រថយន្តក្រុងបើកលឿនដូចហោះបុករថយន្ត២គ្រឿង
រាជធានីភ្នំពេញ ៖ រថយន្តក្រុងបានបើកក្នុងល្បឿនលឿនជ្រុលទៅបុករថយន្តពីរគ្រឿង បន្តកន្ទុយគ្នា ពីក្រោយពេញទំហឹង បណ្តាលឲ្យរងការខូចខាតរថយន្ត
រាជធានីភ្នំពេញ ៖ រថយន្តក្រុងបានបើកក្នុងល្បឿនលឿនជ្រុលទៅបុករថយន្តពីរគ្រឿង បន្តកន្ទុយគ្នា ពីក្រោយពេញទំហឹង បណ្តាលឲ្យរងការខូចខាតរថយន្ត
រាជធានីភ្នំពេញ ៖ រថយន្តក្រុងបានបើកក្នុងល្បឿនលឿនជ្រុលទៅបុករថយន្តពីរគ្រឿង បន្តកន្ទុយគ្នា ពីក្រោយពេញទំហឹង បណ្តាលឲ្យរងការខូចខាតរថយន្ត តែសំណាងល្អមិនមានគ្រោះថ្នាក់ដល់មនុស្ស ហេតុការណ៍នេះបានកើតឡើងនៅវេលាម៉ោង០៦ល្ងាច ថ្ងៃទី២៣ ខែសីហា ឆ្នាំ២០១៧ ទុលមុខនឹងវត្តវាលស្បូវ ផ្លូវជាតិលេខ១ ភូមិព្រែកតាអុក សង្កាត់វាលស្បូវ ខណ្ឌច្បារអំពៅ ។
តាមប្រភពព័ត៌មានពីកន្លែងកើតហេតុ បានឲ្យដឹងថា ៖ មុនពេលកើតហេតុ គេបានឃើញរថយន្តប្រភេទកូរ៉េ មួយតោនកន្លះ មិនចាំស្លាកលេខ និងមួយគ្រឿងទៀតម៉ាក 4RUNNER ពណ៌ទឹកប៊ិចលាយទឹកប្រាក់ ពាក់ស្លាកលេខ ភ្នំពេញ ២D-៣៧៧២ ជិះគ្នា៤នាក់ ប្រុសទាំងអស់ បានធ្វើដំណើរតាមផ្លូវជាតិលេខ១ ក្នុងទិសដៅពីកើតទៅលិច ដោយរថយន្តកូរ៉េ បើកពីមុខ ចំណែករថយន្ត 4RUNNER ជាអ្នកបើកពីក្រោយ ខណៈដែលរថយន្តទាំង២គ្រឿង បានបើកមកដល់ចំណុចកើតហេតុ ក៏ស្រាប់តែមានរថយន្តក្រុងពណ៌ក្រហមលាយពណ៌ស ពាក់ស្លាកលេខ ភ្នំពេញ ៣A-៣៤៤៧ មានដឹកអ្នកដំណើរពេញមួយរថយន្ត បានធ្វើដំណើរតាមផ្លូវជាតិលេខ១ ក្នុងទិសដៅស្របគ្នា ពីកើតទៅលិច ក្នុងល្បឿនលឿនដូចហោះ ព្រមទាំងខ្វះការប្រុងប្រយ័ត្នផង បានជ្រុលទៅបុកនឹងរថយន្តម៉ាក 4RUNNER ពីក្រោយពេញទំហឹង បណ្តាលឲ្យរថយន្ត 4RUNNER កំពឹតគូថក្រោយ និងបែកកញ្ចក់ខាងក្រោយ ឬឯរថយន្ត4RUNNER បានជ្រុលទៅបុកនឹងរថយន្តកូរ៉េ ពីក្រោយបន្ថែមទៀត បណ្តាលឲ្យរថយន្តកូរ៉េរងការខូចខាតខ្ទេចផ្នែកខាងក្រោយបន្តិចបន្តួច ដោយឡែកខាងរថយន្តក្រុងវិញរងការខូចខាត កំពឹតផ្នែកខាងមុខបន្តិចបន្តួច ។
ក្នុងហេតុការណ៍នេះដែរ មិនបណ្ដាលឲ្យមានគ្រោះថ្នាក់ដល់មនុស្សនោះទេ ។ ភ្លាមៗនោះដែរ ភាគីរថយន្តទាំងបីគ្រឿង បានធ្វើការសម្របសម្រួលគ្នា ដោយរថយន្តកូរ៉េ មិនបានទាមទារសំណងនោះទេ គឺសុំយករួចខ្លួន ហើយបានបើករថយន្តបន្តដំណើរទៅមុខបន្តទៀតទៅ ដោយនៅតែរថយន្តពីរគ្រឿងនៅចរចារគ្នា ដោយខាងរថយន្ត 4RUNNER បានទារសំណងពីខាងរថយន្តក្រុងចំនួន៣,០០០ដុល្លារ តែពេលនោះខាងរថយន្តក្រុងបានឲ្យចំនួន២,៥០០ដុល្លារ តែខាងរថយន្ត 4RUNNER| អត់ព្រម ។
ក្រោយពេលកើតហេតុ ការចរចារគ្នាអស់រយៈពេលជិត៣ម៉ោង នៅតែអត់ត្រូវគ្នា ទាល់តែសមត្ថកិច្ចជំនាញ់បានទៅ ហើយបានឲ្យភាគីរថយន្តទាំងពីគ្រឿងចរចារគ្នាម្តងទៀត ទើបខាងរថយន្តក្រុងសុំសងសំណងទៅខាងរថយន្ត 4RUNNER ចំនួន២,៦០០ដុល្លារ ដើម្បីបញ្ចប់រឿង ៕
ចែករំលែកព័តមាននេះ