អាជ្ញាធរចុះរៀបចំសណ្ដាប់ធ្នាប់ក្នុងក្រុងសៀមរាប
ខេត្តសៀមរាប ៖ នាថ្ងៃទី៣០ ខែសីហា ឆ្នាំ២០១៧ កម្លាំងការិយាល័យនគរបាលសណ្តាប់ធ្នាប់សាធារណៈ ដឹកនាំដោយលោកវរសេនីយ៍ទោ
ខេត្តសៀមរាប ៖ នាថ្ងៃទី៣០ ខែសីហា ឆ្នាំ២០១៧ កម្លាំងការិយាល័យនគរបាលសណ្តាប់ធ្នាប់សាធារណៈ ដឹកនាំដោយលោកវរសេនីយ៍ទោ
ខេត្តសៀមរាប ៖ នាថ្ងៃទី៣០ ខែសីហា ឆ្នាំ២០១៧ កម្លាំងការិយាល័យនគរបាលសណ្តាប់ធ្នាប់សាធារណៈ ដឹកនាំដោយលោកវរសេនីយ៍ទោ មាស វណ្ណៈ ប្រធានការិយាល័យនគរបាលសណ្តាប់ធ្នាប់ នៃស្នងការនគរបាលខេត្ត សហការណ៍ជាមួយកម្លាំងនគរបាលចរាចរណ៍ នៃស្នងការដ្ឋាននគរបាលខេត្ត ចុះប្រតិបត្តិការរៀបចំសណ្តាប់ធ្នាប់តាមដងផ្លូវជាតិលេខ៦ និងម្តុំចំណតរថយន្តចុងកៅស៊ូ និងជុំវិញតំបន់ផ្សារចាស់ ក្នុងក្រុងសៀមរាប ។
ដោយអនុវត្តន៍តាមការណែនាំរបស់គណៈបញ្ជាការឯកភាពរដ្ឋបាលខេត្តសៀមរាប ក៏ដូចការណែនាំពីសំណាក់ លោកវរសេនីយ៍ឯកទិត្យ ណារ៉ុង ស្នងការនគរបាលខេត្ត ដើម្បីធ្វើឱ្យទីក្រុងសៀមរាប មានសុវត្ថិភាពចរាចរណ៍សណ្ដាប់ធ្នាប់របៀបរៀបរយ និងមានសោភ័ណ្ឌភាពល្អ សមជាទីក្រុងទេសចរណ៍ប្រវត្តិសាស្ត្រ ។
ក្នុងកិច្ចប្រតិបត្តិការនេះ លោកវរសេនីយ៍ទោ មាស វណ្ណៈ ប្រធានការិយាល័យនគរបាលសណ្តាប់ធ្នាប់ នៃស្នងការនគរបាលខេត លោកបានដឹកនាំកម្លាំងចម្រុះ បានចុះធ្វើការផ្សព្វផ្សាយអប់រំដល់បងប្អូនប្រជាពលរដ្ឋ ដែលរស់នៅតាមដងផ្លូវ និងអាជីវករលក់ដូរឱ្យពួកគាត់ បានយល់អំពីការដាក់តាំងលក់នៅសម្ភារ ទំនិញ និងស្លាកយីហោជាដើម ដែលធ្វើឱ្យប៉ះពាល់ដល់អ្នកធ្វើដំណើរ ដោយថ្មើរជើង និងបាត់សណ្តាប់ធ្នាប់របៀបរៀបរយអាច ធ្វើឱ្យកកស្ទះចរាចរ ដែលបង្កឱ្យមានគ្រោះថ្នាក់ចរាចរកើតឡើង និងបាត់សោភ័ណ្ឌភាពទីក្រុង និងសូមឱ្យពួកគាត់ចូលរួមគោរពច្បាប់ ចូលរួមថែរក្សាបរិស្ថាន និងអនាម័យឲ្យបានល្អ សមជាទីក្រុងទេសចរណ៍ដែលអាចទាក់ទាញភ្ញៀវជាតិ និងអន្តរជាតិ ឱ្យចូលមកទស្សនាកម្សាន្តក្នុងខេត្ត ពីមួយឆ្នាំទៅមួយឆ្នាំ កាន់តែច្រើនឡើងៗផងដែរ ៕
ចែករំលែកព័តមាននេះ