ការពិភាក្សាជាមួយកូរ៉េខាងជើងលោកត្រាំថា ឥតប្រយោជន៍
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិកលោកដូណាល់ ត្រាំ ថ្លែងកាលពីថ្ងៃទី៣០ សីហា ថា
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិកលោកដូណាល់ ត្រាំ ថ្លែងកាលពីថ្ងៃទី៣០ សីហា ថា ការចរចាពុំអាចដោះស្រាយវិបត្តិរវាងកូរ៉េខាងជើង និងសហរដ្ឋអាេមរិកឡើយ ក៏ប៉ុន្តែរដ្ឋមន្ត្រីការពារប្រទេសលោក JAMES MATTIS ពុំយល់ស្របតាមការយល់ឃើញបែបនេះរបស់ប្រធានាធិបតីឡើយ ។
ក្រោយការបាញ់មីស៊ីលបាលីស្ទិកថ្មីរបស់កូរ៉េខាងជើង លោកត្រាំ សរសេរតាម TWITTER ថា សហរដ្ឋអាមេរិកពិភាក្សាជាមួយកូរ៉េខាងជើង ហើយចេញប្រាក់ឱ្យចាប់តាំងពី២៥ឆ្នាំមកហើយ តែការពិភាក្សាគ្នាពុំបានផ្តល់ចម្លើយទេ ។
យោងតាមរបាយការណ៍របស់សភាថា សហរដ្ឋអាមេរិកបានផ្តល់ប្រាក់១,៣ពាន់លានដុល្លារ ជាជំនួយដល់កូរ៉េខាងជើងរវាងឆ្នាំ១៩៩៥ និង២០០៨ ក្នុងនោះជាងពាក់កណ្តាលជាផលិតផលស្បៀងចាំបាច់ ។ ក៏ប៉ុន្តែជំនួយនេះផ្តល់ក្នុងក្របខណ្ឌកិច្ចព្រមព្រៀងមួយស្តីពីនុយក្លេអ៊ែរ ដែលក្រុងព្យុងយ៉ាងក្រោយមកបានរំលោភបំពានត្រូវផ្អាកស្ទើរទាំងស្រុងចាប់តាំងពីឆ្នាំ២០០៩មក ។
តាំងពីចូលកាន់កាប់សេតវិមានពីខែមករាមក លោកត្រាំ លើកឡើងថា លោកនឹងពុំអនុញ្ញាតឱ្យកូរ៉េខាងជើងអភិវឌ្ឍន៍បណ្តាមីស៊ីលបំពាក់ក្បាលគ្រាប់នុយក្លេអ៊ែរដែលអាចវាយប្រហារដល់ដែនដីអាមេរិកឡើយ ។
ក្រោយការបាញ់សាកមីស៊ីលដែលហោះកាត់ពីលើជប៉ុនរបស់កូរ៉េខាងជើងបន្តិច លោកត្រាំ ពេលដូចលោកធ្លាប់អះអាងកាលពីពេលមុននេះថា រាល់ការជ្រើសរើសមានទាំងខាងយោធាស្ថិតនៅលើតុរួចហើយ ។
ទោះបីយ៉ាងណា រដ្ឋមន្ត្រីការពារប្រទេសលោក JAMES MATTIS នាថ្ងៃទី៣០ សីហា ប្រញាប់ធ្វើការថ្លឹងថ្លែងពាក្យពេចន៍ទាំងនេះរបស់លោកត្រាំ ដោយអះអាងថា សហរដ្ឋអាមេរិកពុំទាន់ឈានដល់ទឹកចុងក្រោយនៃដំណោះស្រាយការទូតនៅឡើយ ។
យោងតាមពួកអ្នកជំនាញការទាំងឡាយថា ប្រហែលជាគ្មានជម្រើសណាដើម្បីរារាំងកូរ៉េខាងជើងមិនឱ្យអភិវឌ្ឍន៍មីស៊ីលថ្មីៗឡើយ ព្រោះបែបនេះអាចឱ្យលោកគីម ជុងអ៊ុន ទប់ទល់ជាមួយសហរដ្ឋអាមេរិក ហើយចៀសវាងកុំឱ្យប្រទេសលោកជួបប្រវត្តិសាស្ត្រដូចនៅលីប៊ី និងអីុរ៉ាក់ដោយសារប្រទេសទាំង២ បោះបង់ចោលកម្មវិធីនុយក្លេអ៊ែររបស់ពួកគេ ៕
ចែករំលែកព័តមាននេះ