កូនប្រុសនាយក្រឹមខូចចិត្ត ដ្បិតឪពុកទៅចោលម្តាយ
រាជធានីភ្នំពេញ ៖ កូនប្រុសនាយក្រឹម ឈ្មោះអ៊ូ ដានីញ៉ែល បានបង្ហាញសារសៅហ្មងខូចចិត្តចំពោះឪពុករបស់ខ្លួនដែល
រាជធានីភ្នំពេញ ៖ កូនប្រុសនាយក្រឹម ឈ្មោះអ៊ូ ដានីញ៉ែល បានបង្ហាញសារសៅហ្មងខូចចិត្តចំពោះឪពុករបស់ខ្លួនដែល
រាជធានីភ្នំពេញ ៖ កូនប្រុសនាយក្រឹម ឈ្មោះអ៊ូ ដានីញ៉ែល បានបង្ហាញសារសៅហ្មងខូចចិត្តចំពោះឪពុករបស់ខ្លួនដែលទៅរួមរស់ជាមួយស្រីក្មេង ។
នេះជាលើកដំបូងហើយដែលកូនប្រុសរបស់នាយក្រឹម បានបញ្ចេញអារម្មណ៍របស់ខ្លួនពាក់ព័ន្ទទៅនឹងរឿងឪពុកយកនាងលាភ ជាភរិយាក្រោយ បន្ទាប់ពីនាងពពោះជាង៥ខែហើយនោះ ។
ជាវិចិត្រករវ័យក្មេង កូនប្រុសនាយក្រឹមលោកអ៊ូ ដានីញ៉ែល បានបង្ហាញសារតាមហ្វេសប៊ុករៀបរាប់ថា«ខ្ញុំមិនដែលនិយាយពីបញ្ហាផ្ទាល់ខ្លួនទេនៅក្នុងហ្វេសប៊ុក ប៉ុន្តែលើកនេះខ្ញុំនឹងបកស្រាយជូន ។ ខ្ញុំបានមកពីអាមេរិកកាលពី១០ឆ្នាំមុន សម្រាប់ខ្ញុំវាជាបទពិសោធន៍ល្អបំផុតនៅពេលដែលធំធាត់នៅក្រៅប្រទេសជាមួយមីងរបស់ខ្ញុំអស់រយៈពេល១២ឆ្នាំ គឺគ្មានអ្វីសោះបើប្រៀបធៀបនឹងក្ដីស្រឡាញ់របស់ឪពុកម្តាយចំពោះអ្នក ។
អស់រយៈពេល៥ឆ្នាំមកហើយខ្ញុំតែងរស់នៅក្នុងស្រមោលនៃការអាណិតអាសូរ ការស្អប់ ការធ្លាក់ទឹកចិត្ត ការមើលងាយ និងការភ័យខ្លាច ។ ខ្ញុំគោរពឪពុកខ្ញុំ ហើយអរគុណគាត់ដែលបានដាក់ជីវិតខ្ញុំរហូតដល់ដំណាក់កាលនេះ ។
ខ្ញុំដែលជាកូនពៅរបស់គាត់នឹងមិនប្រកាន់យកជម្រើសនេះ ដែលយកស្ត្រីម្នាក់នោះសំខាន់សម្រាប់គាត់ខ្លាំងជាងសាច់ឈាមផ្ទាល់ ដោយមិនបាននាំអ្វីមកសោះ ជំនួសនូវការគោរព និងការបំផ្លាញដល់គ្រួសាររបស់ខ្ញុំ ។ ម្តាយរបស់ខ្ញុំទទួលរងនូវភាពឈឺចាប់ទាំងអារម្មណ៍ និងរាងកាយ ដោយសារតែស្វាមីរបស់គាត់បន្តបោកប្រាស់ គំរាមកំហែង និងរឹតបន្តឹងគ្រួសារ ។
ម្តាយរបស់ខ្ញុំដែលជាមនុស្សដែលមានក្តីស្រឡាញ់ និងយកចិត្តទុកដាក់ស្មោះត្រង់ ។ គាត់តែងគិតពីមនុស្សគ្រប់គ្នាក្នុងគ្រួសារ ហើយខ្ញុំស្រឡាញ់ណាស់ ។ ឥឡូវនេះឪពុករបស់ខ្ញុំបានចាកចេញពីផ្ទះហើយ ខ្ញុំមិនមានលុយគ្រប់គ្រាន់ដើម្បីបន្តព្យាបាលជំងឺរបេងដែលខ្ញុំបានព្យាបាលអស់រយៈពេល៧ខែ ។ បើគ្មានការព្យាបាលផលប៉ះពាល់នឹងក្លាយទៅជាធ្ងន់ ។ ខ្ញុំមិនបានរំពឹងថាជីវិតរបស់ខ្ញុំទៅជាអ៊ីចឹងទេ ខ្ញុំមិនមានអ្វីក្រៅពីសិល្បៈដែលជាអាជីពរបស់ខ្ញុំ »។
តារាកំប្លែងលោកអ៊ូ ប៊ុណ្ណារ៉ាត់ ហៅក្រឹមបានធ្វើឱ្យមហាជនភ្ញាក់ផ្អើលខ្លាំងបន្ទាប់ពីធ្លាយព័ត៌មានថា លោកកំពុងតែមានកូនជាមួយតារាកំប្លែងរួមក្រុមគឺនាងគង់ ចាន់ស្រីណា ហៅនាងលាភ ។ ព័ត៌មាននេះធ្លាយចេញឡើង បន្ទាប់ពីនាងលាភ សារភាពថា នាងកំពុងតែពពោះកូនភ្លោះជាង៥ខែហើយ ។ កូនក្នុងផ្ទៃរបស់នាង មហាជនសង្ស័យថាគឺជាតំណក់ឈាមរបស់នាយក្រឹម ។
ភរិយារបស់នាយក្រឹមបានព្រមានប្តឹងនាងលាភ ក្នុងពេលអ្នកស្រីបានទទួលព័ត៌មានថា នាងជំរុញឱ្យនាយក្រឹម លែងលះអ្នកស្រី ដើម្បីពួកគេបានរស់នៅជាមួយគ្នាពេញច្បាប់ ។
ចំពោះនាយក្រឹម អះអាងថា នាយមិនបោះបង់ចោលអ្នកណាម្នាក់ឡើយ ហើយក៏សារភាពពីកំហុសរបស់នាយដែរ ៕
ចែករំលែកព័តមាននេះ