រើបង្គោលស្តុបចាស់ចេញ ដាក់ឲ្យដំណើរការភ្លើងស្តុបថ្មី
រាជធានីភ្នំពេញ ៖ គិតត្រឹមថ្ងៃទី២៣ ខែកក្កដា ឆ្នាំ២០១៧នេះ មន្ទីរសាធារណៈការ និងដឹកជញ្ជូនរាជធានីភ្នំពេញ បាន
រាជធានីភ្នំពេញ ៖ គិតត្រឹមថ្ងៃទី២៣ ខែកក្កដា ឆ្នាំ២០១៧នេះ មន្ទីរសាធារណៈការ និងដឹកជញ្ជូនរាជធានីភ្នំពេញ បាន និងកំពុងរើបង្គោលស្តុបចាស់ចេញ ខណៈដែលការដាក់ឲ្យដំណើរការភ្លើងស្តុបថ្មី ចំនួន១០០ទីតាំង ត្រូវបានដាក់ឲ្យដំណើរការជាបន្តបន្ទាប់នោះ។ មន្ត្រីរដ្ឋបាលរាជធានីភ្នំពេញបានឲ្យដឹងថា មកដល់ថ្ងៃទី២៣ ខែកក្កដា ឆ្នាំ២០១៧នេះ មន្ទីរសាធារណៈការ និងដឹកជញ្ជូនរាជធានីភ្នំពេញ បាន និងកំពុងរើបង្គោលស្តុបចាស់ចេញ បានចំនួន៤២ទីតាំង លើចំនួន៤៦ទីតាំង ដែលបានដាក់ឲ្យដំណើរការភ្លើងស្តុបថ្មី។ មន្ត្រីដដែលបន្តថា ក្នុងផែនការឆ្នាំ២០១៧ រដ្ឋបាលរាជធានីភ្នំពេញ នឹងប្រើប្រាស់បង្គោលភ្លើងស្តុបទាំងនេះទៅដំឡើងនៅខណ្ឌជាយក្រុងចំនួន៤៣ទីតាំងផងដែរ។
លោក សាំ ពិសិដ្ឋ ប្រធានមន្ទីរសាធារណៈការ និងដឹកជញ្ជូនរាជធានីភ្នំពេញ ធ្លាប់បានឲ្យដឹងហើយថា ការដាក់ឲ្យភ្លើងស្តុបជាបន្តបន្ទាប់នេះ ដោយសារខាងមន្ទីរ ត្រូវលាបគំនូសថ្មី លុបគំនូសចាស់ រើ និងរៀបបេតុងទ្រូងផ្លូវថ្មី និងទីតាំងខ្លះ ត្រូវតខ្សែភ្ជាប់ចរន្ត រួមនឹងការរើស្តុបចាស់ផងដែរ។ ទន្ទឹមជាមួយការដាក់ឲ្យដំណើរការភ្លើងស្តុបប្រភេទថ្មីនេះ មន្ទីរសាធារណៈការ និងដឹកជញ្ជូនរាជធានីភ្នំពេញ ក៏គ្រោងផលិតស្ពតជាវីឌីអូ ដើម្បីពន្យល់ពីរបៀបប្រើប្រាស់ ស្តុបថ្មីនាពេលខាងមុខ ដោយសារភ្លើងស្តុបថ្មីនេះ ទំនើបមានលក្ខណៈពិសេសខុសប្លែកពីភ្លើងស្តុបចាស់ ។
គួរបញ្ជាក់ផងដែរថា ប្រទេសជប៉ុន តាមរយៈអង្គការ JICA បានជួយជំនួយបង្គោលភ្លើងស្តុបថ្មី ដំបូងចំនួន១០០ ដើម្បីដំឡើងក្នុងរាជធានីភ្នំពេញ ហើយបង្គោលភ្លើងស្តុបចាស់ៗ ដែលត្រូវបានដកចេញពីកន្លែងចាស់នោះ នឹងយកទៅដំឡើងនៅតំបន់ក្រៅរាជធានីវិញ មានចំនួន៤៣កន្លែងផ្សេងទៀត៕
ចែករំលែកព័តមាននេះ