កប់ណាស់ ! ខ្សែក្រវ៉ាត់ការប្រកួតរវាង Floyd និង McGregor ដាំពេជ្រជាង3ពាន់គ្រាប់ឯណោះ
តាមប្រភពព័ត៌មាន Telegraph បានឲ្យដឹងថា ស្ថាប័នប្រដាល់សកលពិភពលោក WBC
តាមប្រភពព័ត៌មាន Telegraph បានឲ្យដឹងថា ស្ថាប័នប្រដាល់សកលពិភពលោក WBC បានបង្កើតខ្សែក្រវ៉ាត់ពិសេសដែលមានឈ្មោះថា «Money Belt» ឬ «ខ្សែក្រវ៉ាត់លុយ» នៅមុនពេលការប្រកួតរវាងជើងខ្លាំងប្រដាល់មិនដែលចាញ់ Floyd Mayweather និងកីឡាករប្រដាល់ក្នុងទ្រុង Conor McGregor ឈានចូលមកដល់ក្នុងទឹកដី Las Vegas ។
ចំពោះការប្រកួតនាពេលខាងមុខឆាប់ៗនេះវានឹងក្លាយជាការប្រកួតប្រដាល់សកលលើកទីមួយសម្រាប់ McGregor ដែលធ្វើឲ្យគ្រប់គ្នាជឿថា Floyd នឹងអាចឈ្នះក្នុងការប្រកួត ហើយអាចយកខ្សែក្រវ៉ាត់លុយធ្វើជាខ្សែក្រវ៉ាត់ជ័យជម្នះទី១៦របស់ខ្លួន ។
ខ្សែក្រវ៉ាត់សម្រាប់អ្នកឈ្នះនៅថ្ងៃសៅរ៍ខាងមុខនេះមានដាំពេជ្រចំនួន៣៣៦០គ្រាប់ ត្បូងកណ្តៀង៦០០គ្រាប់ ត្បូងមរកត៣០០គ្រាប់ និងមាសរឹង១គីឡូកន្លះ ។ ចំពោះខ្សែរបស់វាវិញគឺធ្វើឡើងពីស្បែកសត្វក្រពើមកពីអ៊ីតាលី ។ គួរបញ្ជាក់ផងដែរថា ការប្រកួតរវាងជើងខ្លាំងទាំង២ខាងលើនឹងត្រូវធ្វើឡើងនៅថ្ងៃទី២៦ ខែសីហា ឆ្នាំ២០១៧ ខាងមុខនេះដោយត្រូវវាយដណ្តើមខ្សែក្រវ៉ាត់លុយដ៏មានតម្លៃនេះ ៕
ចែករំលែកព័តមាននេះ