លោកត្រាំ ថា កូរ៉េខាងជើង…
ប្រធានាធិបតីអាមេរិក លោកដូណាល់ ត្រាំ បានកែប្រយោគសង្គ្រាមប៉ាកា ដែលគំរាមលោកគីម ជុងអ៊ុន ពី (ភ្លើង) និង (កំហឹង) ដោយអះអាងថា
ប្រធានាធិបតីអាមេរិក លោកដូណាល់ ត្រាំ បានកែប្រយោគសង្គ្រាមប៉ាកា ដែលគំរាមលោកគីម ជុងអ៊ុន ពី (ភ្លើង) និង (កំហឹង) ដោយអះអាងថា
សហរដ្ឋអាមេរិក-ប្រទេសកូរ៉េខាងជើង ៖ នៅមុខពួកអ្នកគាំទ្រ ប្រធានាធិបតីអាមេរិក លោកដូណាល់ ត្រាំ បានកែប្រយោគសង្គ្រាមប៉ាកា ដែលគំរាមលោកគីម ជុងអ៊ុន ពី «ភ្លើង» និង «កំហឹង» ដោយអះអាងថា កំពុងតែស្ថិតលើផ្លូវបំបាក់សត្រូវកូរ៉េខាងជើងហើយ ។
ក្នុងអង្គមីទ្ទីងមួយកាលពីថ្ងៃទី២២ សីហា នៅទីក្រុង PHOENEX រដ្ឋអារីហ្សូណា លោកដូណាល់ ត្រាំ បានឆ្លៀតឱកាសដាក់ផ្លែផ្កាថ្មីដល់លោកគីម ជុងអ៊ុន ។ លោកអះអាងថា វោហាសាស្ត្រ ខ្លាំងៗរបស់លោកចំពោះកូរ៉េខាងជើងផ្តល់ផ្លែផ្កា និងថា សមភាគីកូរ៉េខាងជើងចាប់ផ្តើមគោរពសហរដ្ឋអាមេរិកហើយ ។
លោកត្រាំ នៅមុខអ្នកគាំទ្រជាច្រើនពាន់នាក់អះអាងថា មនុស្សមួយចំនួននិយាយថា ខ្ញុំដូចជាប្រើសម្តីខ្លាំងពេកហើយគឺចង់សំដៅលើពាក្យគំរាមកំហែងរបស់លោកពី «ភ្លើង» និង «កំហឹង» ចំពោះក្រុងព្យុងយ៉ាង ។ ទោះបីយ៉ាងណា តាមការជឿរបស់ខ្ញុំលោកគីម ជុងអ៊ុន ចាប់ផ្តើមគោរពយើងហើយ ។
វាក៏ប្រហែលមិនអាចដែរ តែអាចមានអ្វីជាវិជ្ជមាន ។
ទន្ទឹមពាក្យពេចន៍របស់លោកត្រាំ ទាំងនេះរដ្ឋមន្ត្រីការបរទេសរបស់លោក គឺលោក REX TILLERSON មុននេះក្នុងថ្ងៃជាមួយគ្នាបានសរសើរ «កម្រិតអត់ធ្មត់» របស់ក្រុងព្យុងយ៉ាងចាប់តាំងពីការដាក់ទណ្ឌកម្មសេដ្ឋកិច្ចធ្ងន់ធ្ងរបំផុតរបស់ អ.ស.ប មក ។ ក្នុងសន្និសីទសារព័ត៌មានមួយ លោកសម្តែងក្តីសង្ឃឹមថា អវត្តមាននៃការបាញ់សាកមីស៊ីល ឬការសាកល្បងគ្រាប់បែកនុយក្លេអ៊ែរ បង្ហាញពីឆន្ទៈរបស់ក្រុងព្យុងយ៉ាងចង់ចាប់ផ្តើមការចរចាដោយផ្ទាល់ជាមួយក្រុងវ៉ាស៊ីនតោនក្នុងពេលណាមួយខាងមុខឆាប់ៗ ។
នៅឯក្រសួងការបរទេសអាេមរិក លោក TILLERSON ថ្លែងថា ខ្ញុំកត់សម្គាល់ឃើញបែបនេះហើយខ្ញុំចង់បញ្ជាក់វា ។ ខ្ញុំរីករាយដែលឃើញរបបក្រុងព្យុងយ៉ាងបង្ហាញកម្រិតមួយចំនួននៃការអត់ធ្មត់ ដែលយើងពុំធ្លាប់ឃើញសោះកាលពីមុនមក ។ យើងសង្ឃឹមថា នេះជាការចាប់ផ្តើមនៃសញ្ញាដែលបង្ហាញយើងថាកូរ៉េខាងជើងត្រៀមកាត់បន្ថយកម្រិតនៃភាពតានតឹង ត្រៀមទប់រាល់អំពើបង្កហេតុរួចយើងអាចមើលឃើញក្នុងពេលខាងមុខឆាប់ៗ នូវផ្លូវមួយឆ្ពោះទៅរកការចរចា ។
រដ្ឋមន្ត្រីការបរទេសអាមេរិកអះអាងទៀតថា នៅមានលទ្ធភាពនៃការចរចាប្រសិនបើកូរ៉េខាងជើងបញ្ឈប់ក្នុងគ្រាដំបូងការសាកល្បងមីស៊ីល និងការបង្កហេតុឯទៀតៗ ។
ទោះបីយ៉ាងណា ការនិយាយពីការអត់ធ្មត់របស់កូរ៉េខាងជើងនេះហាក់ពុំត្រូវឡើយ ព្រោះមេដឹកនាំកូរ៉េខាងជើងបានចេញបញ្ជាឱ្យផលិតម៉ូទ័រកាំជ្រួច និងក្បាលគ្រាប់មីស៊ីលបាលីស្ទិករំលងទ្វីប ICBM បន្ថែមទៀត ។
ទីភ្នាក់ងារព័ត៌មានកូរ៉េខាងជើង KCNA រាយការណ៍នាថ្ងៃទី២៣ សីហា ថា លោកគីម ជុងអ៊ុន បានចុះទៅពិនិត្យវិទ្យាស្ថានសម្ភារគីមីនៃបណ្ឌិតសភាវិទ្យាសាស្ត្រការពារដែលផលិតបណ្តាមីស៊ីលកូរ៉េខាងជើង ។ លោកបញ្ជាឱ្យវិទ្យាស្ថាននេះផលិតថែមទៀតម៉ូទ័រកាំជ្រួចប្រើប្រេងឥន្ធនៈរឹង ព្រមទាំងក្បាលកាំជ្រួច ។
រួចនាថ្ងៃទី២២ សីហា ក្នុងសន្និសីទស្តីពីការរំសាយគ្រឿងសព្វាវុធនៅក្រុងហ្សឺណែវប្រមុខគណៈប្រតិភូក្រុងព្យុងយ៉ាងអះអាងថា ប្រទេសរបស់គេនឹងពុំចរចាដាច់ខាតស្តីពីអាវុធនុយក្លេអ៊ែររបស់ខ្លួនតែដោយអះអាងថា ផ្លូវនៃការចរចានៅតែជាលទ្ធភាពមួយ ៕
ចែករំលែកព័តមាននេះ