មន្ត្រីកាំកុងត្រូលខេត្តសៀមរាប ចុះត្រូតពិនិត្យទំនិញហួសសុពលភាព
ខេត្តសៀមរាប ៖ មន្ត្រីកាំកុងត្រូលសាខាខេត្ត និងមន្ត្រីអាកាសយានដ្ឋានអន្តរជាតិសៀមរាប បានសហការជាមួយមន្ទីរពាណិជ្ជកម្មខេត្ត ធ្វើសកម្មភាពចុះត្រួតពិនិត្យ
ខេត្តសៀមរាប ៖ មន្ត្រីកាំកុងត្រូលសាខាខេត្ត និងមន្ត្រីអាកាសយានដ្ឋានអន្តរជាតិសៀមរាប បានសហការជាមួយមន្ទីរពាណិជ្ជកម្មខេត្ត ធ្វើសកម្មភាពចុះត្រួតពិនិត្យ និងផ្សព្វផ្សាយអំពីគុណភាព និងសុវត្ថិភាពម្ហូបអាហារ នៅតាមមីនីម៉ាត់នានា នៃមហាវិថីស៊ីវត្ថា ក្នុងក្រុងសៀមរាប ដើម្បីឱ្យអាជីវករបានយល់កាន់តែច្បាស់ពីសុវត្ថិភាពចំណីអាហារ ។
ហេតុការណ៍ចុះប្រតិបត្តិការត្រួតពិនិត្យទំនិញហួសគុណភាពនោះ ធ្វើឡើងនៅរសៀលថ្ងៃទី០២ ខែកញ្ញា ឆ្នាំ២០១៧ ស្ថិតនៅសង្កាត់ស្វាយដង្គំ ក្រុងសៀមរាប ខេត្តសៀមរាប ។
លោក ង៉ែត ចេក ប្រធានកាំកុងត្រូលសាខាខេត្តសៀមរាប បានប្រាប់ថា ៖ ការត្រួតពិនិត្យគុណភាពទំនិញនៅតាមទីផ្សារនានា ឬក៏មីនីម៉ាតមួយចំនួន ក្នុងខេត្តសៀមរាប ។ ដើម្បីទប់ស្កាត់ទំនិញគ្មានគុណភាព និងការពារសុខភាពជូនដល់ប្រជាពលរដ្ឋទូទៅ ។ បន្ទាប់ពីការពិនិត្យមើលលើផលិតផលកំប៉ុង និងដប និងផលិតផលវេចខ្ចប់រួចមក ដែលកំពុងដាក់តាំងលក់នៅតាមផ្ទះ និងផ្សារទំនើបមួយចំនួន ក្នុងក្រុងសៀមរាបនោះ ។ ជាក់ស្តែង ក្រុមជំនាញបាន ពិនិត្យឃើញមានផលិតផលខ្លះៗ បានប្រែប្រួលខូចគុណភាព ដូចជា កំប៉ុងកំពិត ហួសកាលបរិច្ឆេទប្រើប្រាស់ ហើយត្រូវបានមន្ត្រីសាខាកាំកុងត្រូលខេត្តសៀមរាប ធ្វើការណែនាំ និងធ្វើកំណត់ហេតុដកហូត យកមករក្សាទុក ដើម្បីស្នើសុំគោលការណ៏ថ្នាក់លើ យកទៅកម្ទេចចោលនៅពេលក្រោយ ៕
ចែករំលែកព័តមាននេះ