អ្នកប៉ះសេជម្រើសជាតិ ប៊ន ណារិទ្ធ ផ្ញើសារពិសេសទៅកាន់អ្នកលេងបាល់ទះក្រៅផ្លូវការ «ចា.ប់បោ.ក» (វីដេអូ)
- ភ្នំពេញ
រាជធានីភ្នំពេញ ៖ ក្រោយបញ្ចប់ការប្រកួតជាមួយបារាំង កាលពីពេលថ្មីៗកន្លងទៅនេះ កីឡាករជម្រើ
រាជធានីភ្នំពេញ ៖ ក្រោយបញ្ចប់ការប្រកួតជាមួយបារាំង កាលពីពេលថ្មីៗកន្លងទៅនេះ កីឡាករជម្រើ
រាជធានីភ្នំពេញ ៖ ក្រោយបញ្ចប់ការប្រកួតជាមួយបារាំង កាលពីពេលថ្មីៗកន្លងទៅនេះ កីឡាករជម្រើសជាតិកម្ពុជា ដែលដើរតួនាទីជាអ្នកប៉ះសេ លោក ប៊ន ណារិទ្ធ បានធ្វើការផ្ញើរសារពិសេសទៅកាន់អ្នកលេងបាល់ទះក្រៅផ្លូវការ «ចាប់បោក» ។ តាមរយ:បទសម្ភាសន៍ជាមួយសារព័ត៌មានកោះសន្តិភាព លោកបានធ្វើការសំណូមពរយ៉ាងដូច្នេះថា «ដាក់វីដេអូចូល»។
ជាការពិតណាស់ វិស័យបាល់ទះនៅប្រទេសកម្ពុជាយើងនាពេលបច្ចុប្បន្ននេះ មិនថាលេងក្នុងទម្រង់ផ្លូវការ ឬក្រៅផ្លូវការនោះទេ គឺថាទទួលបាននៅការគាំទ្រយ៉ាងខ្លាំងពីសំណាក់ប្រិយមិត្តអ្នកគាំទ្រទាំងក្នុងនិងក្រៅប្រទេស ។ ហើយបច្ចុប្បន្នការផ្សព្វផ្សាយ វិស័យបាល់ទះ នៅកម្ពុជាក៏កាន់តែមានការកើនឡើងច្រើននោះដែរ ដោយតាមរយ:ការឡាយផ្ទាល់ ការថតយកមកបង្ហោះបន្តនៅលើបណ្ដាញសង្គម TIK TOK & FACEBOOK ជាដើម ។
ប្រាកដណាស់ការផ្សព្វផ្សាយវិស័យបាល់ទះគឺវាជារឿងល្អខ្លាំងមែនទែន ពីព្រោះវាបានធ្វើឲ្យបងប្អូនប្រជាពលរដ្ឋខ្មែរយើងងាកមកគាំទ្រកីឡា និងបានធ្វើឲ្យបណ្ដាប្រទេសជិតខាងបានស្គាល់ពីវិស័យបាល់ទះស្ដង់ដារនៅកម្ពុជាកាន់តែច្រើនឡើង ។
ជាមួយគ្នានេះ ការផ្សព្វផ្សាយបាល់ទះលេងក្នុងទម្រង់ក្រៅផ្លូវការក៏មានច្រើនដូចគ្នា ហើយការផ្សព្វផ្សាយ គឺមានស្ទើរតែជារៀងរាល់ថ្ងៃ ពោលគឺមានជារៀងរាល់ថ្ងៃ ដែលខុសពីបាល់ទះស្ដង់ដា ឬជម្រើសជាតិ យូរៗទើបមានការប្រកួតម្ដង ។ បាល់ទះលេងក្នុងទម្រង់ក្រៅផ្លូវការ ទទួលបានការគាំទ្រខ្លាំងមែនទែន ពីសំណាក់អ្នកស្នេហាវិស័យកីឡា ដោយមានការចូលរួមទស្សនាដោយផ្ទាល់ នៅតារាងបាល់ និងតាមរយ:ការឡាយ ជាដើម ។
ទន្ទឹមនឹងទទួលបាននៅការគាំទ្រ ក៏មានមហាជន អ្នកស្នេហាវិស័យបាល់ទះនៅកម្ពុជាបានធ្វើការរិះគន់ និងបង្ហាញការប្រតិកម្មយ៉ាងខ្លាំងទៅលើអ្នកលេងបាល់ទះ ក្រៅផ្លូវការមួយចំនួន ដែលលេងក្នុងទម្រង់ចា.ប់បោ.កដៃ១ ដៃ២ និងប៉ះសេស្អិតៗ ដែលបានក្លាយទៅជាទម្លាប់ដ៏សែនអាក្រក់មើល ខណ:ទម្រង់លេងបែបនេះទើបតែកើតមានឡើងយ៉ាងកំហុក ក្នុងរយ:ពេលប្រហែល២-៣ឆ្នាំចុងក្រោយនេះប៉ុណ្ណោះ ដែលវាខុសពីទម្រង់បាល់ទះស្ដង់ដារ ។ បច្ចុប្បន្ននេះទៀតសោត ការផ្សព្វផ្សាយបាល់ទះក្រៅផ្លូវការ ដែលបង្ហាញពីការលេងក្នុងទម្រង់ចា.ប់បោ.កបាល់ដៃ ១ ដៃ ២ និងប៉ះសេចាប់បាល់ជាប់ៗ និងស្អិតយូរៗ គឺកើតមានជារៀងរាល់ថ្ងៃ។
ការលេងបាល់ទះក្រៅផ្លូវការក្នុងទម្រង់ដ៏អាក្រក់នេះ បានបង្ករផលប៉ះពាល់យ៉ាងធ្ងន់ធ្ងរដល់វិស័យបាល់ទះនៅប្រទេសកម្ពុជា ក៏ដូចជាធ្វើឲ្យខូតមុខមាត់ប្រទេសជាតិទាំងមូលផងដែរ ខណ:សល់ត្រឹមតែប៉ុន្មានខែទៀតប៉ុណ្ណោះកម្ពុជានិងធ្វើជាម្ចាស់ផ្ទះនៅស៊ីហ្គេមខាងមុខ ដោយមានការប្រកួតបាល់ទះជម្រើសជាតិកម្ពុជាផងដែរ ។ ក្រោយពីការផ្សព្វផ្សាយបាល់ទះ ក្រៅផ្លូវការ ដោយការលេងបាល់ទះចា.ប់បោ.ក ចាប់បោះដៃ១ ដៃ២ និងប៉ះសេស្អិតៗជាប់ៗនេះ កន្លងមកក៏ធ្លាប់ត្រូវបានបណ្ដាប្រទេសជិតខាងធ្វើការសើចចម្អកយ៉ាងខ្លាំងមកលើវិស័យបាល់ទះនៅកម្ពុជា ដែលប្រកានេះបានធ្វើឲ្យប៉ះពាល់យ៉ាងខ្លាំងដល់មុខមាត់ប្រទេសជាតិ ។
គួរបញ្ជាក់ផងដែរថា កន្លងមកមានកីឡាករអាជីពជាច្រើនរូប ក៏ធ្លាប់បានធ្វើការសំណូមពរទៅកាន់អ្នកលេងបាល់ទះក្រៅផ្លូវការ ឲ្យមានការផ្លាស់ប្ដូរទម្រង់ក្នុងការលេងបាល់ទះ ពីការលេងចាប់បោះ ចា.ប់បោ.កដៃ១ ដៃ២ មកលេងក្នុងទម្រង់មួយដែលអាចទទួលយកបាន ។ លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា ក៏ធ្លាប់បានផ្ដល់បទសម្ភាសន៍ជាមួយអ្នកសារព័ត៌មាន ដោយធ្វើការសំណូមពរទៅកាន់អ្នកលេងបាល់ទះក្រៅផ្លូវការ ឲ្យធ្វើការកែប្រែទម្រង់ក្នុងការលេងពីទម្លាប់អាក្រក់ចា.ប់បោ.កចាប់បោះ មកលេងក្នុងទម្រង់ល្អឡើងវិញផងដែរ ។
អគ្គលេខាធិការសហព័ន្ធកីឡាបាល់ទះកម្ពុជា បានបន្តថាប្រសិនបើអ្នកលេងបាល់ទះក្រៅផ្លូវការមិនព្រមកែទម្លាប់លេងអាក្រក់ចោលទេ ដល់ពេលច្បាប់អប់រំកាយ និង កីឡាចេញមក គឺនិងមានវិធានរដ្ឋបាលជាក់ជាមិនខាន ៕
ចែករំលែកព័តមាននេះ