មាស សុខសោភា ទទួលបានការសរសើរពីអ្នកគាំទ្រចំពោះសំណូមពររបស់នាង
រាជធានីភ្នំពេញ ៖ ក្នុងវេទិកាជាតិលើកទី២ស្តីពី «ការការពារ និងអភិរក្សធនធានធម្មជាតិ» កាលពីថ្ងៃទី២២ សីហា ២០១៧ នៅវិមានសន្តិភាព
រាជធានីភ្នំពេញ ៖ ក្នុងវេទិកាជាតិលើកទី២ស្តីពី «ការការពារ និងអភិរក្សធនធានធម្មជាតិ» កាលពីថ្ងៃទី២២ សីហា ២០១៧ នៅវិមានសន្តិភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានផ្តល់ឱកាសឱ្យលោកព្រាប សុវត្ថិ និងនាងមាស សុខសោភា ឡើងបញ្ចេញយោបល់ ។
នាង មាស សុខសោភា បានសំណូមពរចំពោះប្រមុខរដ្ឋាភិបាលត្រូវចិត្តមហាជន ។ មាស សុខសោភា បានលើកបីចំណុចនាឱកាសនោះ គឺស្នើសម្តេចបង្កើតឧទ្យាននៅរាជធានីភ្នំពេញឱ្យបានច្រើន ។ ស្នើសុំមហាជនកុំហូបសត្វព្រៃ ឬពាក់ព័ន្ធសត្វព្រៃ ។ ពិសេសនាងស្នើសុំអភិរក្សបឹងតាមោក ដែលស្ថិតនៅខណ្ឌព្រែកព្នៅ រាជធានីភ្នំពេញ ។ ក្រោយពេលមាស សុខសោភា បង្ហោះការលើកឡើងនោះតាមហ្វេសប៊ុកមក អ្នកគាំទ្ររបស់នាងពេញចិត្ត និងខ្លះសរសើរថា នាងពិតជាក្លាហាន ។ សំណូមពររបស់នាងគឺជាក្តីបារម្ភយូរមកហើយរបស់ប្រជាជន ពិសេសបញ្ហាបឹងតាមោក ។
មហាជនបានស្នើឱ្យសម្តេចតេជោចាត់វិធានការបន្ថែមទៀតចំបញ្ហាចោរឆក់ ចោរប្លន់ និងគ្រឿងញៀន ។
អ្នកនាងមាស សុខសោភា ធ្លាប់ចូលរួមបំបួសកូនឈើ និងដាំដើមឈើជាច្រើនដើមនៅខេត្តកំពង់ស្ពឺ តំបន់ភ្នំឱរ៉ាល់ ។ នាងបានចូលរួមការពារព្រៃឈើ និងបរិស្ថាន ធ្វើឱ្យមហាជនចាប់អារម្មណ៍ និងមើលឃើញពីទឹកចិត្តដ៏ល្អរបស់នាង ៕
ចែករំលែកព័តមាននេះ