យីឆ្លៀតនោះឆ្លៀត…ឌុបនារីម្នាក់ធ្វើការជាមួយគ្នាទៅផ្ទះប៉ះជនឆ្លៀតឱកាស
រាជធានីភ្នំពេញ ៖ យុវជនម្នាក់ចេញមកពីធ្វើការឌុបនារីម្នាក់ដែលធ្វើការជាមួយគ្នា
រាជធានីភ្នំពេញ ៖ យុវជនម្នាក់ចេញមកពីធ្វើការឌុបនារីម្នាក់ដែលធ្វើការជាមួយគ្នា
រាជធានីភ្នំពេញ ៖ យុវជនម្នាក់ចេញមកពីធ្វើការឌុបនារីម្នាក់ដែលធ្វើការជាមួយគ្នាទៅផ្ទះជិះម៉ូតូឆ្លងផ្លូវប៉ះជាមួយម៉ូតូមួយគ្រឿងទៀតបណ្តាលឲ្យត្រូវប្រជាពលរដ្ឋឃាត់ឲ្យដោះស្រាយគ្នា ស្រាប់តែជនឆ្លៀតឱកាសលួចជិះយកទៅបាត់ បង្កឱ្យមានការភ្ញាក់ផ្អើលកាលពីវេលាម៉ោង៦នឹង៣០នាទី ថ្ងៃទី៥ ខែកញ្ញា ឆ្នាំ២០១៧ នៅមុខខ្លោងទ្វារវត្តតាភេម តាមបណ្តោយផ្លូវជាតិលេខ៤ ភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ។
ជនរងគ្រោះមានឈ្មោះ ចាន់ ស៊ីណា ភេទប្រុស អាយុ២១ឆ្នាំ មុខរបរសន្តិសុខ រស់នៅភូមិព្រៃរមាស សង្កាត់បឹងធំ ខណ្ឌពោធិ៍សែនជ័យ ។ ម៉ូតូដែលជនឆ្លៀតឪកាសលួចយកទៅបាត់ម៉ាកហុងដាឌ្រីម ស៊េរី២០១៤ ពណ៌ខ្មៅ ពាក់លេខ ភ្នំពេញ1CI-3894 ។
តាមប្រភពព័ត៍មានពីជនរងគ្រោះបាននិយាយថា នៅមុនពេលកើតហេតុរូបគាត់បានជិះម៉ូតូមកពីធ្វើការងារបានឌុបនារីជាសន្តិសុខធ្វើការជាមួយគ្នាម្នាក់ ក្នុងទិសដៅពីកើតទៅលិចលុះមកដល់ចំណុចកើតហេតុនៅមុខវត្តតាភេមនារីដែលជិះជាមួយគាត់បានពឹងឱ្យឌុបឆ្លងផ្លូវទៅផ្ទះព្រោះនារីនោះមិនហ៊ានដើរឆ្លងផ្លូវ នៅពេលគាត់ជិះម៉ូតូឆ្លងបានបន្តិចហើយ បានពារម៉ូតូមួយគ្រឿងទៀត ម៉ាកហុងដាឌ្រីម ស៊េរី២០១២ ពណ៌ខ្មៅ ជិះទិសដៅពីកើតទៅលិចស្របគ្នាហើយគាត់បានបើកប៉ះម៉ូតូខាងលើបណ្តាលឱ្យដួលត្រូវប្រជាពលរដ្ឋឃាត់រូបគាត់ដើម្បីដោះស្រាយគ្នា ។ ប្រភពបានបន្តទៀតថា ខណៈដែលប្រជាពលរដ្ឋឃាត់រូបគាត់គឺម៉ូតូត្រូវជនសង្ស័យបណ្តើរហើយម៉ូតូខាងលើកំពុងឆេះនៅឡើយ បន្ទាប់មកស្រាប់តែជនសង្ស័យជានាក់ជួយលើកម៉ូតូខាងលើបានឡើងជិះម៉ូតូចេញ ចំណែកភាគីម៉ូតូមួយគ្រឿងដែលគ្រោះថ្នាក់ជាមួយគ្នានោះឃើញជនសង្ស័យលួចម៉ូតូបាត់ក៏ចេញទៅបាត់ទៅ។ ក្រោយពេលកើតហេតុជនបានមកដាក់ពាក់បណ្តឹងនៅប៉ុស្ដិ៍នគរបាលកន្ទោកដើម្បីឱ្យសមត្ថកិច្ចជួយស្រាវជ្រាវរកមុខសញ្ញាមកផ្តន្ទាទោសតាមច្បាប់ ៕
ចែករំលែកព័តមាននេះ