នៅរសៀលនេះតុលាការកាត់ក្តីសំណុំរឿងលោក សួន សេរីរដ្ឋា
រាជធានីភ្នំពេញ ៖ នៅរសៀលថ្ងៃទី២៤ ខែសីហា ឆ្នាំ២០១៧ នេះសាលាដំបូងរាជធានីភ្នំពេញ
រាជធានីភ្នំពេញ ៖ នៅរសៀលថ្ងៃទី២៤ ខែសីហា ឆ្នាំ២០១៧ នេះសាលាដំបូងរាជធានីភ្នំពេញ
រាជធានីភ្នំពេញ ៖ នៅរសៀលថ្ងៃទី២៤ ខែសីហា ឆ្នាំ២០១៧ នេះសាលាដំបូងរាជធានីភ្នំពេញបានបើកសវនាការលើសំណុំរឿងលោក សួន សេរីរដ្ឋា ប្រធានគណបក្សអំណាចខ្មែរ មកបើកសវនាការជំនុំជម្រះទោសបន្តពីថ្ងៃមុន ។ គួររំលឹកថា លោក សួន សេរីរដ្ឋា ប្រធានគណបក្សអំណាចខ្មែរ កាលពីវេលាម៉ោង១រសៀលថ្ងៃទី១៤ ខែសីហា ឆ្នាំ២០១៧ ត្រូវបានសមត្ថកិច្ចនគរបាលការិយាល័យព្រហ្មទណ្ឌរាជធានីភ្នំពេញបញ្ជូនទៅតុលាការដើម្បីធ្វើការសាកសួរ និងចោទប្រកាន់ជាផ្លូវការទុកពេលឲ្យចៅក្រមសម្រេចឃុំខ្លួនដាក់ពន្ធនាគារជាបណ្តោះអាសន្ន ។
លោក សួន សេរីរដ្ឋា ត្រូវបានសមត្ថកិច្ចកសាងសំណុំរឿងចោទប្រកាន់ចំនួនបីបទល្មើស ទី១-បទ «ញុះញង់កុំឲ្យយោធិនស្តាប់បង្គាប់» តាមមាត្រា៤៧១ នៃក្រមព្រហ្មទណ្ឌ, ទី២-បទ «ធ្វើឲ្យខូចទឹកចិត្តកងទ័ព» តាមមាត្រា៤៧២ នៃក្រមព្រហ្មទណ្ឌ និងទី៣-បទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍» តាមមាត្រា៤៩៤ និងមាត្រា៤៩៥ នៃក្រមព្រហ្មទណ្ឌ ។
សូមរំឮកថា កាលពីរសៀលថ្ងៃទី១៣ ខែសីហា ឆ្នាំ២០១៧ ជាមួយនឹងការឃាត់ខ្លួនលោក សួន សេរីរដ្ឋា ប្រធានគណបក្សអំណាចខ្មែរក៏មានមនុស្ស៣នាក់ត្រូវបានសមត្ថកិច្ចឃាត់ខ្លួនពាក់ព័ន្ធនឹងខ្លឹមសារបង្ហោះតាមបណ្តាយសង្គមហ្វេសប៊ុកជាការប្រមាថ មើលងាយធ្វើឲ្យប៉ះពាល់ដល់កិត្តិយសថ្នាក់ដឹកនាំប្រទេសជាតិ ពិសេសស្ថាប័នកងខេមរៈភូមិន្ទទាំងមូលនូវព្រឹត្តការប្រឈមមុខដាក់គ្នារវាងកងទ័ពកម្ពុជា-ឡាវនៅព្រំដែនខេត្តស្ទឹងត្រែង ។ ប្រភពឲ្យដឹងថាមនុស្ស៤នាក់នោះមានលោក សួន សេរីរដ្ឋា ប្រធានគណបក្សអំណាចខ្មែរ ជំនួញការម្នាក់ជាអ្នកជំនាញកុំព្យួរទ័រ អង្គរក្សម្នាក់ និងអ្នកបើកបររថយន្តម្នាក់ ៕
ចែករំលែកព័តមាននេះ