បង្ក្រាបវៀតណាមជាមួយហេរ៉ូអីុន២គីឡូ…
ជនសង្ស័យ៣នាក់ជាជនជាតិវៀតណាម
ជនសង្ស័យ៣នាក់ជាជនជាតិវៀតណាម
រាជធានីភ្នំពេញ ៖ កម្លាំងនគរបាលមន្ទីរប្រឆាំងគ្រឿងញៀនក្រសួងមហាផ្ទៃ កាលពីព្រឹកថ្ងៃទី២១ សីហា បានបញ្ជូនជនសង្ស័យ៣នាក់ ពាក់ព័ន្ធករណីជួញដូរគ្រឿងញៀន ក្នុងនោះមានម្នាក់ជាមេខ្លោងបញ្ជូនទៅកាន់សាលាដំបូងរាជធានី រួមជាមួយវត្ថុតាងថ្នាំញៀនជាង២គីឡូក្រាមផងដែរ ។
ជនសង្ស័យ៣នាក់ជាជនជាតិវៀតណាមនោះ ១-ឈ្មោះ យូ សូរិយា ហៅ យ៉ា ភេទប្រុស អាយុ៤០ឆ្នាំ (មេខ្លោង) ២-ឈ្មោះង្វៀង ហ្វីងគៀង ហៅ សុខហេង ភេទប្រុស អាយុ៥៨ឆ្នាំ និង៣-ឈ្មោះ ង្វៀង ធីធី ភេទស្រី អាយុ៤០ឆ្នាំ ។
គួររំលឹកថា កាលពីថ្ងៃទី១៧ សីហា កម្លាំងសមត្ថកិច្ចនគរបាលមន្ទីរប្រឆាំងគ្រឿងញៀន បានស្រាវជ្រាវឃាត់ខ្លួនជនសង្ស័យចំនួន៣នាក់នៅមុខវត្តមហាមន្ត្រី ស្ថិតក្នុងសង្កាត់អូឡាំពិក ខណ្ឌចំការមន ដកហូតវត្ថុតាងថ្នាំញៀនចំនួន២១១៩,៦៤ក្រាម (២គីឡូ១ខាំ១៩ក្រាម.៦៤)ជាប្រភេទថ្នាំហេរ៉ូអ៊ីន រថយន្ត១គ្រឿង ម៉ូតូ១គ្រឿង និងទូរស័ព្ទដៃចំនួន៣គ្រឿង ។
បន្ទាប់ពីឃាត់ខ្លួនជនសង្ស័យនិងដកហូតវត្ថុតាងថ្នាំញៀនជាង២គីឡូក្រាមនោះភ្លាម សមត្ថកិច្ចបាននាំទៅឆែកឆេរផ្ទះដែលពួកគេស្នាក់នៅ២កន្លែងទៀតក្នុងសង្កាត់ស្ទឹងមានជ័យ ខណ្ឌមានជ័យ ជាលទ្ធផលពុំមានអ្វីឱ្យកត់សម្គាល់នោះទេ ។ តាមប្រភព័ត៌មានពីសមត្ថកិច្ចបានឱ្យដឹងថា ក្រុមឈ្មួញគ្រឿងញៀន៣នាក់នេះ សុទ្ធតែជាជនជាតិវៀតណាម ពួកគេស្ទាត់ជំនាញរកស៊ីដឹកជញ្ជូនគ្រឿងញៀនពីប្រទេសឡាវចូលមកកម្ពុជា និងឆ្លងដែនចូលទៅប្រទេសវៀតណាមបន្ត ។
សមត្ថកិច្ចបានឱ្យដឹងថា តាមចម្លើយពួកគេបានប្រព្រឹត្តបទល្មើសជួញដូរគ្រឿងញៀនជា ច្រើនលើកមកហើយ ប៉ុន្តែមិនមានថ្នាំញៀនច្រើន ដូចលើកនេះទេ ហើយក៏មិនដែលសមត្ថកិច្ចចាប់ខ្លួនដែរ ៕
ចែករំលែកព័តមាននេះ