ដាក់កម្លាំងត្រួតពិនិត្យអាវុធជាតិផ្ទុះ រកឃើញ៧នាក់
រាជធានីភ្នំពេញ ៖ កាលពីវេលាម៉ោង១៩និង០០នាទីយប់ ថ្ងៃទី២៣ ខែសីហា ឆ្នាំ២០១៧ គណៈបញ្ជាការឯកភាពខណ្ឌមានជ័យ មានកម្លាំងនគរបាល
រាជធានីភ្នំពេញ ៖ កាលពីវេលាម៉ោង១៩និង០០នាទីយប់ ថ្ងៃទី២៣ ខែសីហា ឆ្នាំ២០១៧ គណៈបញ្ជាការឯកភាពខណ្ឌមានជ័យ មានកម្លាំងនគរបាល
រាជធានីភ្នំពេញ ៖ កាលពីវេលាម៉ោង១៩និង០០នាទីយប់ ថ្ងៃទី២៣ ខែសីហា ឆ្នាំ២០១៧ គណៈបញ្ជាការឯកភាពខណ្ឌមានជ័យ មានកម្លាំងនគរបាល អាវុធហត្ថ និងកម្លាំងប្រជាការពារ ដឹកនាំដោយលោក ឌី រ័ត្នខេមរុណ អភិបាលរងខណ្ឌ បានដាក់គោលដៅត្រួតពិនិត្យអាវុធជាតិផ្ទុះ និងអនុវត្តច្បាប់ចរាចរណ៍ផ្លូវគោក ចំពោះយានយន្ត ឬយានជំនិះគ្រប់ប្រភេទ ដែលល្មើសច្បាប់ នៅតាមបណ្តោយផ្លូវ២៧១ ស្ថិតក្នុងភូមិអំពិល សង្កាត់ចាក់អង្រែលើ ខណ្ឌមានជ័យ ។
លោកវរសេនីយ៍ ហួរ ម៉េងវ៉ាង អធិការរងនគរបាលខណ្ឌ ទទួលផែនយុត្តិធម៌ បញ្ជាក់ឲ្យដឹងថា ៖ គោលដៅធំរបស់កម្លាំងសមត្ថកិច្ចក្នុងការដាក់គោលដៅត្រួតពិនិត្យនៅពេលនេះ គឺការពិនិត្យមើលលើអាវុធដែលខុសច្បាប់ ឬប្រើប្រាស់ក្នុងគោលដៅប្រព្រឹត្តិបទល្មើសអ្វីមួយ ពិសេសជនសង្ស័យមួយចំនួនពាក់ព័ន្ធនឹងអំពើផ្សេងៗ ដែលផ្ទុយនឹងច្បាប់ ដូចជាមុខសញ្ញា លួច ឆក់ ចោរគាស់ផ្ទះជាដើម ។
បន្ថែមពីនោះ កម្លាំង ក៏បានត្រួតពិនិត្យ លើការបើកបរល្មើសច្បាប់ ពីសំណាក់យានយន្តយានជំនិះ ក៏ដូចជាការមិនបានបំពាក់នូវឧបករណ៍ត្រឹមត្រូវមួយចំនួនផងដែរ ដោយក្នុងនោះកម្លាំងជំនាញមិនបានធ្វើការផាកពិន័យអ្វីលើពួកគាត់ឡើយ គ្រាន់តែធ្វើការអប់រំណែនាំ ឲ្យពួកគាត់ចូលរួមគោរពច្បាប់ចរាចរណ៍ ឲ្យបានខ្ជាប់ខ្ជួន ជៀសវៀងការធ្វើអ្វីផ្ទុយពីច្បាប់ ។
សូមបញ្ជាក់ថា ៖ ជាលទ្ធផល នៃការត្រួតពិនិត្យ សមត្ថកិច្ចបានធ្វើការឃាត់ខ្លួនជនសង្ស័យ៧នាក់ ក្នុងនោះ២នាក់ពាក់ព័ន្ធនឹងគ្រឿងញៀន និង៥នាក់ទៀត សង្ស័យពាក់ព័ន្ធអំពើចោរកម្ម ព្រោះឆែកឆេរមានឧបករណ៍ពាក់ព័ន្ធមួយចំនួន ។ ការឃាត់ខ្លួនពួកគេធ្វើឡើង អំឡុងពេលពួកគេជិះម៉ូតូឆ្លងកាត់គោលដៅត្រួតពិនិត្យខាងលើ ដោយដកហូតបានម៉ូតូសរុប៣គ្រឿង ៕
ចែករំលែកព័តមាននេះ