ពិធីប្រគល់អណ្តូងទឹកស្អាតជូនបងប្អូនប្រជាពលរដ្ឋ
ខេត្តសៀមរាប ៖ នាព្រឹកថ្ងៃទី២២ ខែសីហា ឆ្នាំ២០១៧ ស្ថិតនៅភូមិយាងទេស ឃុំខ្ចាស់ ស្រុកសូទ្រនិគម ខេត្តសៀមរាប
ខេត្តសៀមរាប ៖ នាព្រឹកថ្ងៃទី២២ ខែសីហា ឆ្នាំ២០១៧ ស្ថិតនៅភូមិយាងទេស ឃុំខ្ចាស់ ស្រុកសូទ្រនិគម ខេត្តសៀមរាប
ខេត្តសៀមរាប ៖ នាព្រឹកថ្ងៃទី២២ ខែសីហា ឆ្នាំ២០១៧ ស្ថិតនៅភូមិយាងទេស ឃុំខ្ចាស់ ស្រុកសូទ្រនិគម ខេត្តសៀមរាប មានរៀបចំពិធីប្រគល់អណ្តូងទឹកស្អាតចំនួនពីរដែលជាអំណោយសប្បុរធម៌របស់លោក នេត ផល្គុន អនុប្រធានមន្ទីរធនធានទឹក ឧតុនិយមខេត្ត និងក្រុមគ្រួសារ និងសប្បុរសជនចិនបានផ្តល់តាមរយៈសាខាកាកបាទក្រហមកម្ពុជាខេត្ត ជូនដល់បងប្អូនប្រជាពលរដ្ឋសហគមយាងទេស ក្រោមអធិបតីភាពរបស់លោកជំទាវ គួយ ណាលីន ឃឹម ប៊ុន សុង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត ។
ក្នុងកិច្ចស្វាគមន៍របស់លោកស្រីអភិបាលរងនៃគណៈអភិបាលស្រុកសូទ្រនិគមបានគូសបញ្ជាក់ថា នៅតាមបណ្តាភូមិមួយចំនួនកំពុងប្រឈមទៅនឹងការខ្វះខាតទឹកស្អាតប្រើប្រាស់ដែលកន្លងមកប្រជាពលរដ្ឋទាំងនោះបានប្រើប្រាស់ទឹកដែលគ្មានអនាម័យ ដូចជាអណ្តូងដៃតូចៗ និងទឹកស្រះជាដើម ។
តាមសេចក្តីរាយការណ៍របស់លោក ស៊ុំ សំអន នាយកប្រតិបត្តិសាខាកាកបាទក្រហមកម្ពុជាខេត្តបានគូសបញ្ជាក់ថា នេះជាអណ្តូងទឹកទី២២ ទី២៣ ហើយបន្ទាប់ពីអណ្តូងចំនួន២០ ដែលសាខាកាកបាទក្រហមកម្ពុជាខេត្ត ផ្តល់ជូនប្រជាពលរដ្ឋនៅស្រុកជីក្រែង ហើយក៏ជាអណ្តូងទឹកទី២និងទី៣ ក្នុងស្រុកសូទ្រនិគមផងដែរ ដែលបានផ្តល់ផលប្រយោជន៍ដល់ប្រជាពលរដ្ឋក្នុងភូមិយាងទេស បានប្រើប្រាស់ទាំងប្រាំង និងវស្សាដោយគ្មានការព្រួយបារម្ភដូចមុនឡើយ ។ ក្នុងនោះដែរលោកជំទាវ ក៏បាននាំយកអំណោយមួយចំនួន ចែកជូនដល់បងប្អូនប្រជាពលរដ្ឋ ដែលបានចូល រួមក្នុងពិធីប្រគល់អណ្តូងនេះ ដោយម្នាក់ៗទទួលបាន សារុង១ និង ប្រាក់១ម៉ឺនរៀល ៕
ចែករំលែកព័តមាននេះ