គ្មានអ្នកណាម្នាក់ដឹង ទាល់តែស្ត្រីអ្នកអនាម័យឃើញទើបផ្អើលឆោឡោ
រាជធានីភ្នំពេញ ៖ បុរសជាសន្តិសុខវ័យចំណាស់ម្នាក់របស់ក្រុមហ៊ុនឯកជនមួយត្រូវបានគេឃើញដេកស្លា.ប់
រាជធានីភ្នំពេញ ៖ បុរសជាសន្តិសុខវ័យចំណាស់ម្នាក់របស់ក្រុមហ៊ុនឯកជនមួយត្រូវបានគេឃើញដេកស្លាប់យ៉ាងអណោចអាធ័មនៅលើម៉ូតូរ៉ឺម៉កកង់បីមួយគ្រឿងដែលគេចតទុកចោលនៅខាងមុខផ្ទះមួយកន្លែងនៅក្នុងទីក្រុងកោះពេជ្រ ខណៈដែលស្ត្រីម្នាក់មកធ្វើការបោសសំអាតហើយមិនបានឃើញរូបគាត់ភ្ញាក់ពីដំណេកដូចសព្វមួយដងចូលទៅបើកមុងដាស់ទើបដឹងថា ស្លាប់បាត់ទៅហើយ ។ ហេតុការណ៍នេះដែរបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៧ព្រឹក ថ្ងៃទី២៨ ខែសីហា ឆ្នាំ២០១៧ នៅចំណុចមុខផ្ទះលេខ២៨ ផ្លូវបេតុង ស្ថិតនៅក្នុងទីក្រុងកោះពេជ្យ ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពភព័ត៌មានពីនគរបាលបានប្រាប់ឱ្យដឹងថា បុរសរងគ្រោះមានឈ្មោះ សាំង ញ៉ាញ់ អាយុ៦៧ឆ្នាំ មុខរបរសន្តិសុខរបស់ក្រុមហ៊ុនឯកជនមួយ បច្ចុប្បន្នស្នាក់នៅកន្លែងកើតហេតុខាងលើ និងមានស្រុកកំណើតនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ ។ មុនពេលកើតហេតុស្ត្រីអ្នកអនាម័យម្នាក់បានធ្វើការបោសសំអាតនៅបរិវេណជុំវិញក្បែរៗកន្លែងកើតហេតុខាងលើនោះ ដោយរាល់ថ្ងៃរូបគាត់មិនបានបុរសជាសន្តិសុខវ័យចំណាស់រងគ្រោះម្នាក់ខាងលើមិនបានភ្ញាក់ពីដំណេក និងបំពេញការងារដូចរាល់ដងដោយមានការងឿងឆ្ងល់រូបគាត់ក៏បានដើរទៅសំដៅទៅម៉ូតូរ៉ឺម៉កកង់បីដែលគាត់សំរាកជាប្រចាំរាល់ថ្ងៃ បើកមុងយកដៃទៅអង្រួនដាស់តែដាស់មិនព្រមក្រោក និងខ្លួនមានសភាពរឹងកំព្រឹសទៅហើយនោះទើបដឹងថា រូបគាត់បានស្លាប់បាត់ទៅហើយ និងរាយការប្រាប់កម្លាំងមានសម្ថកិច្ចមូលដ្ឋានឱ្យដឹងពីរឿងនេះ និងបង្កការភ្ញាក់ផ្អើលកើតឡើងទាំងព្រឹកតែម្តង ។
ក្រោយពេលកើតហេតុកម្លាំងមានសមត្ថកិច្ចមូលដ្ឋាន និងជំនាញក៏បានចុះមកដល់កន្លែងកើតហេតុដោយបានធ្វើការត្រួតពិនិត្យ និងកោសលវិច្ច័យទៅលើសាកសពរបស់បុរសជាសន្តិសុខវ័យចំណាស់រងគ្រោះខាងលើបានបញ្ជាក់ថា រូបគាត់បានស្លាប់បាត់បង់ជីវិតដោយសារតែជម្ងឺខ្យល់គទើបបានប្រគល់ទៅឱ្យក្រុមគ្រួសារធ្វើការបញ្ជូនយកទៅធ្វើបុណ្យទៅតាមប្រពៃណីនៅឯស្រុកកំណើតរបស់គាត់វិញ ៕
ចែករំលែកព័តមាននេះ