លោកវរសេនីយ៍ត្រី ស៊ុន វន់ អធិការរងស្រុកបន្ទាយស្រីមានជំងឺប្រចាំកាយ
ខេត្តសៀមរាប ៖ នារសៀលថ្ងៃទី៣០ ខែសីហា ឆ្នាំ២០១៦នេះ លោកឧត្តមសេនីយ៍ឯក ឌី វិជ្ជា
ខេត្តសៀមរាប ៖ នារសៀលថ្ងៃទី៣០ ខែសីហា ឆ្នាំ២០១៦នេះ លោកឧត្តមសេនីយ៍ឯក ឌី វិជ្ជា
ខេត្តសៀមរាប ៖ នារសៀលថ្ងៃទី៣០ ខែសីហា ឆ្នាំ២០១៦នេះ លោកឧត្តមសេនីយ៍ឯក ឌី វិជ្ជា ប្រធាននាយកដ្ឋានកណ្ដាលសន្តិសុខ និងលោកឧត្តមសេនីយ៍ទោ សត ណាឌី អតីតស្នងការនគរបាលខេត្តសៀមរាប បន្ទាប់ពីទទួលដំណឹងថា លោកវរសេនីយ៍ត្រី ស៊ុន វន់ អធិការរង នៃអធិការដ្ឋាននគរបាលស្រុកបន្ទាយស្រី ដែលមានជំងឺប្រចាំកាយ(ទឹកនោមផ្អែម) កំពុងសម្រាកនៅផ្ទះ ស្ថិតក្នុងភូមិបន្ទាយស្រី ឃុំខ្នាសណ្ដាយ ស្រុកបន្ទាយស្រី ខេត្តសៀមរាប បានចាត់តាំងលោកវរសេនីយ៍ទោ ហួត សុធី ស្នងការរង ជាប្រធានការិយាល័យកណ្ដាលសន្តិសុខ នៃស្នងការដ្ឋាននគរបាលខេត្តសៀមរាប ដឹកនាំកម្លាំងចុះទៅសាកសួរសុខទុក្ខ និងផ្តល់ថវិការមួយចំនួន ព្រមទាំងប្រាប់ឱ្យលោក វរសេនីយ៍ត្រី ស៊ុន វន់ មកព្យាបាលនៅមន្ទីរពេទ្យបង្អែកខេត្តសៀមរាប នៅថ្ងៃទី៣១ ខែសីហា ឆ្នាំ២០១៧ ស្អែកនេះ។
លោកវរសេនីយ៍ទោ ហួត សុធី ស្នងការរង ជាប្រធានការិយាល័យកណ្ដាលសន្តិសុខ នៃស្នងការដ្ឋាននគរបាលខេត្ត និងក្រុមការងារបានពាំនាំនូវការសាកសួរសុខទុក្ខពីលោក ឧត្តមសេនីយ៍ឯក ឌី វិជ្ជា ជាប្រធាននាយកដ្ឋានកណ្ដាលសន្តិសុខ នៃអគ្គស្នងការដ្ឋាននគរបាលជាតិ និងលោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប និងបានពន្យល់ណែនាំបន្ថែម ដោយបានធ្វើការផ្តាំផ្ញើដល់ក្រុមគ្រួសារក៏ដូចជា លោកវរសេនីយ៍ត្រី ស៊ុន វន់ ដែលកំពុងតែមានជំងឺឱ្យធ្វើយ៉ាងណាត្រូវខិតខំមើលថែខ្លួន ឱ្យបានល្អដោយត្រូវព្យាយាមលេបថ្នាំ និងធ្វើទៅតាមអ្វីដែលគ្រូពេទ្យបានប្រាប់ឱ្យបានទៀងទាត់ទៅតាមពេលវេលាបើទោះបីជាយ៉ាងណាក៏ដោយក៏ថ្នាក់ដឹកនាំទាំងអស់យកចិត្តទុកដាក់ និងមិនទុកឱ្យមន្ត្រីនគរបាលក្រោមឱវាទណាដែលមានទុក្ខលំបាកនៅឯកោនោះទេ។
លោកវរសេនីយ៍ទោ ហួត សុធី ស្នងការរង និងជាប្រធានការិយាល័យកណ្តាលសន្តិសុខនៃស្នងការដ្ឋាននគរបាលខេត្តសៀមរាប នាំយកនូវគ្រឿងឧបភោគ បរិភោគមួយចំនួន និងថវិកាចំនួន១លាន៦០ម៉ឺនរៀល ក្នុងនោះថវិការបស់លោកឧត្តមសេនីយ៍ឯក ឌី វិជ្ជា ជាប្រធាននាយកដ្ឋានកណ្ដាលសន្តិសុខ នៃអគ្គស្នងការដ្ឋាននគរបាលជាតិ ចំនួន១លានរៀល និងថវិកា របស់លោកឧត្តមសេនីយ៍ សត ណាឌី អតីតស្នងការខេត្ត និងក្រុមការងារចំនួន៦០ម៉ឺនរៀល ជូនដល់លោកវរសេនីយ៍ត្រី ស៊ុន វន់ ទុកសម្រាប់យកទៅប្រើប្រាស់តាមតម្រូវការក្នុងការព្យាបាលជំងឺផងដែរ។
ក្នុងឱកាសនាពេលនោះ លោកឧត្តមសេនីយ៍ឯក ឌី វិជ្ជា និងលោកឧត្តមសេនីយ៍ទោ សត ណាឌី បានធ្វើការផ្ដាំផ្ញើដល់លោកវរសេនីយ៍ទោ ហួត សុធី និងក្រុមការងារ ត្រូវយកចិត្តទុកដាក់ដោះស្រាយរាល់បញ្ហា និងបញ្ជូន លោក ស៊ុន វន់ មកសម្រាកព្យាបាលជំងឺនៅមន្ទីរពេទ្យបង្អែកខេត្តសៀមរាប នៅព្រឹកថ្ងៃទី៣១ ខែសីហា ឆ្នាំ២០១៦ ដើម្បីឱ្យក្រុមគ្រូពេទ្យពិនិត្យ និងព្យាបាលបានត្រឹមត្រូវ៕
ចែករំលែកព័តមាននេះ