បើខ្ជិលច្រអូសធ្វើម្តេចនឹងឃើញស្រមោលទ្រព្យ
ការងារទាំងឡាយមិនថាធ្ងន់ឬស្រាល តិច ឬច្រើនគប្បីតាំងចិត្តធ្វើយា៉ងប្រុងប្រយ័ត្ន និងព្យាយាមបំផុតទើប
ការងារទាំងឡាយមិនថាធ្ងន់ឬស្រាល តិច ឬច្រើនគប្បីតាំងចិត្តធ្វើយា៉ងប្រុងប្រយ័ត្ន និងព្យាយាមបំផុតទើប
ការងារទាំងឡាយមិនថាធ្ងន់ឬស្រាល តិច ឬច្រើនគប្បីតាំងចិត្តធ្វើយ៉ាងប្រុងប្រយ័ត្ន និងព្យាយាមបំផុតទើបទទួលបានលទ្ធផលល្អ តែបើបុគ្គលធ្វើទៅតាមចំណង់ជួនធ្វើជួនមិនធ្វើ ឃ្លានពេក ស្រេកពេក ក្តៅពេក ត្រជាក់ពេក នៅព្រឹកពេក ល្ងាចពេក យប់ពេក…ធ្វើមិនកើតទេខ្ជិលច្រអូស ការងារនោះក៏មិនអាចសម្រេចផលបានឡើយ ។
ព្រោះហេតុនោះទើបអ្នកប្រាជ្ញអប់រំមនុស្សឱ្យធ្វើកិច្ចការប្រកបដោយធម៌៤ជាផ្លូវឱ្យសម្រេចប្រយោជន៍ទាន់ពេលបច្ចុប្បន្នគឺ ១-ឆន្ទៈ ធ្វើកិច្ចការដោយទឹកចិត្តមោះមុតមិនរារែក ពោលគឺពេញចិត្តក្នុងការប្រព្រឹត្តធ្វើកិច្ចការនោះនោះ ២-វិរិយៈ យកការព្យាយាមជាធំដើម្បីសម្រេចលើការងារ ៣-ចិត្តៈ ប្រកបកិច្ចការដោយយកចិត្តទុកដាក់ខ្ពស់ និង៤-វីមំសា ពិចារណារកការពិតក្នុងកិច្ចការនោះនោះឱ្យប្រាកដ ។ ឥទ្ធិបាទធម៌ទាំង៤នោះជាធម៌សំខាន់បំផុតរបស់សត្វលោក(ទាំងផ្លូវលោក និងផ្លូវធម៌) ។ ដូច្នេះយើងគួរសង្វាតបំពេញឱ្យបានគ្រប់គ្រាន់គង់នឹងបានសម្រេចប្រយោជន៍ឃើញទាន់ភ្នែកនាពេលបច្ចុប្បន្នពុំដែលឃ្វាងឡើយ ។
ក្នុងសេចក្តីខាងលើកនេះ លោកសំដៅយកសេចក្តីព្យាយាមធ្វើការងារទាំងឡាយដោយមឺុងមា៉ត់ដរាបដល់ទីបំផុតមិនខ្ជិលច្រអូសបោះបង់ចោលការងារដែលកំពុងធ្វើមិនទាន់សម្រេចនោះនៅកណ្តាលទីឡើយ ពោលគឺការតាំងចិត្តធ្វើដោយមិនមានសេចក្តីធុញទ្រាន់ ប្រកាន់ត្អូញត្អែរថា ព្រឹកពេក ល្ងាចពេក យប់ពេក រងាពេក ក្តៅពេក ស្រេកពេក ឃ្លានពេក ធ្វើកិច្ចការទាំងពួងមិនកើតទេ ។
ពិតណាស់កិច្ចការទាំងអស់ក្នុងលោកដែលនឹងសម្រេចទៅបានក៏ព្រោះអាស្រ័យការព្យាយាមជាធំ ។ ការរៀនសូត្រ បើប្រាសចាកព្យាយមហើយ ធ្វើម្តេចឡើយនឹងបានចេះដឹង ចម្លងខ្លួនឱ្យផុតពីមោហភាពទៅកាន់បណ្ឌិតភាពបាន ។ បើល្ងង់ឥតវិជ្ជាហើយធ្វើម្តេចនឹងរកសេចក្តីសុខសុភមង្គលឃើញ សមដូចព្រះដ៏មានព្រះភាគសម្តែងថា វិរិយេន ទុក្ខមច្ឆេតិ គេអាចឆ្លងសេចក្តីទុក្ខបានដោយការព្យាយាម ។
រីឯការស្វែងរកទ្រព្យបើប្រាសចាកព្យាយាមហើយ ធ្វើម្តេចនឹងមានធនធាន មានមាសប្រាក់ផ្ទះសម្បែង លុយឡាន នឹងរត់ចូលមកងាយៗបាន ធ្វើម្តេចនឹងរួចចាកភាពក្រីក្រទៅកាន់ត្រកូលខ្ពង់ខ្ពស់នឹងគេកើត លុះត្រាតែប្រឹងប្រែងយា៉ងពេញទំហឹងឥតសំចៃកម្លាំង មិនស្គាល់យប់មិនស្គាល់ថ្ងៃ សូម្បីហូបចុកក៏ស្ទើរតែមិនត្រង់មាត់ផង គេដើរយើងរត់ គេសម្រាកយើងលួចចេញរកសីុ បានទ្រព្យហើយកុំភ្លើតភ្លើន និងចេះចាយវាយឱ្យបានត្រឹមត្រូវ កុំចេះតែចាយតាមចិត្ត្ចង់ពេកទើបឃើញស្រមោលនៃទ្រព្យសម្បត្តិទាំងនោះចូលមកក្បែរ សមដូចពុទ្ធភាសិតថា ឧដ្ឋានតា វិន្ទតេ ធនំ អ្នកមានព្យាយាមរឿយៗរមែងបាននូវទ្រព្យ ៕ (ឈ្វេងយល់ឱវាទព្រះពុទ្ធសាសនាចេញផ្សាយរៀងរាល់ថ្ងៃសីល)
ចែករំលែកព័តមាននេះ