើតូបរៀងខ្លួនៗ ។
ចែករំលែកព័តមាននេះ