សភានឹងបើកកិច្ចប្រជុំអចិន្ត្រៃយ៍ដកភ័យឯកសិទ្ធិលោកកឹម សុខា
រាជធានីភ្នំពេញ ៖ រដ្ឋសភានឹងបើកកិច្ចប្រជុំបន្ទាន់មួយ
រាជធានីភ្នំពេញ ៖ រដ្ឋសភានឹងបើកកិច្ចប្រជុំបន្ទាន់មួយ
រាជធានីភ្នំពេញ ៖ រដ្ឋសភានឹងបើកកិច្ចប្រជុំបន្ទាន់មួយ ដើម្បីពិភាក្សាលើអភិភ័យឯកសិទ្ធិអ្នកតំណាងរាស្ត្រមណ្ឌលកំពង់ចាម របស់លោកកឹម សុខា ប្រធានគណបក្សសង្គ្រោះជាតិនៅក្នុងសប្តាហ៍នេះ។ នេះបើតាមលោក ឡេង ប៉េងឡុង អ្នកនាំពាក្យរដ្ឋសភា និងជាអគ្គលេខាធិការរដ្ឋសភា បានឲ្យកោះសន្តិភាពដឹងនៅថ្ងៃទី៦ ខែកញ្ញា។
លោកបន្តថា ការបើកកិច្ចប្រជុំនេះ បន្ទាប់ពីសាលាដំបូងរាជធានីភ្នំពេញ បានធ្វើការចោទប្រកាន់ចំពោះលោក កឹម សុខា មេបក្សប្រឆាំងពីបទសន្ទិដ្ឋិភាពជាមួយបរទេស ដែលអាចប្រឈមនឹងការជាប់ពន្ធនាគារពី ១៥ ដល់ ៣០ ឆ្នាំ ។ ជាពិសេសគឺសាលាដំបូងរាជធានីភ្នំពេញ បានស្នើមករដ្ឋសភាកាលពេលថ្មីៗកន្លងមកនេះ។
លោក ឡេង ប៉េងឡុង បញ្ជាក់ថា «យើងកំពុងសុំគោលការណ៍ពីសម្តេច ហេង សំរិន ប្រធានរដ្ឋសភា ហើយអាច [ប្រជុំ] ក្នុងអាទិត្យនេះ។ ប៉ុន្តែឥឡូវនេះ សម្តេចមិនទាន់សម្រេចទេ អីុចឹងខ្ញុំមិនទាន់ប្រាប់ទេ កុំឲ្យក្លាយទៅជាកុហក គឺមិនបានទេ ! ទាល់តែសម្តេចសម្រេចសិន ! យើងចង់ធ្វើឆាប់ក្នុងសប្តាហ៍នឹង តែសម្តេចមិនទាន់សម្រេចទេ»។
អ្នកនាំពាក្យរដ្ឋសភាបានលើកឡើងថា បើតាមរបាយការណ៍របស់សមត្ថកិច្ច និងតុលាការ ចំពោះករណីលោកកឹម សុខា គឺជាអំពើក្បត់ជាតិដ៏ធ្ងន់ធ្ងរណាស់ ព្រោះមេបក្សប្រឆាំងរូបនេះ បានទៅទាក់ទងជាមួយបរទេស ដើម្បីផ្តួលរំលំរដ្ឋាភិបាលស្របច្បាប់ដែលបោះឆ្នោតដោយលិទ្ធិប្រជាធិបតេយ្យនៅកម្ពុជា ដោយមានវីដេអូឃ្លីបបង្ហាញជាក់ស្តែង។
ចែករំលែកព័តមាននេះ