ចុះត្រូតពិនិត្យទំនិញហួសសុពលភាព ដូចភ្លៀងរលឹម
ខេត្តសៀមរាប ៖ មន្ត្រីកាំកុងត្រូលសាខាខេត្ត និងមន្ត្រីអាកាសយានដ្ឋានអន្តរជាតិសៀមរាប
ខេត្តសៀមរាប ៖ មន្ត្រីកាំកុងត្រូលសាខាខេត្ត និងមន្ត្រីអាកាសយានដ្ឋានអន្តរជាតិសៀមរាប
ខេត្តសៀមរាប ៖ មន្ត្រីកាំកុងត្រូលសាខាខេត្ត និងមន្ត្រីអាកាសយានដ្ឋានអន្តរជាតិសៀមរាប បានសហការណ៍ជាមួយមន្ទីរពាណិជ្ជកម្មខេត្ត ធ្វើសកម្មភាពចុះត្រួតពិនិត្យ និងផ្សព្វផ្សាយ អំពីគុណភាព និងសុវត្ថិភាពម្ហូបអាហារ នៅតាមមីនីម៉ាតនានា នៃមហាវិថីស៊ីវត្ថា ក្នុងក្រុងសៀមរាប ដើម្បីឱ្យអាជីវករបានយល់កាន់តែច្បាស់។ ការចុះប្រតិបត្តិការត្រួតពិនិត្យទំនិញហួសគុណភាពនោះធ្វើឡើងនៅរសៀលថ្ងៃទី០២ ខែកញ្ញា ឆ្នាំ២០១៧ ស្ថិតនៅ សង្កាត់ស្វាយដង្គំ ក្រុងសៀមរាប ខេត្តសៀមរាប។
លោក ង៉ែត ចេក ប្រធានកាំកុងត្រូលសាខាខេត្តសៀមរាបបានប្រាប់ថា ការត្រួតពិនិត្យគុណភាពទំនិញនៅតាមទីផ្សារនានា ឬក៏មីនីម៉ាតមួយចំនួនក្នុងខេត្តសៀមរាប ដើម្បីទប់ស្កាត់ទំនិញគ្មានគុណភាព និងការពារសុខភាពជូនដល់ប្រជាពលរដ្ឋទូទៅ។ បន្ទាប់ពីការពិនិត្យមើលលើផលិតផលកំប៉ុង ដប និងផលិតផលវេចខ្ចប់រួចមក ដែលកំពុងដាក់តាំងលក់នៅតាមផ្ទះ និងផ្សារទំនើបមួយចំនួនក្នុងក្រុងសៀមរាបនោះ។ ជាក់ស្តែង ក្រុមជំនាញយើងបានពិនិត្យឃើញមានផលិតផលខ្លះៗ បានប្រែប្រួលខូចគុណភាពដូចជាកំប៉ុងក្រពឹត ហួសកាលបរិច្ឆេទ ប្រើប្រាស់ ហើយត្រូវបានមន្ត្រីសាខាកាំកុងត្រូលខេត្តសៀមរាប ធ្វើការណែនាំ និងធ្វើកំណត់ហេតុដកហូត យកមករក្សាទុក ដើម្បីស្នើសុំគោលការណ៍ថ្នាក់លើយកទៅកម្ទេចចោលនៅពេលក្រោយ។
សូមបញ្ជាក់ផងដែរថា ផលិតផលដែលខូចគុណភាពត្រូវបានមន្ត្រីជំនាញដកហូតរួមមាន៖ ទឹកដោះគោ ស្រាបៀរ ណេសកាហ្វេ ស្ករសូកូឡា និងទឹកក្រូចដបជ័រដែលមានទម្ងន់សរុប៣១គីឡូក្រាម។ លោកបានបញ្ជាក់បន្ថែមទៀតថា ទន្ទឹមនឹងការចុះត្រួតពិនិត្យគុណភាពទំនិញ ក្រុមកាងារក៏បានចែកផ្សាយនូវ រូបភាព Poster និង ផ្សព្វផ្សាយដល់អាជីវករអ្នកលក់ដូរ ព្រមទាំងអ្នកប្រើប្រាស់ឱ្យបានយល់ដឹងអំពីរបៀបនៃការជ្រើសរើស ផលិតផលដែលមានមានសុវត្ថិភាពក្នុងការបរិភោគ ពីផលវិបាកដែលបណ្តាលមកពីការបរិភោគអាហារហួសកាលបរិច្ឆេទប្រើប្រាស់ និងបានណែនាំបន្ថែមទៀតចំពោះការលក់ទំនិញគ្រប់ប្រភេទជំរុញឱ្យមានការបិទស្ទីកឃ័រគិតតម្លៃជាប្រាក់រៀលគ្រប់ហាងគ្រប់ មីនីម៉ាតនៅក្នុងខេត្តសៀមរាបទាំងមូល៕
ចែករំលែកព័តមាននេះ