ខេត្តមណ្ឌលគិរី ៖ មានការកត់សម្គាល់ថា សម្រាប់បន្លែធម្មជាតិឃើញត្រូវបានក្រុមបងប្អូនជាជនជាតិដើម ចំណាយពេលប្រមាណ៣ ទៅ៥ម៉ោង ដើរស្ពាយពីក្រោយយកទៅលក់នៅឯផ្សារ ក្នុងក្រុងសែនមនោរម្យជារៀងរាល់ថ្ងៃ ។
ពួកគាត់បានឱ្យកោះសន្តិភាពដឹងថា ពីភូមិរបស់គាត់រស់នៅមានចម្ងាយប្រមាណ៧គីឡូម៉ែត្រពីផ្សារ ដោយផ្ទះអ្នកខ្លះ មានចម្ងាយជាង១០គីឡូម៉ែត្រឯណោះ ហើយគាត់ត្រូវថ្មើរជើងតាំងពីម៉ោង៤ទៀបភ្លឺ រហូតដល់៧ ឬ៨ព្រឹក ទើបអាចយកបន្លែដូចជាដើមចេក ននោង ជី ត្រយូងចេក ស្លឹកត្តួញ (រៀងដូចប្រមោយដំរី) ត្រឡាច ខ្ទីម. . .។ល។
បន្លែទាំងនោះ គាត់អាចលក់បានប្រាក់ត្រឹម៥ពាន់ ទៅ១ម៉ឺនរៀល ដើម្បីចិញ្ចឹមគ្រួសាររបស់គាត់ ។ នៅពេលលក់បានប្រាក់ខ្លះហើយ គាត់បានទិញត្រលប់ទៅផ្ទះវិញដូចជាអំបិញ ឬប៊ីចេង សម្រាប់ទុកបរិភោគខ្លួនឯងវិញ ៕
ចែករំលែកព័តមាននេះ