សម្តេចតេជោ ប្រកាសចូលនិវត្តន៍នៅអាណត្តិទី៨ ហើយខ្លះទៀត អាចត្រូវចាប់ខ្លួន…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសនៅព្រឹកថ្ងៃទី ០៦ ខែកញ្ញា ឆ្នាំ២០១៧នេះថា
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសនៅព្រឹកថ្ងៃទី០៦ ខែកញ្ញា ឆ្នាំ២០១៧នេះថា សម្តេចនឹងចូលនិវត្តន៍នៅអាណត្តិទី៨ នៃរាជរដ្ឋាភិបាលកម្ពុជា ។ សម្តេចនាយករដ្ឋមន្ត្រីបានសម្រេចចិត្តបន្តដឹកនាំប្រទេសជាតិដើម្បីការពារសន្តិភាព ការពារពាររោងចក្រ ការពារផលប្រយោជន៍បងប្អូនកម្មករកម្មការនីសម្រាប់រយៈពេល២អាណត្តិជាបន្តទៀត ។
សម្តេចបានថ្លែងអំពីគម្រោងនៃការចូលនិវត្តន៍នេះ នៅក្នុងឱកាសជួបសំណេះសំណាលជាមួយបងប្អូនកម្មករ និយោជិត ជាង១ម៉ឺននាក់ នៅសួនឧស្សាហកម្មកាណាឌីយ៉ា តាមបណ្តោយផ្លូវវែងស្រេង ។ សម្តេចនាយករដ្ឋមន្ត្រីបានបញ្ជាក់ថា អ្នកនយោបាយខ្លះនៅប្រឡូកនយោបាយនៅឡើយ បើទោះបីជាមានវ័យ៨០ឆ្នាំក៏ដោយ តែសម្រាប់សម្តេចតេជោផ្ទាល់ គឺទើបមានវ័យ៦៥ឆ្នាំ ហើយនៅមានសុខភាពរឹងមាំល្អ ដើម្បីដឹកនាំប្រទេសកម្ពុជាយ៉ាងហោចណាស់២អាណត្តិទៀត ។
សម្តេច ហ៊ុន សែនបានថ្លែងថា៖ «ខ្ញុំសម្រេចចិត្តប្រកាសថា ខ្ញុំនឹងបន្តកាន់តំណែងជានាយករដ្ឋមន្ត្រីសម្រាប់រយៈពេល២អាណត្តិ បន្តទៀត ។ មុននេះ ខ្ញុំមានការស្ទាក់ស្ទើរ តើខ្ញុំសម្រេចចាកចេញពេលណា ប៉ុន្តែបន្ទាប់ពីឃើញព្រឹត្តការណ៍ដ៏ឲ្យឈឺចាប់នៃអំពើក្បត់ជាតិរបស់ជនជាតិខ្មែរ ដែលត្រូវបានចាប់ខ្លួនរួចមកហើយ និងអាចមានខ្លះទៀត ខ្ញុំសម្រេចចិត្តបន្តការងាររបស់ខ្ញុំមិនតិចជាង ១០ឆ្នាំទៀតទេ» ។
សម្តេចបន្តថា លោកជឿជាក់លើកម្មករ កម្មការិនី បោះឆ្នោតឲ្យបក្សប្រជាជន និងរូបសម្តេចផ្ទាល់ ។ សូមបញ្ជាក់ថា កម្ពុជានឹងរៀបចំបោះឆ្នោតជ្រើសតាំងសមាជិកសភានៅឆ្នាំ២០១៨ សម្រាប់អណ្ណតិ្តទី ៦ នៅថ្ងៃទី២៩ ខែកក្កដា នាពេលខាងមុខ៕
ចែករំលែកព័តមាននេះ