គ្រូពេទ្យឯកជនម្នាក់ត្រូវនគរបាលឃាត់ខ្លួន បន្ទាប់ពីព្យាបាលទារកស្លា.ប់
ខេត្តប៉ៃលិន ៖ មន្ត្រីនៃមន្ទីរសុខាភិបាលខេត្តប៉ៃលិន បានដឹកនាំកម្លាំងសមត្ថកិច្ចនគរបាល ចុះទៅត្រួ តពិនិត្យគ្លីនិកឯកជនមួយកន្លែង
ខេត្តប៉ៃលិន ៖ មន្ត្រីនៃមន្ទីរសុខាភិបាលខេត្តប៉ៃលិន បានដឹកនាំកម្លាំងសមត្ថកិច្ចនគរបាល ចុះទៅត្រួ តពិនិត្យគ្លីនិកឯកជនមួយកន្លែង
ខេត្តប៉ៃលិន ៖ មន្ត្រីនៃមន្ទីរសុខាភិបាលខេត្តប៉ៃលិន បានដឹកនាំកម្លាំងសមត្ថកិច្ចនគរបាល ចុះទៅត្រួ តពិនិត្យគ្លីនិកឯកជនមួយកន្លែង ព្រមទាំងសុំឱ្យម្ចាស់បិទទ្វារបណ្តោះអាសន្ន បន្ទាប់ពីគ្រូពេទ្យនៅកន្លែងនោះ បានព្យាបាលទារកម្នាក់ស្លាប់ ខណៈម្តាយរបស់គេយកទៅព្យាបាល លុះចាក់ថ្នាំរួចឱ្យត្រលប់ទៅផ្ទះវិញ ព្រឹកឡើងក៏ស្លាប់តែម្តង។ ហេតុការណ៍ទារកស្លាប់ បន្ទាប់ពីម្តាយយកទៅព្យាបាលនៅក្នុងគ្លីនិកខាងលើនេះ បានកើតឡើងកាលពីវេលាម៉ោង៦ និង១៥នាទីព្រឹក ថ្ងៃទី០៤ ខែកញ្ញា ឆ្នាំ២០១៧ ស្ថិតនៅក្នុងភូមិបឹងត្រកួន ឃុំអូរអណ្តូង ស្រុកសាលាក្រៅ។
ប្រភពព័ត៌មានពីមន្ត្រីនៃមន្ទីរសុខាភិបាល បានឱ្យដឹងថា ទារកដែលស្លាប់ បន្ទាប់ពីចូលទៅព្យាបាលនៅក្នុងគ្លីនិកឯកជនមួយ មាន ឈ្មោះ ត្រី វ៉ាឈិ អាយុ៤ខែ ទម្ងន់៧គីឡូក្រាម មានជំងឺក្តៅខ្លួនខ្លាំង។ ដែលមានឪពុកឈ្មោះ ហាន ត្រី អាយុ២០ឆ្នាំ ម្តាយឈ្មោះ ក្រឹម កុសល អាយុ១៩ឆ្នាំ មានស្រុកកំណើត រស់នៅភូមិស្វាយកង ឃុំអន្លង់វិល ស្រុកសង្កែ ខេត្តបាត់ដំបង។ ចំណែកគ្រូពេទ្យដែលពាក់ព័ន្ធនឹងព្យាបាលទារកខាងលើស្លាប់ ឈ្មោះ ទូច គឹមញ្ញាណ ភេទប្រុស អាយុជាង៤០ឆ្នាំ ជាពេទ្យយោធា និងជាម្ចាស់គ្លីនិកខាងលើ មានទីតាំងស្ថិតនៅក្បែរផ្សារសាលាក្រៅ ក្នុងភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន។
ប្រភពបន្តទៀតថា មុនពេលកើតហេតុ ឪពុកម្តាយទារកខាងលើ បានធ្វើដំណើរពីខេត្តបាត់ដំបង មកខេត្តប៉ៃលិន ដើម្បីចូលរួមធ្វើបុណ្យសពឪពុក ដែលបានស្លាប់នៅក្នុងភូមិបឹងត្រកួន ឃុំអូរអណ្តូង ស្រុកសាលាក្រៅ។ ពេលនោះស្រាប់តែ កូនរបស់ពួកគេក្តៅខ្លួនខ្លាំង លុះមិនដឹងធ្វើយ៉ាងណា ក៏ប្រញាប់នាំទារករងគ្រោះទៅព្យាបាលនៅក្នុងបន្ទប់ថែទាំវេជ្ជសាស្ត្រ របស់លោកគ្រូពេទ្យឈ្មោះ ទូច គឹមញ្ញាណ កាលពីវេលាម៉ោង៣រសៀល ថ្ងៃទី០៣ ខែកញ្ញា ឆ្នាំ២០១៧។ ប្រភពបន្តទៀតថា លុះពេលទៅដល់លោកគ្រូពេទ្យបានដាក់ស្ទង់កម្ដៅមើល ក៏ឃើញថាក្តៅខ្លួនខ្លាំងរហូតដល់៤០.២អង្សាសេ ហើយពេលនោះគ្រូពេទ្យក៏ប្រាប់ម្តាយឱ្យជូតខ្លួនទារកនឹងកូនកន្សែងពោះគោជ្រលក់ទឹក។ ប្រហែលមួយសន្ទុះក្រោយមក ស្រាប់តែឃើញកម្ដៅមានការថយចុះ នៅសល់ត្រឹម៣៨.៧អង្សាសេ ហើយដោយស្ថានភាពបែបនេះក៏រៀបចំចាក់ថ្នាំបន្ថយកម្ដៅ និងបំបាត់ការឈឺចាប់ (ប៉ារ៉ាសេតាម៉ុល) និងរៀបចំដាក់សេរ៉ូម ដើម្បីបំពេញជាតិទឹកឱ្យទារក ក្នុង១វិនាទី១ដំណក់។
ក្រោយមកទៀត គ្រូពេទ្យមើលបំពង់កស្រាប់តែឃើញមានរលាកខ្លាំង ហើយគ្រូពេទ្យបានប្រើថ្នាំប្រភេទ អង់ទីប៊ីយូទិច ដើម្បីព្យាបាលបំពង់ក ដែលរលាក រួចក៏ឱ្យក្មេងសម្រាកព្យាបាលនៅក្នុងគ្លីនិក២ទៅ៣ម៉ោង រហូតដល់វេលាម៉ោង៦ល្ងាច ទើបម្តាយបានសុំទៅសម្រាកនៅឯផ្ទះកន្លែងកើតហេតុ។ ប្រភពបញ្ជាក់ទៀតថា ស្រាប់តែនៅវេលាម៉ោង៦ និង១៥នាទីព្រឹក ថ្ងៃទី០៤ ខែកញ្ញា ឪពុកទារកដែលរងគ្រោះនោះ បានជិះម៉ូតូយកលុយទៅជូនលោកគ្រូពេទ្យ ហើយលោក ទូច គឹមញ្ញាណ ជាម្ចាស់គ្លីនិក បានសួរនាំថា តើទារកដែលឈឺកាលពីម្សិលម៉ិញមានអាការៈយ៉ាងម៉េចទៅហើយ។ ពេលនោះឪពុកទារកក៏បានឆ្លើយទាំងអួលដើមក. និងអាឡោះអាល័យដល់កូនរបស់ខ្លួនថា កូនរបស់គាត់បានស្លាប់បាត់ទៅហើយ ទើបបង្កឱ្យមានការភ្ញាក់ផ្អើល និងឮដំណឹងដល់មន្ទីរសុខាភិបាលក៏ចុះទៅត្រួតពិនិត្យតែម្តង។ ចំណែកលោកវេជ្ជបណ្ឌិត សៀក រតនៈ អនុប្រធានមន្ទីរសុខាភិបាលខេត្តប៉ៃលិន បានឱ្យដឹងថា បន្ទាប់ពីត្រួតពិនិត្យរួចមក រកឃើញថា ម្ចាស់គ្លីនិកខាងលើគ្មានសិទ្ធិ ដើម្បីនឹងចាក់ថ្នាំព្យាបាលអ្នកជំងឺណាម្នាក់នោះឡើយ ព្រោះគាត់រៀនផ្នែកពេទ្យបានត្រឹមតែរយៈពេល៣ឆ្នាំប៉ុណ្ណោះ ពោលគឺផ្នែកបរិញ្ញាបត្រគិលានុបដ្ឋាយិកា ហើយបើចង់ឱ្យក្លាយទៅជាគ្រូពេទ្យ ដែលមានសិទ្ធិអាចព្យាបាល ចាក់ថ្នាំស្របច្បាប់បាន ទាល់តែរៀនចាប់ពី៥ទៅ៨ឆ្នាំ។
លោកបន្តទៀតថា កន្លែងគ្លីនិកខាងលើ មានគ្រែសម្រាកព្យាបាលអ្នកជំងឺរហូតដល់៣ ដោយអាចឱ្យអ្នកជម្ងឺស្នាក់នៅទីនោះបាន ដែលផ្ទុយនឹងច្បាប់អនុញ្ញាត។ ម្យ៉ាងវិញទៀត គាត់មិនព្រមបញ្ជូនទារកខាងលើទៅមន្ទីរពេទ្យបង្អែកខេត្ត ដើម្បីសង្គ្រោះបន្ទាន់នោះឡើយ ដោយទុករហូតដល់ក្លាយទៅជា បែបនេះ។ ក្រោយហេតុការណ៍នោះបានកើតឡើង សមត្ថកិច្ចនគរបាល បានរៀបចំសំណុំរឿងដើម្បីបញ្ជូនគ្រូពេទ្យខាងលើទៅស្នងការនគរបាលខេត្ត ដើម្បីចាត់ការតាមផ្លូវច្បាប់៕
ចែករំលែកព័តមាននេះ