យើងទាំងអស់គ្នាធ្លាប់ដឹងអំពីមូលហេតុផ្សេងៗដែលបណ្តាលឱ្យមានក្លិនមាត់មិនល្អ និងវិធីព្យាបាលដោយខ្លួនឯងដើម្បីគ្រប់គ្រងវា ប៉ុន្តែតើអ្នកធ្លាប់គិតទេថាក្លិនមាត់របស់អ្នកអាចប្រាប់អំពីសុខភាពរាងកាយរបស់អ្នក ?
យើងទាំងអស់គ្នាធ្លាប់ដឹងអំពីមូលហេតុផ្សេងៗដែលបណ្តាលឱ្យមានក្លិនមាត់មិនល្អ និងវិធីព្យាបាលដោយខ្លួនឯងដើម្បីគ្រប់គ្រងវា ប៉ុន្តែតើអ្នកធ្លាប់គិតទេថាក្លិនមាត់របស់អ្នកអាចប្រាប់អំពីសុខភាពរាងកាយរបស់អ្នក ?
ជំងឺទូទៅមួយចំនួនដែលរោគសញ្ញាអាចត្រូវបានបង្ហាញដំបូងតាមរយៈក្លិនមាត់របស់អ្នក ។
១-ជំងឺរលាកផ្លូវដង្ហើម
ក្លិនមាត់មានភាពមិនប្រក្រតីអាចបណ្តាលមកពីការឆ្លងមេរោគរលាកផ្លូវដង្ហើមដូចជាជំងឺផ្តាសាយ និងជំងឺរលាកប្រហោងឆ្អឹងមុខសងខាងច្រមុះជាដើម ។ វាបណ្តាលមកពីបាក់តេរីជាច្រើនដែលមាននៅក្នុងរន្ធច្រមុះ និងប្រហោងឆ្អឹងមុខសងខាងច្រមុះដែលធ្វើឱ្យមានក្លិនមិនល្អ ។
ក្នុងករណីខ្លះ ក្លិនមាត់របស់អ្នកក៏អាចបង្ហាញអំពីជំងឺដុះសាច់បំពង់កផងដែរ ។
២-ជំងឺស្ងួតមាត់
ជំងឺស្ងួតមាត់គឺជាបញ្ហាមួយដែលបណ្តាលមកពីបញ្ហាក្នុងក្រពេញទឹកមាត់ ឬការដកដង្ហើមតាមមាត់ ។ ទោះជាយ៉ាងណាក្តីរោគសញ្ញាសំខាន់មួយនៃជំងឺមាត់ធ្មេញគឺក្លិនមាត់មិនល្អ ។ ប្រសិនបើអ្នកមានជំងឺស្ងួតមាត់ ក្លិនមាត់របស់អ្នកនឹងមានក្លិនស្អុយខ្លាំងរួមជាមួយនឹងរោគសញ្ញាដទៃទៀត ។
៣-ជំងឺទឹកនោមផ្អែម
តើអ្នកដឹងទេខ្យល់ដង្ហើមរបស់អ្នកអាចប្រាប់អ្នកអំពីកម្រិតជាតិស្ករក្នុងឈាមស្ថិតក្រោមការគ្រប់គ្រង ឬក៏អត់ ? អ្នកដែលមានបញ្ហាមិនអាចគ្រប់គ្រងកម្រិតជាតិស្ករក្នុងឈាមបាននឹងជួបប្រទះជំងឺម្យ៉ាងដែលមានឈ្មោះថា ketoacidosis ។ នៅក្នុងករណីនេះរាងកាយដុតជាតិខ្លាញ់ជំនួសឱ្យការប្រើប្រាស់ជាតិស្ករសម្រាប់ការផលិតថាមពលដែលនាំឱ្យមានក្លិនមាត់មិនល្អ ។
៤-ជំងឺធាត់
ការសិក្សាមួយដែលធ្វើឡើងដោយក្រុមអ្នកស្រាវជ្រាវនៅមជ្ឈមណ្ឌលវេជ្ជសាស្ត្រ Los Angeles បានបង្ហាញថាខ្យល់ដង្ហើមរបស់អ្នកអាចប្រាប់អំពីភាពងាយនឹងវិវឌ្ឍទៅរកភាពធាត់ ។ ខ្យល់ដង្ហើមរបស់អ្នកដែលBMIខ្ពស់ និងមានភាគរយជាតិខ្លាញ់ខ្ពស់មានសារធាតុមេតាន និងអុីដ្រូសែនច្រើនជាងបើប្រៀបធៀបទៅនឹងអ្នកដែលមានសុខភាពល្អ ។ ឧស្ម័នទាំង២នេះបណ្តាលឱ្យមានក្លិនស្អុយស្រដៀងនឹងក្លិនបង្គន់ ។
៥-ខ្សោយតម្រងនោម ឬថ្លើម
ទោះបីជាជំងឺខ្សោយតម្រងនោម ឬជំងឺថ្លើមអាចកត់សម្គាល់បានយ៉ាងងាយស្រួលដោយរោគសញ្ញាជាច្រើន តែខ្យល់ដង្ហើមរបស់អ្នកអាចបង្ហាញព័ត៌មានច្រើនអំពីសរីរាង្គទាំងនេះដែរ ។
ប្រសិនបើអ្នកកំពុងមានបញ្ហាខ្សោយតម្រងនោម ឬថ្លើម ខ្យល់ដង្ហើមរបស់អ្នកអាចនឹងមានក្លិនមិនល្អខ្លាំង ។ នៅពេលដែលតម្រងនោម ឬថ្លើមដំណើរការមិនល្អ ជាតិពុលនៅក្នុងរាងកាយបញ្ចេញតាមសួតដែលបណ្តាលឱ្យក្លិនមិនល្អ (ដោយសារសារធាតុគីមី) ៕
ចែករំលែកព័តមាននេះ