ប៉ូលិសស្រុកប្រាសាទបាគងបង្ក្រាបករណីនេសាទខុសច្បាប់
ខេត្តសៀមរាប ៖ កម្លាំងប៉ុស្តិ៍នគរបាលរដ្ឋបាលឃុំត្រពាំងធំ ចំណុះអធិការដ្ឋាននគរបាលស្រុកប្រាសាទបាគង សហការណ៍់ជាមួយកម្លាំងប្រជាការពារ
ខេត្តសៀមរាប ៖ កម្លាំងប៉ុស្តិ៍នគរបាលរដ្ឋបាលឃុំត្រពាំងធំ ចំណុះអធិការដ្ឋាននគរបាលស្រុកប្រាសាទបាគង សហការណ៍់ជាមួយកម្លាំងប្រជាការពារ បានចុះទៅបង្ក្រាបបទល្មើសនេសាទខុសច្បាប់ នៅត្រង់ទំនប់៧៨ កាលពីវេលាម៉ោង០៤និង០០នាទីទាបភ្លឺ ឈានចូលថ្ងៃទី០៤ ខែកញ្ញា ឆ្នាំ២០១៧ ស្ថិតនៅក្នុងភូមិសាស្ត្រ ឃុំត្រពាំងធំ ស្រុកប្រាសាទបាគង ខេត្តសៀមរាប ។
តាមប្រភពពីមន្ត្រីនគរបាលប៉ុស្តិ៍ត្រពាំងធំ បានប្រាប់ឱ្យដឹងថា ដោយមានការចូលរួមពីកម្លាំងប្រជាពលរដ្ឋ និងប្រជាការពារភូមិ ទើបកម្លាំងជំនាញបានឈានដល់ធ្វើការបង្ក្រាបបានបទល្មើសនេសាទខុសច្បាប់ ។ ប្រភពបានបន្តថា វត្ថុតាងដែលត្រូវបានដកហូតរួមមាន អ៊ុយស្បៃមុងចំនួន៩ក្បាល, ស្បៃមុង៤០០ម៉ែត្រ, ចម្រឹង១០០ដើម, និងបានដុត និងកាប់បំផ្លាញចោលនៅនឹងកន្លែង ព្រមទាំងបានលែងកូនត្រីចំនួន៥០គីឡូ ចូលក្នុងបឹងទន្លេសាបវិញផងដែរ ៕
ចែករំលែកព័តមាននេះ