ព្រឹត្តិបត្រ ឌឹ ខេមបូឌា ដេលី ដែលអះអាងថា បានដំណើរការនៅកម្ពុជា អស់រយៈពេលជាង២៤ឆ្នាំមកហើយ
នោះ បានប្រកាសបិទដំណើរការបោះពុម្ពផ្សាយរបស់ខ្លួនចាប់ពីថ្ងៃទី៤ ខែកញ្ញា តទៅ
រាជធានីភ្នំពេញ ៖ ព្រឹត្តិបត្រ ឌឹ ខេមបូឌា ដេលី ដែលអះអាងថា បានដំណើរការនៅកម្ពុជា អស់រយៈពេលជាង២៤ឆ្នាំមកហើយ
នោះ បានប្រកាសបិទដំណើរការបោះពុម្ពផ្សាយរបស់ខ្លួនចាប់ពីថ្ងៃទី៤ ខែកញ្ញា តទៅ បន្ទាប់ពីអគ្គនាយកដ្ឋានពន្ធដារ តម្រូវឱ្យបង់ពន្ធជាង៦លានដុល្លារ ដែលព្រឹត្តិបត្រនេះ មិនបានបង់អស់រយៈពេល១០ឆ្នាំមកហើយ ។
ព្រឹត្តិបត្រ ឌឹម ខេមបូឌា ដេលី បានផ្សាយនៅលើគេហទំព័ររបស់ខ្លួនកាលពីថ្ងៃទី៣ខែកញ្ញាថា ព្រឹត្តិបត្រនេះនឹងបញ្ឈប់ការផ្សាយរបស់ខ្លួនចាប់ពីថ្ងៃទី៤ ខែកញ្ញាតទៅ ដោយសារអំណាចនៃពន្ធដារ ។ លោក គង់ វិបុល អគ្គនាយកនៃអគ្គនាយកដ្ឋានពន្ធដារ បានចេញលិខិតនៅថ្ងៃទី៣ ខែកញ្ញាដែរថា បើទោះបីកាសែតនេះបិទទ្វារក៏ដោយ ក៏អ្នកទទួលខុសត្រូវរបស់កាសែតនេះត្រូវប្រឈមមុខដោះស្រាយបំណុលតាមផ្លូវច្បាប់ ។
អ្នកសារព័ត៌មានខ្មែរដែលបម្រើការនៅព្រឹត្តិបត្រនេះ មានការបារម្ភចំពោះជីវភាពរស់នៅរបស់ពួកគេ នៅពេលព្រឹត្តបត្រនេះត្រូវបិទទ្វារដោយសារពួកគេត្រូវការថវិកាដើម្បីផ្គត់ផ្គង់ជីវភាពប្រចាំថ្ងៃ និងសម្រាប់បង់ថ្លៃសិក្សារបស់កូនៗ ៕
ចែករំលែកព័តមាននេះ