ភ្លើងតូចដែលជាប់កញ្ចក់ចំហៀង អាចជួយការពារគ្រោះថ្នាក់បានច្រើនករណី
មានមនុស្សមិនតិចទេដែលឆ្ងល់ថា ហេតុអ្វីបានជាយើងត្រូវការភ្លើងតូចពណ៌ទឹកក្រូចនៅលើកញ្ចក់ចំហៀងទាំងសងខាង ។ ភ្លើងនេះអាច
មានមនុស្សមិនតិចទេដែលឆ្ងល់ថា ហេតុអ្វីបានជាយើងត្រូវការភ្លើងតូចពណ៌ទឹកក្រូចនៅលើកញ្ចក់ចំហៀងទាំងសងខាង ។ ភ្លើងនេះអាច
មានមនុស្សមិនតិចទេដែលឆ្ងល់ថា ហេតុអ្វីបានជាយើងត្រូវការភ្លើងតូចពណ៌ទឹកក្រូចនៅលើកញ្ចក់ចំហៀងទាំងសងខាង ។ ភ្លើងនេះអាចមាននៅតែលើរថយន្តទំនើបថ្លៃៗមួយចំនួនតែប៉ុណ្ណោះ ។ វាប្រើប្រាស់សម្រាប់ប្រាប់ថាមានរថយន្ត ឬអ្នកដំណើរនៅពីក្រោយ ដែលយើងមិនអាចមើលឃើញតាមកញ្ចក់ចំហៀងបាន ។គេហៅបច្ចេកវិទ្យានេះថា « Blind-spot Monitor »។
តាមការស្រាវជ្រាវថ្មីពីវិទ្យាស្ថានធានារ៉ាប់រងសុវត្ថិភាពផ្លូវហាយវ៉េបានបង្ហាញថា វាបានជួយយើងឲ្យផុតពីគ្រោះថ្នាក់ជាច្រើនករណី ។
វិទ្យាស្ថានខាងលើបានប្រាប់ថា ទាំងបច្ចេកវិទ្យា blind-spot monitor និងកម្មវិធីបើកត្រង់ជួរ (Lane-departure warning system) សុទ្ធតែមានផលប្រយោជន៍ជួយយើងឲ្យផុតពីការបុកគ្នា ។ គេបានធ្វើការស្រាវជ្រាវជារៀងរាល់ឆ្នាំ ហើយមួយឆ្នាំៗ លទ្ធផលសុទ្ធតែបង្ហាញថា មានមនុស្សកាន់តែតិចទៅៗ ជួបគ្រោះថ្នាក់ចរាចរណ៍ ពេលពួកគេបើករថយន្តមានបច្ចេកវិទ្យានេះ ។
បច្ចេកវិទ្យា blind-spot monitoring ប្រាប់អ្នកបើកបរឲ្យដឹងថា មានរថយន្តនៅពីក្រោយ ដែលខ្លួនមើលមិនឃើញ ។ វានឹងលោតភ្លើងទឹកក្រូចតូចមួយនៅជាប់នឹងកញ្ចក់ចំហៀងខាងដែលមានរថយន្តនៅពីក្រោយ ។ ចំពោះបច្ចេកវិទ្យា lane-keeping assist វិញ គឺប្រាប់យើងឲ្យបើកលើគន្លងផ្លូវត្រឹមត្រូវ ពេលយើងបើកចេញពីគន្លង ។
ការសិក្សាបង្ហាញថា បច្ចេកវិទ្យា lane-departure warning systems បានជួយកាត់បន្ថយអត្រាគ្រោះថ្នាក់ចរាចរណ៍បានដល់ទៅ១១%។ ចំពោះការរងរបួសដោយសារគ្រោះថ្នាក់ចរាចរណ៍វិញ គឺថយចុះដល់ទៅ២១% មិនត្រឹមតែប៉ុណ្ណោះ វាបានជួយកាត់បន្ថយអត្រាស្លាប់ដោយសារគ្រោះថ្នាក់ចរាចរណ៍បានដល់៨៦%ឯណោះ ។ ប៉ុន្ដែការសិក្សានេះមិនបានគិតដល់កត្តាផ្សេងៗទៀត ដូចជា កត្តាភេទ អាយុ និងការធានារ៉ាប់រងអាយុជីវិតឡើយ ។
ចំពោះការសិក្សាទៅលើបច្ចេកវិទ្យា blind-spot monitor វិញបានបង្ហាញថា អត្រាគ្រោះថ្នាក់ដោយបុកគ្នាមានការថយចុះចំនួន១៤% និងអត្រារងរបួសថយចុះដល់ទៅ២៣% ។
វិទ្យាស្ថានខាងលើ មានជំនឿយ៉ាងមុតមាំថា ប្រសិនបើរថយន្តនៅអាមេរិកសុទ្ធតែមានបំពាក់បច្ចេកវិទ្យាទាំងពីរនេះ គ្រោះថ្នាក់ចរាចរណ៍ចំនួន៥ម៉ឺនករណីជារៀងរាល់ឆ្នាំ នឹងត្រូវលុបបំបាត់ ៕
ចែករំលែកព័តមាននេះ