ហេតុអីអាមេរិកធ្វើការសាកល្បងគ្រាប់បែកនុយក្លេអ៊ែររបស់ខ្លួន?
សហរដ្ឋអាមេរិក ៖ ការសាកល្បងគ្រាប់បែកថ្មី B61-12 របស់សហរដ្ឋអាមេរិកបង្ហាញថា
សហរដ្ឋអាមេរិក ៖ ការសាកល្បងគ្រាប់បែកថ្មី B61-12 របស់សហរដ្ឋអាមេរិកបង្ហាញថា
សហរដ្ឋអាមេរិក ៖ ការសាកល្បងគ្រាប់បែកថ្មី B61-12 របស់សហរដ្ឋអាមេរិកបង្ហាញថា មហាអំណាចនេះកំពុងធ្វើឱ្យទំនើបដល់អាវុធនុយក្លេអ៊ែរតាក់ទិករបស់ខ្លួននៅអឺរ៉ុប ហើយតើហេតុអីទៅ?
អ្នកជំនាញការយោធារុស្ស៊ីមួយរូបបានធ្វើការវិភាគសភាពការណ៍នេះ ។ អ្នកជំនាញការរូបនេះលោកអីុហ្គ័រកូរ៉ូតឆេនកូ និពន្ធនាយកទស្សនាវដ្តីការពារជាតិរុស្ស៊ីក្នុងបទសម្ភាសន៍មួយជាមួយ SPUTNIK ថ្លែងថា ការសាកល្បងគ្រាប់បែកនុយក្លេអ៊ែរថ្មីនេះបង្ហាញថា សហរដ្ឋអាេមរិកបន្តកម្មវិធីទំនើបភាវូយនីយកម្មឱ្យបានឆាប់នៃអាវុធនុយក្លេអ៊ែរតាក់ទិករបស់ខ្លួននៅអឺរ៉ុប និងថាក្រុងវ៉ាស៊ីនតោនក៏ដូចជាអង្គការអូតង់ដែរ ពិនិត្យពីយថាភាពនៃសេណារីយ៉ូសង្គ្រាមនុយក្លេអ៊ែរមួយ ដែលមានកម្រិតនៅអឺរ៉ុប ។ លោកយល់ថា គ្រាប់បែក B61-12 ត្រូវក្លាយជាអាវុធនុយក្លេអ៊ែរតាក់ទិករបស់កងទ័ពអាកាសអូតង់ក្នុងករណីមានជម្លោះយោធាជាយថាហេតុជាមួយរុស្ស៊ី ។
រដ្ឋបាលជាតិសន្តិសុខនុយក្លេអ៊ែររបស់ក្រសួងថាមពលសហរដ្ឋអាេមរិកមុននេះប្រកាសថា បានធ្វើកាលពីដើមខែសីហានេះរួមជាមួយកងទ័ពអាកាសអាមេរិក ការធ្វើតេស្តសាកល្បង២លើកគ្រាប់បែកនុយក្លេអ៊ែរថ្មី B61-12 នៅរដ្ឋណេវ៉ាដា ។ គ្រាប់បែកនេះពុំដាក់រំសេវនុយក្លេអ៊ែរត្រូវបានទម្លាក់ដោយយន្តហោះប្រដេញ F-15E មួយគ្រឿង ។ ការសាកល្បងទាំង២ធ្វើឡើងដើម្បីវាយតម្លៃលើបណ្តាតួនាទីពុំមែននុយក្លេអ៊ែររបស់អាវុធនេះ ព្រមទាំងសមត្ថភាពរបស់យន្តហោះក្នុងការផ្ទុកគ្រាប់បែកនេះ ។
យោងតាមលោកកូរ៉ូត ឆេនកូ ថា គ្រាប់បែក B61-12 ក្លាយជាគ្រាប់បែកនុយក្លេអ៊ែរតាក់ទិកសំខាន់របស់កងកម្លាំងអាកាសអូតង់ក្នុងករណីមានជម្លោះយោធាជាយថាហេតុជាមួួយរុស្ស៊ី ។ លោកធ្វើការកត់សម្គាល់ថា ក្នុងឱកាសនៃសមយុទ្ធយោធានានាពិសេសនៅសមុទ្របាល់ទិកកងទ័ពអាកាសរបស់បណ្តាប្រទេសជាសមាជិកអូតង់បានធ្វើការហ្វឹកហ្វឺនជាច្រើនលើករួចហើយ ពីរបៀបវាយប្រហារនុយក្លេអ៊ែរតាក់ទិកប្រឆាំងបណ្តាគោលដៅស្ថិតនៅភាគពាយ័ព្យរុស្ស៊ី ។
លោកអីុហ្គ័រកូរ៉ុត ឆេនកូ បន្តថា មូលដ្ឋានអាកាសចរណ៍យោធា៣ដែលមានគុណភាពខ្ពស់ត្រូវបានកែលម្អឡើងវិញ ដើម្បីទទួលកងយន្តហោះតាក់ទិករបស់អូតង់នៅលីទុយអានី ឡេតូនី និងអេស្តូនី ។ កងយន្តហោះទាំងនេះអាចបញ្ជូនទៅកាន់ទីនោះ ក្នុងករណីមានភាពធ្ងន់ធ្ងរនៃសភាពការណ៍នយោបាយ និងយោធា ។
ទំនាក់ទំនងរវាងរុស្ស៊ី និងអូតង់ ធ្លាក់ចុះដុនដាបកាលពីខែមីនា ឆ្នាំ២០១៤ ។ លោកឌីមីទ្រី ប៉េស្កូវ អ្នកនាំពាក្យរបស់ប្រធានាធិបតីរុស្ស៊ី មុននេះធ្លាប់បានថ្លែងថា ក្រុងមូស្គូពុំគំរាមកំហែងនរណាឡើយ ប៉ុន្តែក៏មិននៅស្ងៀមដែរ ប្រឈមមុខនឹងប្រតិបត្តិការនានាដែលអាចចាត់ទុកថាជាគ្រោះថ្នាក់សម្រាប់ផលប្រយោជន៍របស់ខ្លួន ។
ចំណែករដ្ឋមន្ត្រីការពារប្រទេសរុស្ស៊ី លោកស័រហ្គេយឆយហ្គួ វិញ រំលឹកថា រយៈពេល១០ឆ្នាំចុងក្រោយនេះ ចំនួនកងទាហានអូតង់តាមព្រំដែនរុស្ស៊ីត្រូវបានបង្កើនដល់៣ដង រួចកងកម្លាំងអូតង់ប្រមូលផ្តុំនៅព្រំដែនខាងលិចរបស់ប្រទេសបង្កើនដល់៨ដងឯណោះ ។
កាលពីខែមិថុនា កន្លងមកនេះ ប្រធានាធិបតីរុស្ស៊ី លោកវ្ល៉ាឌីមៀរ ពូទីន ធ្លាប់គូសបញ្ជាក់ថា ការពង្រីកខ្លួនរបស់អូតង់ និងការដាក់ពង្រាយប្រព័ន្ធការពារប្រឆាំងមីស៊ីលរបស់អាមេរិកនៅអឺរ៉ុបបង្ខំឱ្យរុស្ស៊ីមានប្រតិកម្មតបតវិញ ៕
ចែករំលែកព័តមាននេះ