កម្ពុជានឹងបើកការប្រណាំងម៉ូតូថ្នាក់ជាតិលើកដំបូង
រាជធានីភ្នំពេញ ៖ កាលពីល្ងាចថ្ងៃទី២៥ សីហានេះ សហព័ន្ធកីឡាយានយន្តកម្ពុជា និងទីលានប្រណាំងម៉ូតូ King Track Circuit បានប្រកាសឲ្យដឹងថា
រាជធានីភ្នំពេញ ៖ កាលពីល្ងាចថ្ងៃទី២៥ សីហានេះ សហព័ន្ធកីឡាយានយន្តកម្ពុជា និងទីលានប្រណាំងម៉ូតូ King Track Circuit បានប្រកាសឲ្យដឹងថា
រាជធានីភ្នំពេញ ៖ កាលពីល្ងាចថ្ងៃទី២៥ សីហានេះ សហព័ន្ធកីឡាយានយន្តកម្ពុជា និងទីលានប្រណាំងម៉ូតូ King Track Circuit បានប្រកាសឲ្យដឹងថា កម្ពុជានឹងបើកការប្រកួតប្រណាំងថ្នាក់ជាតិធំមួយពេញរយៈពេល២ថ្ងៃនៅថ្ងៃទី២៦ និង២៧ សីហា ដោយមានកីឡាករប្រណាំងម៉ូតូអាជីពៗរហូតដល់ជាង៦០រូបចូលរួមប្រកួត។ នេះជាការប្រកួតទ្រង់ទ្រាយធំ ដោយខាងសហព័ន្ធ និងអ្នករៀបចំការប្រកួត បានទាំងអះអាងថា ក្រោយបញ្ចប់ការប្រកួតគឺនឹងជ្រើសបានកីឡាករខ្លាំងៗសម្រាប់តំណាងឲ្យកម្ពុជាដើម្បីចេញទៅប្រកួតនៅក្រៅប្រទេសក្នុងពេលខាងមុខ បន្ទាប់ពីសហព័ន្ធយានយន្តកម្ពុជាទើបនឹងបានក្លាយជាសមាជិកកីឡាយានយន្តអន្តរជាតិនោះ។
ថ្លែងក្នុងវេទិកាសន្និសីទកាសែតកាលពីល្ងាចថ្ងៃទី២៥ សីហា នៅគណៈកម្មការជាតិអូឡាំពិកកម្ពុជា លោក គង់ ធារ៉ា អ្នករៀបចំព្រឹត្តិការណ៍ និងជាអ្នកគ្រប់គ្រងទីលានប្រណាំងម៉ូតូ King Track Circuit បានអះអាងថា នេះជាការប្រកួតលើកទី១ នៅលើទីលាន King Track ក្រោយការរៀបជាទីកន្លែងប្រណាំងម៉ូតូ រហូតដល់៦៦នាក់ និងបែងចែកជា៤ពូលផ្សេងគ្នាដែលមានន័យថាមួយពូលៗគឺប្រកួតក្នុងប្រភេទកម្លាំងម៉ូតូខុសៗគ្នា។ លោកថាការប្រកួតទាំងមូលនឹងចាប់ផ្ដើមតាំងពីម៉ោង៩ព្រឹក រហូតដល់ល្ងាច ពេញរយៈពេល២ថ្ងៃតែម្ដង គឺថ្ងៃទី២៦ និង២៧ សីហា ដើម្បីឲ្យកីឡាករទាំងអស់ធ្វើការដណ្ដើមពានជើងឯកគ្នា ដោយពានជើងឯកនេះមានការទទួលស្គាល់ដោយសហព័ន្ធកីឡាយានយន្តតែម្ដង ដែលមានន័យថា អ្នកឈ្នះគឺនឹងក្លាយជាជើងឯកកម្រិតថ្នាក់ជាតិសម្រាប់តំណាងឲ្យកម្ពុជាក្នុងព្រឹត្តិការណ៍ប្រណាំងម៉ូតូផ្សេងៗ។
លោកថា នេះជាការប្រកួតដែលមានកម្រិតទទួលស្គាល់ជាលក្ខណៈថ្នាក់ជាតិ ដោយមានទាំងគណៈកម្មការពីសហព័ន្ធយានយន្ត និងមានការទទួលស្គាល់ទាំងស្រុងនូវការប្រកួតប្រជែង ដោយមិនមែនគ្រាន់តែជាការប្រកួតមិត្តភាពដូចដែលទីលាន King Track Circuit ធ្លាប់បានធ្វើលើកមុននោះទេ។ ក្នុងពេលដ៏ខ្លីទីលានប្រណាំងម៉ូតូមួយនេះ ក៏នឹងត្រូវពង្រីកខ្លួនឲ្យក្លាយជាទីលានប្រណាំងម៉ូតូកម្រិតអន្តរជាតិ ដើម្បីអញ្ជើញកីឡាករប្រណាំងម៉ូតូអន្តរជាតិឲ្យចូលរួមប្រកួតផងដែរ។ លោកថា ក្នុងចំណោមកីឡាករ៦៦រូបដែលត្រូវប្រកួតពេញរយៈពេល២ថ្ងៃនៅលើទីលាន King Track ដែលស្ថិតនៅជិតមណ្ឌលឱកាសខ្ញុំ សង្កាត់ឃ្មួញ ក្នុងខណ្ឌសែនសុខនោះ នឹងទទួលបានពានជើងឯក និងមេដាយមាស សម្រាប់លេខ១ក្នុងពូលនីមួយៗអមដោយទឹកប្រាក់ក្នុងម្នាក់១ពាន់ដុល្លារ។ ក្នុងនោះអ្នកទទួលបានលេខ២ និងលេខ៣ ក៏ទទួលបានមេដាយប្រាក់ និងសំរិទ្ធិផងដែរ។
លោក ខៃ វណ្ណៈ អគ្គលេខាធិការសហព័ន្ធកីឡាយានយន្តកម្ពុជាបានអះអាងថា នេះជាព្រឹត្តិការណ៍ប្រណាំងម៉ូតូធំមួយនៅក្នុងប្រទេសកម្ពុជា ដើម្បីស្វែងរកជើងខ្លាំងជាជើងឯកផ្នែកប្រណាំងម៉ូតូ ក្រោយពីកម្ពុជាត្រូវបានស្ថាបនាជាទីលានប្រណាំងម៉ូតូឈ្មោះ King Track Circuit នៅខ័ណ្ឌសែនសុខ។ លោកថាក្រោយការប្រកួតនេះ កីឡាករផ្នែកប្រណាំងម៉ូតូនឹងមានការទទួលស្គាល់កម្រិតជាតិសម្រាប់អ្នកឈ្នះ ហើយមិនភ័យរឿងខ្វះទីលានហ្វឹកហាត់ទៀតទេ ក្នុងពេលដែលទីលានមួយនេះក៏នឹងត្រូវស្ថាបនាឲ្យធំហើយបំពាក់ការប្រណាំងម៉ូតូឲ្យត្រូវស្ដង់ដា ដើម្បីលើកកម្ពស់វិស័យប្រណាំងម៉ូតូនៅកម្ពុជាឲ្យបានស្មើមុខស្មើមាត់នឹងប្រទេសជិតខាង៕
ចែករំលែកព័តមាននេះ