រថយន្តបើកបុកម៉ូតូហើយរត់បាត់យ៉ាងសុវត្ថិភាព
រាជធានីភ្នំពេញ ៖ បុរសម្នាក់ជាអ្នកបើករថយន្តមួយគ្រឿងមិនដឹងថាប្រញាប់ទៅណានោះទេ បានជ្រុលទៅបុកម៉ូតូហុងដាឌ្រីមចំពីមុខពេញទំហឹង
រាជធានីភ្នំពេញ ៖ បុរសម្នាក់ជាអ្នកបើករថយន្តមួយគ្រឿងមិនដឹងថាប្រញាប់ទៅណានោះទេ បានជ្រុលទៅបុកម៉ូតូហុងដាឌ្រីមចំពីមុខពេញទំហឹង បណ្តាលឲ្យរងរបួសធ្ងន់ដេកផ្កាប់មុខស្លាប់ ។ ហេតុការណ៍នេះ បានកើតឡើងកាលពីវេលាម៉ោង០១និង៣០នាទីរំលងអធ្រាត្រ ឈានចូលថ្ងៃទី២៣ ខែសីហា ឆ្នាំ២០១៧ តាមបណ្តោយផ្លូវ៦១កែងផ្លូវ៩០ ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញហេតុការណ៍ បានឲ្យដឹងថា ៖ មុនពេលកើតហេតុ គេបានឃើញបុរសម្នាក់ជិះម៉ូតូម៉ាកហុងដាឌ្រីម ពណ៌ខ្មៅ ស៊េរី២០១៦ ពាក់ស្លាកលេខ ភ្នំពេញ ១FM-២៣២៤ ធ្វើដំណើរតាមបណ្តោយផ្លូវ៦១ ក្នុងទិសដៅពីជើងទៅត្បូង គោលបំណងបើកទៅត្រង់ ខណៈពេលមកដល់ចំណុចកើតហេតុ បើកឆ្លងផ្លូវបានពាក់កណ្តាលមកហើយ ក៏ស្រាប់តែមានរថយន្តតាក់ស៊ីម៉ែត្រមួយគ្រឿង បានបើកតាមបណ្តោយផ្លូវ៩០ ក្នុងទិសដៅពីលិចទៅកើតក្នុងល្បឿនយ៉ាងលឿន មិនដឹងថាប្រញាប់ទៅណានោះទេ មកដល់ផ្លូវកែង ហើយមិនបានបន្ថយល្បឿន ក៏ជិះទៅបុកម៉ូតូចំពីមុខពេញទំហឹង បណ្តាលឲ្យខ្ទាតម៉ូតូទៅចិញ្ចើមផ្លូវខូចខាតខ្ទេចមួយកំណាត់មុខទាំងស្រុង ចំណែកឯម្ចាស់ម៉ូតូវិញដួលបោកផ្កាប់មុខបោកក្បាលនៅនឹងថ្នល់ហូរឈាមពេញផ្លូវ រងរបួសធ្ងន់ស្លាប់ ឬឯម្ចាស់រថយន្តតាក់ស៊ីម៉ែត្រ ជារថយន្តបង្កវិញ មិនបានឈប់នៅដោះស្រាយ និងមើលជនរងគ្រោះនោះទេ ក៏បន្ថែមល្បឿនបើករត់គេចខ្លួនបាត់ស្រមោល បន្សល់ទុកនៅតែជនរងគ្រោះដេកផ្កាប់មុខ តែប៉ុណ្ណោះ ភ្លាមៗនោះ រថយន្តសង្គ្រោះបានមកដល់ដឹកយកជនរងគ្រោះយកទៅមន្ទីរពេទ្យកាល់ម៉ែត្រ ។
ក្រោយពេលកើតហេតុ សមត្ថកិច្ចមូលដ្ឋានបានមកដល់កន្លែងកើតហេតុ បានយកម៉ូតូរបស់ជនរងគ្រោះយកទៅរក្សាទុកឲ្យនៅអធិការដ្ឋាននគរបាលខណ្ឌដូនពេញ ៕
ចែករំលែកព័តមាននេះ