ធ្វើដូចម្តេចដឹងថា មានជំងឺធ្លាក់ទឹកចិត្ត
ជំងឺធ្លាក់ទឹកចិត្តមានលក្ខណៈស្តែងឡើង ដោយអារម្មណ៍ក្រៀមក្រំចិត្តជាប់ជាប្រចាំ និងបាត់បង់ចំណាប់អារម្មណ៍ក្នុងស្ថានភាព ផ្សេងៗដែលធ្លាប់តែចូលចិត្តពីមុន ហើយវារួមមានទាំងការ
ជំងឺធ្លាក់ទឹកចិត្តមានលក្ខណៈស្តែងឡើង ដោយអារម្មណ៍ក្រៀមក្រំចិត្តជាប់ជាប្រចាំ និងបាត់បង់ចំណាប់អារម្មណ៍ក្នុងស្ថានភាព ផ្សេងៗដែលធ្លាប់តែចូលចិត្តពីមុន ហើយវារួមមានទាំងការ
ជំងឺធ្លាក់ទឹកចិត្តមានលក្ខណៈស្តែងឡើង ដោយអារម្មណ៍ក្រៀមក្រំចិត្តជាប់ជាប្រចាំ និងបាត់បង់ចំណាប់អារម្មណ៍ក្នុងស្ថានភាព ផ្សេងៗដែលធ្លាប់តែចូលចិត្តពីមុន ហើយវារួមមានទាំងការបាត់បង់សមត្ថភាពក្នុងការបំពេញការងារ ក្នុងសកម្មភាព ផ្សេងៗយ៉ាងយ៉ោចណាស់មានរយៈពេលពីរសប្តាហ៍ ។
តើធ្វើដូចម្តេចទើបដឹងថាលោកអ្នកកំពុងកើតមានជំងឺធ្លាក់ទឹកចិត្ត ? សាស្ត្រាចារ្យវេជ្ជបណ្ឌិតយឹម សុបុត្រា ឯកទេសវិកលវិទ្យា និងជាប្រធានផ្នែកជំងឺផ្លូវចិត្តនៃមន្ទីរពេទ្យមិត្តភាពខ្មែរ-សូវៀតឱ្យដឹងថា លោកអ្នកអាចកត់សម្គាល់ថា លោកអ្នកកើតមានជំងឺធ្លាក់ទឹកចិត្តតាមរោគសញ្ញាចំនួន៣យ៉ាង ៖
១-ការផ្លាស់ប្តូរអារម្មណ៍ ៖
-មានអារម្មណ៍ឯកោ
-មានអារម្មណ៍ស្រងូតស្រងាត់ ឬធ្លាក់ទឹកចិត្តស្ទើរតែរាល់ថ្ងៃ ។
-បាត់បង់ការចាប់អារម្មណ៍ និងសប្បាយស្ទើរតែគ្រប់សកម្មភាពក្នុងជីវិតរស់នៅ ។
-មានអារម្មណ៍បរាជ័យគ្រប់សកម្មភាព ស្តីបន្ទោសខ្លួនឯង ឬដាក់ទណ្ខកម្មលើខ្លួនឯង ។
-អសមត្ថភាព ឬថមថយក្នុងការសម្រេចចិត្ត និងដោះស្រាយបញ្ហាប្រចាំថ្ងៃ ។
-គ្មានទំនុកចិត្តលើខ្លួនឯង ។
-មានគំនិតមិនចង់រស់ ឬធ្លាប់ធ្វើអត្តឃាតម្តង ឬច្រើនដងរួចមកហើយ ។
-មានគំនិតមនុស្សឃាត ។
២-អាការមានលើរាងកាយ ៖
-វិបត្តិដំណេក(ភ្ញាក់ពីព្រឹកពេក) ។
-ញ៉ាំពុំបាន ស្រកទម្ងន់ ឬញ៉ាំច្រើនឡើងទម្ងន់ ។
-ចលនា យឺតៗ ឬមានភាពឡេះឡាស់ ។
-បាត់បង់ចំណង់ផ្លូវភេទ ។
-អស់កម្លាំងល្ហិតល្ហៃស្ទើរគ្រប់ពេលវេលា ។
-ទល់លាមក រដូវមិនទៀង(ស្ត្រី) ។
៣-ការផ្លាស់ប្តូរតួនាទីមុខងារក្នុងសង្គម ៖
-ដកខ្លួនចេញពីសង្គម ។
-ថយចុះមុខងារថែរក្សាខ្លួន និងអសមត្ថភាពថែរក្សាអ្នកដទៃ ។
-អសមត្ថភាពបំពេញការងារ ការសម្រេចចិត្ត និងធ្លាក់ចុះការចង់ដឹងហេតុផល ។
បើសិនជាលោកអ្នកមានអាការទាំងនោះ សូមគិតទៅដល់ជំងឺធ្លាក់ទឹកចិត្ត ហើយត្រូវស្វែងរកដៃគូពិភាក្សាមិនត្រូវលាក់ទុកក្នុងចិត្តយូរពេលទេ ពិសេសគួរតែស្វែងរកអ្នកជំនាញដើម្បីព្យាបាលទើបជាការប្រសើរ ៕
ចែករំលែកព័តមាននេះ