Ronaldo បំបែកកំណត់ត្រាបាល់អន្តជាតិរបស់ Pele
តាមប្រភពព័ត៌មាន Marca បានឲ្យដឹងថា សេ្តចបាល់ទាត់ប្រេស៊ីល Pele បានផ្ញើសារអបអរសាទរដល់កីឡាករបាល់ទាត់ឆ្នើម
តាមប្រភពព័ត៌មាន Marca បានឲ្យដឹងថា សេ្តចបាល់ទាត់ប្រេស៊ីល Pele បានផ្ញើសារអបអរសាទរដល់កីឡាករបាល់ទាត់ឆ្នើម
តាមប្រភពព័ត៌មាន Marca បានឲ្យដឹងថា សេ្តចបាល់ទាត់ប្រេស៊ីល Pele បានផ្ញើសារអបអរសាទរដល់កីឡាករបាល់ទាត់ឆ្នើមសញ្ជាតិព័រទុយហ្គាល់ Cristiano Ronaldo ក្រោយការប្រកួតរវាងក្រុមព័រទុយហ្គាល់ជាមួយនឹង Faroe Islands កាលពីថ្ងៃសុក្រ។
Ronaldo រកបាន៣គ្រាប់ក្នុងការប្រកួតនោះ ដែលធ្វើឲ្យរូបគេបានបំបែកកំណត់ត្រាគ្រាប់បាល់អន្តរជាតិរបស់ Pele បាន។ សេ្តចបាល់ទាត់ Pele មានកំណត់ត្រារកគ្រាប់បាល់ជូនក្រុមជម្រើសជាតិប្រេស៊ីលចំនួន៧៧គ្រាប់។ ចំណែកឯពេលថ្មីៗនេះ Ronaldo រកគ្រាប់បាល់ជូនក្រុមជម្រើសជាតិព័រទុយហ្គាល់បាន៧៨គ្រាប់ ដែលធ្វើឲ្យរូបគេអាចឈរក្នុងតារាង Top 5 ហើយច្រាន Pele ចេញពីលេខរៀងទី៥។Pele បានសរសេរសារបង្ហោះលើបណ្តាញសង្គមថា «អបអរសាទរ Cristiano Ronaldo ដែលបានជាប់ក្នុងតារាងកីឡាករកំពូលទាំង៥ ក្នុងការរកគ្រាប់បាល់បានច្រើននៅអន្តរជាតិ។ ល្អណាស់!»
គួរបញ្ជាក់ផងដែរថា Ronaldo នាពេលនេះ ឈរក្នុងតារាង Top 5 ជាមួយនឹងកីឡាករខ្លាំងៗ ដែលរកគ្រាប់បាល់បានច្រើនជាងគេជូនក្រុមជម្រើសជាតិ។ នៅក្នុងនោះរួមមាន កីឡាករអ៊ីរ៉ង់ Ali Daei (លេខ១ រកបាន១០៩គ្រាប់) កីឡាករអេស្ប៉ាញ Ferenc Puskás (លេខ២ រកបាន៨៤គ្រាប់) កីឡាករជប៉ុន Kunishige Kamamoto (លេខ៣ រកបាន៨០គ្រាប់) និង កីឡាករហ្សំប៊ី Godfrey Chitalu (លេខ៤ រកបាន៧៩គ្រាប់)៕
ចែករំលែកព័តមាននេះ