ប្រធានសហ័ន្ធកីឡាខ្មែរឆ្លើយតបនឹងការលើកឡើងមិនសមទំនងរបស់មន្ត្រីថៃ
រាជធានីភ្នំពេញ ៖ លោកឧត្តមសេនីយ៍ឯកតែម ម៉ឺន ប្រធានសហព័ន្ធកីឡាប្រដាល់គុនខ្មែរ ឆ្លើយតបទៅមន្ត្រីប្រតិភូកីឡាថៃថា
រាជធានីភ្នំពេញ ៖ លោកឧត្តមសេនីយ៍ឯកតែម ម៉ឺន ប្រធានសហព័ន្ធកីឡាប្រដាល់គុនខ្មែរ ឆ្លើយតបទៅមន្ត្រីប្រតិភូកីឡាថៃថា
រាជធានីភ្នំពេញ ៖ លោកឧត្តមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរដែលបានដឹកនាំប្រតិភូកីឡាប្រដាល់ទៅចូលរួមប្រកួតស៊ីហ្គេមលើកទី២៩នៅប្រទេសម៉ាឡេស៊ីនោះបានវិលត្រឡប់មកដល់មាតុប្រទេសវិញ ហើយកាលពីព្រឹកថ្ងៃទី៣១ សីហា កន្លងមកនេះ ដោយបាននាំយកមេដាយចំនួន៤គ្រឿងមកជូនជាតិ ។
នៅអាកាសយានដ្ឋានអន្តរជាតិភ្នំពេញលោក តែម ម៉ឺន ប្រធានសហព័ន្ធកីឡាប្រដាល់គុនខ្មែរបានឆ្លើយតបសំណួររបស់អ្នកសារព័ត៌មានពាក់ព័ន្ធនឹងមន្ត្រីប្រតិភូកីឡាថៃ
ដែលបានលើកឡើងថា ពួកគេបានប្រាប់កីឡាកររបស់ខ្លួនឲ្យធ្វើចាញ់ក្នុងវិញ្ញាសាប្រដាល់សេរី ដើម្បីឲ្យប្រទេសផ្សេងទទួលបានមេដាយមាសខ្លះក្នុងប្រភេទកីឡានេះ ។
ការធ្វើបែបនេះគឺដើម្បីឲ្យប្រទេសដទៃដែលបានសិទ្ធិធ្វើម្ចាស់ផ្ទះព្រឹត្តិការស៊ីហ្គេមក្រោយៗបញ្ចូលវិញ្ញាសាប្រដាល់សេរីនេះបន្តទៀត ។
លោក តែម មុឺន ថ្លែងថា លោកមិនខ្វល់ចំពោះសម្ដីអ្នកណាថា គេជាអ្នកទុកមេដាយមាសឱ្យខ្មែរនោះទេ ។ លោកថា ការឡើងសង្វៀនប្រកួតគឺត្រូវប្រើកណ្ដាប់ដៃវាយគ្នាឡើងបែកមុខបែកមាត់ដើម្បីឈ្នះរៀងខ្លួន ។ លោកមិនបានដឹងនូវអ្វីដែលគេបាននិយាយអំពីរឿងបន្ធូរដៃ ឬអាណិតក្នុងពេលប្រកួតដើម្បីឲ្យប្រទេសណាបានមេដាយខ្លះនោះទេ ។ ប៉ុន្តែលោកបានត្រឹមតែលើកឡើងថា ៖«ប្រកួតឈ្នះគឺឈ្នះហើយ មើលឃើញនឹងភ្នែកស្រាប់គ្នាខំវ៉ៃចង់ងាប់មានខ្លះសន្លប់ មានខ្លះវ៉ៃទាំងឈឺ និងខ្លះទៀតបែកមុខបែកមាត់ ។ ដូច្នេះ អ្នកណាគេថាអីក៏ថាទៅជារឿងរបស់គេ ហើយអ្នកដែលស្ដាប់ឮនិងបានឃើញពិចារណាតាមហ្នឹងទៅ ព្រោះឈ្នះគឺឈ្នះ ចាញ់គឺចាញ់ហើយ» ។
លោក តែម ម៉ឺន បញ្ជាក់ជាចុងក្រោយថា លោកពិតជាមោទនភាពខ្លាំងណាស់ចំពោះកីឡាប្រដាល់គុនខ្មែរដែលបានទៅចូលរួមប្រកួត៥នាក់ដណ្ដើមបានមេដាយដល់ទៅ៤នាក់។
លោកចាត់ទុកការដណ្ដើមបានមេដាយ៤គ្រឿងគឺមាស១ ប្រាក់១ និងសំរឹទ្ធ២គ្រឿងរបស់កីឡាករកម្ពុជាគឺជាលទ្ធផលល្អខ្លាំងណាស់ព្រោះកីឡាប្រដាល់គុនខ្មែរទើបតែឈានជើងចូលរួមប្រកួតកីឡាស៊ីហ្គេមជាលើកដំបូង៕
ចែករំលែកព័តមាននេះ