ស្ត្រីម្នាក់លោតសម្លា.ប់ខ្លួនរបួសធ្ងន់បញ្ជូនទៅសង្គ្រោះពេទ្យថាគ្មានសង្ឃឹម
រាជធានីភ្នំពេញ ៖ ស្ត្រីម្នាក់ត្រូវក្រុមគ្រួសារអះអាងថា
រាជធានីភ្នំពេញ ៖ ស្ត្រីម្នាក់ត្រូវក្រុមគ្រួសារអះអាងថា មានជំងឺប្រចាំកាយបានលោតសម្លាប់ខ្លួនពីលើផ្ទះជាន់ទី១បណ្តាលឱ្យរងរបួសធ្ងន់ ហើយបញ្ជូនទៅសង្ក្រោះនៅមន្ទីពេទ្យសាកលវិទ្យាល័យអន្តរជាតិសែនសុខ ។ ហេតុការណ៍នេះបានកើតឡើងកាលពីម៉ោង១នឹង៣០នាទីរសៀលថ្ងៃទី២៨ ខែសីហា ឆ្នាំ២០១៧ នៅផ្ទះល្វែងសង់ថ្មី ផ្លូវបេតុង ភូមិរោងចក្រ១ សង្កាត់គោកឃ្លាង ខណ្ឌសែនសុខ ។ ស្ត្រីដែលគិតខ្លីឈ្មោះ ស.ច.ន អាយុ៤៦ឆ្នាំ ស្នាក់នៅភូមិខាងលើ ។
តាមប្រភពពីក្រុមគ្រួសារបានឱ្យដឹងថា ស្ត្រីរូបនោះមានជំងឺសរសៃប្រសាទជាយូរមកហើយ ដោយសារតែគិតច្រើនពេក ហើយនៅមុនពេលកើតហេតុស្ត្រីរូបនោះបានទៅជាន់ទី១ដើរទៅយ៉មុខផ្ទះដាក់គន្លឹះទ្វារពីក្រៅហើយដើរសសៀលទៅផ្ទះអ្នកជិតខាងក៏បានលោតទំលាក់ទៅក្រោមសម្លាប់ខ្លួនបង្កឱ្យមានការភ្ញាក់ផ្អើលឡើង ។ បន្ទាប់ពីលោត ស្ត្រីរូបនោះធ្លាក់ផ្កាប់មុខរបួសធ្ងន់ធ្ងរហើយត្រូវបានក្រុមគ្រួសារបញ្ជូនទៅសង្គ្រោះភ្លាមៗ ។
ក្រុមគ្រួសារបានឱ្យដឹងទៀតថា កន្លងមកដោយសារតែមានបញ្ហាខួរក្បាលស្ត្រីរូបនោះបានឡើងទៅលើដំបូលប្រុងលោតសម្លាប់ខ្លួនជាច្រើនលើកមកហើយតែមិនបានសម្រេច ។ តាមគ្រូពេទ្យឱ្យដឹងថា ស្ត្រីរូបនោះគ្មានសង្ឃឹមនោះទេ ៕
ចែករំលែកព័តមាននេះ