ឡាវដែលជួញដូរគ្រឿងញៀនជាង២គីឡូ បានស្លា.ប់ម្នាក់ទៀត…
ករណីជួញដូរគ្រឿងញៀនជាង២គីឡូក្រាម
ខេត្តស្ទឹងត្រែង ៖ សេចក្តីរាយការណ៍ឱ្យដឹងនាព្រឹកថ្ងៃទី២៩ សីហា នេះថា ជនជាតិឡាវម្នាក់ ដែលជាប់ពាក់ព័ន្ធករណីជួញដូរគ្រឿងញៀនជាង២គីឡូក្រាមក្នុងខេត្តស្ទឹងត្រែងបានស្លាប់ហើយ ទោះមន្ត្រីអនុរក្សពន្ធនាគារជួយបញ្ជូនទៅសង្គ្រោះនៅមន្ត្រីពេទ្យបង្អែកខេត្តស្ទឹងត្រែង កាលយប់ថ្ងៃទី២៨ សីហា ។
ជនសង្ស័យឈ្មោះផែង ផាន់ណាង៉ៅ អាយុ៥០ឆ្នាំ ជាកសិករ និងជាជនជាតិឡាវ មានស្រុកកំណើតនៅភូមិណាចាន ស្រុកសុកូម៉ា ខេត្តចំប៉ាសាក់ ប្រទេសឡាវ ។ ក្រោយឃាត់ខ្លួន ជបសង្ស័យត្រូវបានបញ្ជូនខ្លួនទៅឃុំនៅពន្ធនាគារខេត្ត បានរយៈពេល៤ថ្ងៃ ថ្ងៃទី២៨ សីហា ជនសង្ស័យរូបនោះមានអាការៈមិនស្រួល ក៏ត្រូវបានមន្ត្រីអនុរក្សពន្ធនាគារ បញ្ជូនទៅកាន់មន្ទីពេទ្យបង្អែកខេត្តស្ទឹងត្រែង ។
មន្ត្រីនគរបាលបច្ចេកទេស និងកោសល្យវិច្ច័យស្នងការដ្ឋាននគរបាលខេត្តស្ទឹងត្រែងឱ្យដឹងថា ជនសង្ស័យបានស្លាប់ដោយសារមូលហេតុគាំងបេះដូង ដោយពុំពាក់ព័ន្ធអំពើផ្សេងនោះឡើយ ។ បច្ចុប្បន្ន សាកសពត្រូវបានអគ្គកុងស៊ុលប្រទេសឡាវ ប្រចាំខេត្តស្ទឹងត្រែងធ្វើការទំនាក់ទំនងទៅក្រុមគ្រួសារដើម្បីអោយយកសពទៅធ្វើបុណ្យតាមប្រពៃណី។
គួររំលឹកថា ជនសង្ស័យត្រូវបានកម្លាំងនគរបាលប្រឆាំងការជួញដូរគ្រឿងញៀនស្នងការដ្ឋាននគរបាលខេត្តស្ទឹងត្រែងចាប់ខ្លួន បានកាលពីយប់ថ្ងៃទី២៤ សីហាស្ថិតនៅចំណុចខ្សែក្រវ៉ាត់ព្រំដែនបង្គោលលាក់ចន្លោះលេខ៣៤និង៣៥ ភូមិស្រែសំរោង ឃុំស្រែសំបូរ ស្រុកសៀមប៉ាង ខេត្តស្ទឺងត្រែង ដោយបានដកហូតបានវត្ថុតាងថ្នាំញៀនប្រភេទមេតំហ្វេតាមីន ice ចំនួន២កញ្ចប់ធំ មានទម្ងន់សរុប២១២៥,៥ក្រាម។
ចែករំលែកព័តមាននេះ