គួរឱ្យអាណិតនារីវ័យក្មេងម្នាក់នេះណាស់…
ឥណ្ឌា៖ តាមប្រភពព័ត៌មាន Viral4real បានឲ្យដឹងថា
ឥណ្ឌា៖ តាមប្រភពព័ត៌មាន Viral4real បានឲ្យដឹងថា យុវតីអាយុ១៧ឆ្នាំម្នាក់ ដែលរស់នៅក្នុងសង្កាត់ Saraikela-Kharsawan រដ្ឋ Jharkhand ភាគខាងកើតនៃប្រទេសឥណ្ឌា បានឆ្លងទន្លេនៅតាមដងផ្លូវម្នាក់ឯងយ៉ាងកំសត់វេទនា ក្រោយពេលមិត្តប្រុសរត់ចោល។ នៅពេលយុវតីខាងលើ ដែលមិនបញ្ចេញឈ្មោះ ប្រាប់មិត្តប្រុសថាខ្លួនមានផ្ទៃពោះ មិត្តប្រុសដែលគ្មានទំនួលខុសត្រូវម្នាក់នោះបានរត់ចោលនាង ហើយទុកឲ្យនាងនៅទទួលរងគ្រោះម្នាក់ឯង។
ពេលនាងទៅប្រាប់ម្តាយឪពុករបស់នាងពីរឿងមានផ្ទៃពោះ ពួកគាត់បានប្រកាសកាត់កាលនាងចោល ដោយសារតែមិនចង់ខ្មាស់ញាតិសន្តានពេលកូនមានផ្ទៃពោះទាំងមិនទាន់បានរៀបការ។ តាមពាក្យសម្តីរបស់អ្នកភូមិបានឲ្យដឹងថា នាងគ្មានផ្ទះសម្បែងជ្រកកោនទេ។ នាងដើរស្នាក់នៅតាមដងផ្លូវ ហើយគ្មានអ្វីបំពេញក្រពះឡើយ។ នាងក៏បានសម្រាលកូននៅតាមដងផ្លូវ ព្រោះតែមន្ទីរពេទ្យមិនព្រមជួយសង្គ្រោះនាងឡើយ។
មូលហេតុដែលមន្ទីរពេទ្យមិនយកភ្នែកមើល គឺដោយសារតែនាងក្រីក្រនិងមិនមានអាណាព្យាបាលត្រឹមត្រូវ។ ពេលនាងសម្រាល នាងបានហូរឈាមពេញផ្លូវ ដែលធើ្វអោយអ្នកដំណើរមានការភ្ញាក់ផ្អើរយ៉ាងខ្លាំង ដោយជួយធ្វើចរាចរណ៍កុំឱ្យម៉ូតូបុកនាង។ ក្រោយពេលនាងសម្រាល គ្រូពេទ្យម្នាក់ឈ្មោះថា Lakhindra Hansda ដែលជាគ្រូពេទ្យជិតនោះ បានមកជួយកាត់ទងផ្ចិត ហើយបញ្ជូននាងនឹងកូនទៅមន្ទីរពេទ្យ Chandil Sub Divisional។ ទាំងពីរនាក់ម្តាយនិងកូន ត្រូវបានគ្រូពេទ្យជួយមើលថែរក្សា ហើយពួកគេកំពុងស្នាក់នៅព្យាបាលនៅទីនោះ៕
ចែករំលែកព័តមាននេះ